الموضوع: مفيش ولا نقطة زيت باور

فيه بعض الصنايعيه بتوع العفشه بيكون يعرف ازاى يصلح الاسكاترا ( موش كل بتوع العفشه بيعرفوا )

لو الاسكاترا بتاعتك ليها طقم اصلاح بيتباع يبقى ممكن تتصلح

و برضه الاسكاترا لازم تكون سليمه موش متآكله علشان يقدر يركب لها طقم اصلاح ..

اما لو مشط الاسكاترا هو اللى بايظ .. يبقى ساعتها ستضطر ان تغير الاسكاترا

فى الأول قاللى فيه واحد يصلحهالى ب 500 جنيه ده لما كنت هجيب السكاترا في الأول ولما جبتها 4 مرات ورجعنى بيها لأنها مش عاجباه جبتها مرة ب 600 ومرة ب 900 ومرة ب 1000 ومرة ب 1100 فلما قلت له هاتها انت جابها وقاللى السكاترا القديمة بايظة خالص ماتفعش تتصلح وكده أحسن بس جابها ب 1400
المشكلة انى حاسس ان الزيت قل
فهل ده علشان ابتدى يوصل للطرمبة ويشتغل والا ده عيب ولازم أرجعله
هو قاللى 3 أيام وتعالى
وانا النهاردة هروح أغسلها من تحت لأنها كلها زيت وأتابعها

لو فيه نصيحة قوللى بالله عليك

المشاركة الأصلية كتبت بواسطة تامر راغب

فى الأول قاللى فيه واحد يصلحهالى ب 500 جنيه ده لما كنت هجيب السكاترا في الأول ولما جبتها 4 مرات ورجعنى بيها لأنها مش عاجباه جبتها مرة ب 600 ومرة ب 900 ومرة ب 1000 ومرة ب 1100 فلما قلت له هاتها انت جابها وقاللى السكاترا القديمة بايظة خالص ماتفعش تتصلح وكده أحسن بس جابها ب 1400
لا طبعا خساره نصف ثمن المستعمل تدفعه تصليح .. بس كل حاجه غليت .. زمان القصه دى 150 او 200 جنيه تخلص الموضوع

المشكلة انى حاسس ان الزيت قل
فهل ده علشان ابتدى يوصل للطرمبة ويشتغل والا ده عيب ولازم أرجعله
هو قاللى 3 أيام وتعالى
وانا النهاردة هروح أغسلها من تحت لأنها كلها زيت وأتابعها

لو فيه نصيحة قوللى بالله عليك

زى ما انت قلت .. هو جاب الاسكاترا ( بالخراطيم ) .. بتاعه البور على ما اظن ؟؟ هو المفروض خرطوم واحد على ما اظن

لو كده فالخراطيم دى بتكون غاليه طبعا .. يعنى لو شيلت ثمن الخراطيم تطلع الاسكاترا زى ما كنت انت جايبها تقريبا


حط لزق بلاستر على منسوب الميه بالظبط ( اللزق يكون من فوق مستوى الميه افضل ) .. و ده حيحدد بالظبط ان كانت بتنقص ام لا
و لازم تقيس فى مكان افقى قدر المستطاع .. و لما تيجى تقيس تانى يوم .. توقف العربيه فى نفس المكان يكون افضل علشان تشوف الفرق ( لو فيه )


الميكانيكى اللى معاك شكله راجل محترم و موش عكاك

فهل ده علشان ابتدى يوصل للطرمبة ويشتغل والا ده عيب ولازم أرجعله
هو قاللى 3 أيام وتعالى

ما انا وضحت لك .. لو المنسوب نزل اول يوم او يومين حاجه بسيطه يبقى شويه هوا فى الدوره خرجوا ( و ده طبيعى انه يفضل شويه هوا يخرجوا مع المشى اول كام يوم )

فتره نقص الزيت بتتوقف انت بتمشى اد ايه و بتكسر الدركسيون كثير

يعنى اكيد بعد 3 ايام لو فيه تسريب سيظهر من خلال نقص المنسوب ..

الاختبار هو الزيت حينقص فى القربه ( من غير عسيل عربيه )

وانا النهاردة هروح أغسلها من تحت لأنها كلها زيت وأتابعها

لو فيه نصيحة قوللى بالله عليك

اجل الغسيل لغايه الموضوع ده ما يخلص

و هو شكله ميكانيكى كويس .. حيغسل لك بعد الشغل ( مع انه موش مفروض عليه انه يعمل كده )


لو غسلتها .. حتتوسخ زيت تانى و هو بيغير الزيت

الاهم انك تعرف ايت الباور اللى حتغيره هو ايه .. اسأل بتوع هونداى

تمام قوى ربنا يكرمك يارب
طمنتنى
والله طمنتنى
هعمل اللى قلت عليه وربنا يكرم
ومتشكر جدا على صبرك معايا

هو عفشجى مش ميكانيكى الحقيقة

المشاركة الأصلية كتبت بواسطة تامر راغب

هو عفشجى مش ميكانيكى الحقيقة

طب ماهو ده هو الصح .. لانها شغلانه عفشجى اصلا

ما تنساش .. لو كل الامور مظبوطه و تمام .. لازم زيت الباور ما يزيدش عن علامه الماكس .. حتى و لو بملليمتر واحد .. علشان ما يحصلش زنه بسبب زياده الزيت ( و تكون الطرمبه سليمه اصلا )

لان ده حصل معى .. فرق بسيط جدا جدا جدا زياده فى الزيت .. عمل زنه .. اول ما نقصت المنسوب على العلامه .. الزنه راحت

أنا بصيت على الزيت لقيتة على علامة ال مينيمام min ومشيت بيها مشوار طويل بس مابصيتش لما رجعت ... هبص عليها الصبح ان شاء الله
بس فيه برضه زنة فى الدركسيون بتيجى وتروح كدة كل شوية