الموضوع: قائمة سوداء لمحطات البنزين (يغشون البنزين بماء أو أي غش آخر)

احب الف نظر السادة اعضاء المنتدى المحترمين واحذرهم من التعامل مع محطة بنزين (توتال) الموجودة على طريق الاوتوستراد والواقعة بين المعادى وطرة البلد على شمال الطريق وانت متجه الى المعادى عند منطقة شق التعبان وذلك بانه يتم فيها التلاعب فى عدادات البنزين وبمعدل لتر لكل عشرة لتر تقريبا وذلك عن تجربة وتاكيد اكثر من مرة وعن نفسى قررت بعد التاكد من ذلك عدم التموين منها مرة اخرى 0

المشاركة الأصلية كتبت بواسطة hashem1999

معلش احب اوضح لكم يس ان ماينفعش البنزين يتخف بماء
لان كثافة البنزين اعلى وبالتالى لو زودو التانكات بماء هيطفو البنزين فوق الماء
هو ممكن يكونو بييخلطو ال80 على ال90 والله اعلم

كثافة البنزين أقل

أنا هاذكر التجارب السيئة : أنا باستخدم 92 الا فى حالة انى ادخل اكتر من بنزينة و مالاقيش غير 90 أو يكون التنك قرب يفضى .
أول تجربة : كنت فى اسماعيلية و دخلت بنزينة التعاون مفيش غير 90 حطيت 20 او 30 لتر النتيجة العربية بعد ما وصلت القاهرة و احنا عند كارفور الصحراوي كان البنزين فيه حوالي 10 لتر أو أقل قطعت و مرضيتش تدور نتيجة الأوساخ و الشوائب اللى قضت على فلتر البمزين و الحل المؤقت جبنا موظف من بنزينة قريبة هناك رفع الكنبة الخلفية و حاول ينضف التنك و العربية دارت ولله الحمد.

تاني تجربة(كانت بعد فترة طويلة من التجربة الأولى) : كنت فى شارع الدقى و دخلت بنزينة التعاون اللى على ناصية ش الدقي مع ش مصدق و مفيش غير بنزين 90 برضه حطيت ما بين 10 لتر الى 15 لتر .
النتيجة = و انا عند سمكري فى منطقة دار السلام العربية بتدور و تقطع تدور و تقطع و عشان تمشي لازم أدوس بنزين على الآخر و أكارك على الدواسة عشان متبطلش رحت للميكانيكي ركب الاسكانر و جرب أكتر من مرة طلع ماااااف غيرت الماف ب 1700 جنيه .

ثالت تجربة : بنزينة موبيل شارع رمسيس بجوار الكاتدرائية اللى هي جنب معرض باناسونيك بعد منزل الكوبري
حطيت 92 حوالى صفيحة .
النتيجة : كنت راكن فى شارع عدلى و مشغل التكييف العربية لقيتها بتترجرج و قامت مبطلة أدورها تدور و تبطل على طول و هكذا ، جبت مادة كيماوية من التوفيقية ضفتها للتانك زي ما الميكانيكي قال لي و حرقت بنزين جامد و انا ماشي و زودت بعد كده من امارات مصر على دائري المعادي اللى هي أفضل بنزينه جربتها .

قناعتي الشخصية بعد التجارب دي دخول بنزينة التعاون محرم علي و اامارات مصر على دائري المعادي بجوار كارفور هي أفضل بنزينة .

بنزينة كالتكس أمام جامع الحصرى 6 أمتوبر مونت منها حسيت انى مونت سبرتو أو كحول بدل النزين ولم أتعامل معها بعد ذلك رغم انها بجوار البيت أنا أتعامل مع وطنية بجوار دريم لاند أو توتال بجوار مدينة الأنتاج الأعلامى

المشاركة الأصلية كتبت بواسطة meddo

احب الف نظر السادة اعضاء المنتدى المحترمين واحذرهم من التعامل مع محطة بنزين (توتال) الموجودة على طريق الاوتوستراد والواقعة بين المعادى وطرة البلد على شمال الطريق وانت متجه الى المعادى عند منطقة شق التعبان وذلك بانه يتم فيها التلاعب فى عدادات البنزين وبمعدل لتر لكل عشرة لتر تقريبا وذلك عن تجربة وتاكيد اكثر من مرة وعن نفسى قررت بعد التاكد من ذلك عدم التموين منها مرة اخرى 0

[color="purple"]عن تجربه والله اكتر بنزينه نصابين غير السرقه فى العداد بيحطلك 90 ويحلف انه حاطط 92
الله لايباركلهم البعدا حسبى الله ونعم الوكيل فيهم
مهلش اصل الواحد محروق دمه بجد مع انها جنب البيت مباشرة ولكن بمون من وطنيه بتاعت المعادى اللى على الاتوستراد[/color]