قائمة سوداء لمحطات البنزين (يغشون البنزين بماء أو أي غش آخر)

**محمد صبري ابراهيم** · 06-08-2007 11:18 AM

محطة شيل إللي على طريق السويس (إتجاه القاهرة) عند الكيلو 4.5 المحطة ديه لاعبين في العدادات جامد جدا

انا جربت أحط عندهم بكذا عربية و انا عارف إللي بحطه ده بيعلم فين في العداد ، دائما بالاقي العداد ناقص حوالي 4 إلي 5 لتر ، و مرة تانية لاقيت واحد رجعلهم و اتخانيق معاهم و قالوهم إنتوا حرمية، انا بصراحة بعد ما جربت كذا مرة إتأكدت و بطلت أحط عندهم،

شيل إللي قصادها الناحية التانية (إتجاة السويس) محطة كويسة جدا و محترمة و عداداتهم مضبوطة

**ايهاب** · 06-08-2007 12:10 PM

موبيل اللي في ميدان فلسطين -المعادي الجديدة--البنزين علية مية--والمعاملة جافة -واسعاراي حاجة في الماركت اغلي من اي بنزينة
كالتكس اخر شارع النصر -المعادي الجديدة عن نهاية النصر مع الاوتوستيراد--البنزين مغششششششششششششوششششششششغ----علية مية واعتقد انها مية مجاري علي مية طرشي==بنزينة عايزة الحرق هي واصحابها لانهم لو مهتمين بيها ماكانش الغش يبقي فيها كدة
-------شل الي في اللاسلكي -المعادي الجديدة--ممتازة-ممتازة ممتازة
شل الي بجوار القرية الفرعونية ممتازة
dr/ehababdelhafeez

**Mina W** · 06-08-2007 12:10 PM

انا من اسكندرية، و كنت فاكر ان استهلاك العربية زاد اخر مرة فولت فيها لان التانك عمل حوالى 80-90 كم اقل من العادى :shock: ، لكن من الكلام ده يبقى المشكلة من البنزين انا فولت من مصر للبترول على طريق الحرية فى الابراهيمية و كده تبقى سرقة علنى ، يا ترى حد يعرف ازاى نشتكى من حاجة زى كده؟؟ :?:

**Powert** · 06-08-2007 12:21 PM

احنا نبعد ميل لمجلة عربيتي نبلغهم بكلام ده

ده الحل الوحيد وتقريبا الإيجابي وخصوصا انهم

ما يصدقوا يلاقوا حاجة يكتبوها :)

**معاذ الشرباصى** · 06-08-2007 04:12 PM

موبيل اللي في ميدان فلسطين -المعادي الجديدة--البنزين علية مية--والمعاملة جافة -واسعاراي حاجة في الماركت اغلي من اي بنزينة

دى البنزينة دى من المفضلين عندى, انا لما ببقى فى المعادى هى او شل اللى فى الاسلكى

on the run فى اى حتى اغلى شوية, بس هى ده مكان التجمع الرسمى بتاع الشباب فى المعادى الجديدة

**3mr Farrag** · 06-08-2007 08:18 PM

انا بحب احط بنزين من توتال اللي في اول الهرم و شايف انها كويسه....
بس استاذ ecybrarian كان بيقول انهم بغشوا في العداد.....بصراحه محصلش معايا قبل كده......و البنزين بتاعهم بصراحه نضيف ....بحس ان العربيه بتكون كويسه عن ما احط من حته تانيه

**ahmed1981** · 06-08-2007 08:51 PM

يا جماعة المحطة الي بتسرق وبتغش مش هتسرق وتغش كل يوم
ومش هتغش كل الخزانات مرة واحدة
لأن دول حرامية حريصين إن العملية متسمعش جامد
فممكن يغشوا أسبوع وأسبوع أو يكون فيه خزان مغشوش وآخر غيرمغشوش أو أي أسلوب حتى لا تنتشر سمعتهم السيئة
وبالتالي ممكن إتنين يمونوا من نفس المحطة وواحد يتغش والتاني يطلع حظه حلو
ونلاقي واحد بيقول المحطة الفلانية حلوة وواحد يقول حرامية والإتنين صادقين وبالتالي تبقى محطة حرامية

**khalid_adel** · 06-08-2007 09:50 PM

انا سمعت ان كالتكس كتير منها وحشه بس الصراحه انا جنبي واحده بملى منها كتير جدا وجربتها بكذا عربيه قبل كده عمرها ماحطط بنزين وحش او قليل او اي غش
لكن انا فاكر مره مليت من توتال الي عند نزلة الدائري مريوطيه ودي مش فاكر ايه اللي حصل بالظبط بس من ساعتها مش بملى منها ابدا حتى لو مفيش بنزين
عموما شل و موبيل في اي حته كويسين ( لما بكون بره بدور على شل او موبيل او وطنيه ) دون انا بثق فيهم في اي مكان

**MohabSaeed** · 07-08-2007 10:59 PM

التعاون وكالتيكس الى فى 6 اكتوبر .. وللاسف هما دول مافيش غيرهم داخل 6 اكتوبر .... فى موبل فى مدخل 6 اكتوبر وقبل المحور .. مرة حطيط منها 15 لتر .. حسيت ان العربية بقت 2000 سىسى ...بس دة حصل مرة واحدة

دلوقتى انا بقيت احط 92 ... وبصراحة بحس بالفرق لما احط 92 من شيل ... اى محطة تانية مش بحس بأى فرق

-

مشاهدة نتائج الإستطلاع: ماهى أسوأ بنزينة فى مصر

الموضوع: قائمة سوداء لمحطات البنزين (يغشون البنزين بماء أو أي غش آخر)

LinkBack

أدوات الموضوع

عرض

-

-

-

-

-

المواضيع المتشابهه

قائمة سوداء باصحاب الورش والمراكز والمحلات في كافة مجالات السيارات

عايزين قائمة بيضاء و قائمة سوداء لشركات التأمين

مشكلة ريحة البنزين لازالت قائمة

ما هي بدائل المقاطعة بالنسبة لمحطات البنزين؟

الكلمات الدلالية لهذا الموضوع

المفضلات

المفضلات

ضوابط المشاركة