قائمة سوداء لمحطات البنزين (يغشون البنزين بماء أو أي غش آخر)

**dragonsmith** · 09-09-2007 05:54 PM

ياباشا بيقول شل اللي لونها اصفر على اول طريق السويس مش وطنية اللي لونها أخضر اللي جنب سيتي ستارز او عالدائري قبل مساكن شيراتون

السلام عليكم،

هي دي المحطة اللي انا بتكلم عليها يا فندم و انا مستغرب انها تبع الجيش و متقلبتش وطنية بالاضافة لإن في ناس بتشتكي منها.
شكرا.

**casperinoo** · 13-09-2007 03:31 AM

hwa ana leeh kol maroo7 al watnya y2ololy al 92 5lsan

7waly arb3 mrat
alee 3nd amtdad rmsees
wly 2oryba mn al sheraton

**ahmed speedo** · 13-09-2007 01:12 PM

بص من الاخر احسن بنزين وعن تجربة الترتيب كالأتي من حيث النظافة والامانة
1- إمارات مصر
2- شل
3- موبيل
4-وطنية
5- مصر
ومحدش يروح للتعاون وياريت منتعاونش معاها خالص انا بيتهيئلي إن ال 90 فيها 80 وال 92 ( 90 ) والله أعلم

**Adham** · 13-09-2007 02:18 PM

انا ماجربتش إمارات مصر بس انا مش موافقك عالترتيب ان شل و موبيل أعلى من الوطنية

يعني انا شايف ان:

1- وطنية و ممكن لإمارات مصر معاها لو اللي جربوها شايفينها كويسة زيها

2- شل

3- موبيل

**ahmed1981** · 13-09-2007 03:53 PM

قد يكون الأمر يعتمد على أمانة مالك المحطة أو إدارة المحطة
لكن طبعا المراقبة من الشركة له أكبر الأثر

ولذلك قد تجد محطات تعاون زي هيليوبلس ولكن كويسة وقد تجد شل زي اللي بعض إخوانا قالوا عليها مش كويسة

لكن لما يكون المالك والمدير هو الجيش زي وطنية أظن ممكن تكون أكثر أمانة لحين ظهور العكس

**محمدايهاب** · 14-09-2007 12:47 AM

أنا رأي الأسوء هو محطة مصر خاصة إلي موجودة عند عباس العقاد
أما احسن محطة فهب إما الأمارات مصر أو موبيل
شل يعين مش أوي بس إلي موجودة في شار اللاسلكي في المعادي فهي وحشة
كالتيكس ماشي حالها
التعاون أنا جربته مرة واحدة و كان في المنيل أمام كليتي ( كلية طب ) ده تقريبا مش بنزين ممكن يكون مياه ملونه

**Sharky** · 14-09-2007 01:30 AM

انا شايف من تجربتى الشخصية إن أحسن محطات البنزين هى:

1- إمارات مصر.
2- شل .
3- توتال.
4- وطنية

غير كده عندك موبيل البنزين بيخلص بسرعة قوى و طبعا التعاون بنزينها ضايع أصلا و بيكرر العربية و مصر للبترول و كالتكس حسب ظروف المحطة

**m74mansour** · 14-09-2007 04:26 PM

عندى إقتراح ، ليه مانقاطعش المحطات التابعة للشركات الأمريكيه ويبقى الموضوع ليه قيمه أكبر
وربنا يخللنا وطنيه وأمثالها ؟

**casperinoo** · 16-09-2007 05:27 AM

شيل اللي عند نادي المقاولين((العربيه كان اداها زفت وبتكركر والكلام ده من اول لما فاولت منها))
حتي انتي ياشيل
انا شايف ان الموضوع ملوش دعوه بشركه معينه ...ده متوقف علي صاحب البنزينه

**kh_talaat** · 23-09-2007 02:40 PM

محطة كالتكس يا جماعة إللي في آخر شارع البحر الأعظم بالجيزة ..... إحذرووووووها

مره مونت منها العربية وكأن عفريت ركبها عماله تكركر وتتنطط وصوت فرقعه من الكبوت ومره من الشكمان وأدوس على البنزين للآخر آلاقي العربية يادوب ماشية على 20 وفجأة تقوم نطه على 60 والعربيات ورايا تزمررررررر ..... ياه كان يوم

المهم إستنيت بعد ما فضيت التانك ( لأني كنت شاكك في البوجيهات ) وروحت مونت العربية من محطة تانية لقيت المشاكل دي إختفت خالص والعفريت را ح ح ح ح .... الحمد لله :lol: :lol: