الموضوع: يا جماعة اخر كلام فى ماية تبريد دايو لانوس 2008

1- بتستعمل الميه الحمرا من كام سنه ؟؟
2- الميه الحاليه بقى لها كام سنه فى العربيه ؟
3- التوكيل بيستعمل اى نوع من موبيل لعربيتك ؟

متشكر للرد حضرتك بس انا معنديش خبرة انا شارى عربية مستعملة من حوالى سنة وصاحبها كان بيحط ماية حنفية انا غيرت وحطات ماية حمراء

ومعرفش التوكيل بيحط اية علشان انا مش بروحة

انا بس محتار وعايز حد ينصحنى ويكون عندة خبرة وعنده لانوس دايو وبيستخدم ماية ملونة علشان كدة انا بكتب فى القسم المختص

شكرا مرة اخرى على الرد من حضرتك ربنا يكرمك انك حاولت تساعدنى
فيه حوالى 45 مشاهدة ومفيش حد رد الله واعلم سؤالى صعب ولا فيه سبب تانى لعدم الرد
وانا مش متعود على المنتدى بكدة انا قلت انا تانىى يوم القى الرد والنصيحة واروح اغير ماية على طول

المنتدى اصبحت الردود فيه قليله بصفه عامه

و السؤال صعب فى موضوع الميه بالذات



بصفه عامه مده تغيير الميه كالاتى :
1- موبيل الزرقاء ( اخضر يميل للزرقه ) .. هى سنتين او 40 الف كم ايهما اسبق .. ده كلام عام لاى سياره

2- الميه الحمرا بصفه عامه ( موش موبيل ) بتكون4 او 5 سنوات او 100 الف كم ايهما اسبق .. ده كلام عام لاى سياره
موبيل الاحمر .. سنفترض اقل مده 3 سنوات ( بسبب وجود جزء من ميه الحنفيه جوه الدوره )

انت غيرت الميه من سنه .. يبقى فى جميع الاحوال ميعاد التغيير لسه بدرى عليه



المناسب لسيارتك :
موبيل الازرق ( اخضر يميل للزرقه ) .. مادته اسمها G48 .. حمايه مقبوله للالومنيوم ( موتور الومنيوم بالكامل .. راديتير الومنيوم ) .. للسيارات القديمه نسبيا
G48® | Glysantin®

موبيل الاحمر .. مادته اسمها G30 .. حمايه عاليه جدا للالومنيوم ( موتور الومنيوم بالكامل .. راديتير الومنيوم ) .. غير مناسبه للراديتير النحاس .. للسيارات الحديثه نسبيا
G30® | Glysantin®

- كلا النوعين الازرق و الاحمر يوفر حمايه للمواد الحيديه
- كلا النوعين الازرق و الاحمر ذكر موافقات لاسماء سيارات كثيره ( راجع الموافقات فى الروابط فوق ) .. و لكن ليس من بينها GM .. لكن ده موش معناه انها غير مناسبه او مناسبه .. و موش عارف السبب و لكن تستحق البحث عن سبب ذلك ؟؟ ابحث الموضوع لو احببت معرفه المزيد



اللانوس عربيه قديمه و بتنتج حتى الان .. فبالتالى موش عارف هى تصميم موتورها حديث ام قديم

- لكن بصفه عامه GM حولت الى الميه الحمرا اسمها ديكس كول من سنه 1996 ( تشبه ميه موبيل الحمرا فى المجموعه OAT ) .. فلو انت متأكد ان تصميم موتور عربيتك GM يبقى ممكن تستعمل الميه الحمرا ( على ما اظن )

- و ايضا ممكن برضه تستعمل موبيل الزرقاء و لكن الحمايه ستكون اقل للالومنيوم ..
و لكن لا تخلط ابدا ميه زرقاء على حمراء .. يجب غسيل الدوره جيدا قبل التحويل من الميه الحمراء الى الزرقاء ( لو حبيت تستعمل ميه زرقاء )

- بعد الاستقرار على نوع ميه معين ( احمر او اخضر ) .. عندما يأتى موعد التغيير لا تقوم بغسل الدوره مجددا .. فقط افرغ الماء و ضع الماء الجديد بدون غسيل دوره

جزاك الله خيرا
ربنا يجعلة فى ميزان حسناتك

انا كدة خلاص استمر على الماية الحمراء انا كنت فاكر انى كل سنة مع الصيف اغسل دورة واغير ماية حضرتك اضفت لى معلومة جديدة ان الماية ممكن تفضل على الاقل 3 سنوات

شكرا جزيلا مرة اخرى

بعض النصائح المفيده

1- خليك على مده ال 3 سنين مع ميه موبيل الحمرا .. الان او بعد تغييرها لاحقا .. لان تركيزها فى مصر 33% و ده اقل من التركيز المعتاد فى خارج مصر و هو 50%

2- طالما دوره التبريد جيده و بدون مشاكل .. تجنب فتح غطا القربه كثيرا بدون داعى طالما كل شيئ تمام لمنع دخول هواء جديد بدون داعى .. ده فى حاله ان منسوب الميه ظاهر ( بدون الاحتياج لفتح القربه )

3- قم باجراء اختبار بسيط لكفاءه سائل التبريد كل 4 او 6 شهور مثلا لمجرد الاطمئنان ان السائل بحاله جيده

رابط طريقه الاختبار
أختبارات سائل التبريد ( ميه الراديتير الملونه ) لتحديد كفاءتها و موعد التغيير

4- فى الحالات الاتيه :
- حدوث غليان للميه فى القربه لسبب ما ( راديتير باظ مثلا .. او اى سبب اخر )
- دخول هواء الى دوره التبريد لفتره طويله نسبيا .. بمعنى العربيه اخذت هواء لسبب ما ( لا اقصد بهذا انك فتحت غطاء القربه ) .. و لكن اقصد الدوره واخده هواء ( لفتره طويله ) بسببب وجود خرم مثلا او غيره من الاسباب

فى الحالتين عاليه .. يجب حتما اختبار كفاءه سائل التبريد ( كما هو موضح فى الرابط ) و تغييره ان لزم ( حسب نتيجه الاختبار )

لان اى من السببين عاليه يؤدى الى حدوث تفاعلات غير مرغوب فيها لسائل التبريد تؤدى الى فقده لخواص الحمايه او تكون احماض ضاره بالمحرك