اقوى تعديل تبريد لسكودا فيفورت وفليشيا

**rotanamasoud** · 15-04-2017 09:10 PM

الكل بيعانى من مشاكل فى حراره الاسكودا الفليشيا والفيفورت وفى مواضيع كتير بتتكلم عن كده انا هنا عملت تعديل اقوى 5 اضعاف للمروحه العاديه وتمت تجربته 1000 كيلو قبل ما انشره
اولا عيوب التعديل
1- صعوبه الوصول لفلتر الزيت لو عندك مصفحه (حتحتاج تفكها لما تغير فلتر الزيت)
2- صعوبه الوصول لرداخ البنزين (حتحتاج تفك المصفحه او المروحه للوصول اليه
3- لازم بطاريه ودينمو مظبوطين لقدره المروحه الكبيره بتستهلك 40 امبير وتيار بدء تشغيل 80 امبير
المميزات
1- قدره تبريد اعلى 5 اضعاف القدره العاديه (دى مروحه المكن ال2000 بتاع التمبرا مش المروحه العاديه) انسى مشاكل الحراره باذن الله تماما
2- التحكم فى قدره المروحه بسرعتين نظرا لقدرتها الكبيره جدا
3- وجود 2 كتاوت لزياده الامان وتقليل الاعطال لو واحد عطل التانى شغال
4-عند تنفيذ المخطط الكهربى سيصبح عندك تحكم للمروحه من التبلوه سرعه1 وسرعه2 ولمبه بيان تشغيل
5- يمكنك استخدام حساس حراره التمبرا 3 طرف ليحول بين السرعتين بدون تدخل(اللى محتاجه ممكن ارسمله المخطط بتاعه)
اخيرا يتم ظبط الاربع مسامير وتثبيتهم جيدا وعمل قواعد مطاط بحترافيه ومش حتسمع صوت المروحه حتعرف انها دايره من لمبه البيان
1.jpg 2.jpg 3.jpg 4.jpg 5.jpg 6.jpg

**Colin Chapman** · 16-04-2017 05:48 AM

ممتاز وتسلم ايديك

**rotanamasoud** · 18-04-2017 06:49 PM

شكرا كولن
المنتدى ده فعلا مات قسم الاسكودا كان انشط قسم زمان الله يرحم المنتدى

**Colin Chapman** · 19-04-2017 06:46 AM

المشاركة الأصلية كتبت بواسطة rotanamasoud

شكرا كولن
المنتدى ده فعلا مات قسم الاسكودا كان انشط قسم زمان الله يرحم المنتدى

مع الاءسف مش ممكن 5 او 6 افراد فقط هنقدر ندور المنتدى لوحدنا مش اكتر من 35 متابع صامت بلا ردود او مشاركات يومية الناس مكسلة تتفرج اوتترجم فيديوهات ومحدش عايز يتعلم اى شىء !!

**kamal_adly** · 09-05-2017 07:51 PM

لللأسف سيارات الاعضاء كلها تهالكت و مواتيرها مفوتة و معادش ينفع طلب النصيحة او كتابة اي تقارير .. سياراتنا كلها ماشية بالبركة و كلها اعطال و مشاكل مش عارفين نلاحق على ايه ولا ايه .

**sami_ahmed_17** · 12-05-2017 02:35 PM

**ahmed.biso13** · 12-05-2017 09:51 PM

برافو علي بس انا سبقتك فى الفكرة وركبت مروحتين فى التمبرا بتوع عربية كيا مكيفة واسرع ومغطية الريتادتير كله
ادخل على الصفحة دى
https://www.nilemotors.net/Nile/424335-a-45.html

**sakr_skoda** · 19-05-2017 10:21 AM

اشكرك على البحث عن حل لمشكلة السخونة لاكن.......لاكن
لو ان السيارة تعمل بكفائة ومنضبطة لن تحتاج لاى تعديل فاخبرك ان مروحة الفليشيا بدون قميص كافية لتبريد السيارة اهم حاجة الكاتينة تكون راكبة صح زى الكتالوج على فكرة احنا عملنا صفحة فيس بنرجع العربة لحالة المصنع بنشغل كل حاجة فيها حتى سخان الكاربرورتير زاتضح انم تلك السيارة ظلمت كثيرا بسبب عدم فهم الكثير لها فى سيارة ابسط مما تتخيل ومع ذالك لا تقبل الافتكاسات اة التعديلات **

**مدحت سمير** · 03-06-2017 10:56 PM

التعديل دة انا عاملة من اكثر من 4 سنين وكاتبة اكثر من مرة في المنتدي ومش لازم تمبرا في ناس بتبيع مراوح كبيرة اكبر من الرداتير ومش لازم تغير ولا بطارية ولا دينمو بس ركب كتاوت قوية مع المروحة