الموضوع: مشكلة سخونه مش لاقيلها حل - شاهين 97

المشاركة الأصلية كتبت بواسطة ahmed.biso13

ركب مروحة على الماتور مباشر وانسى وشييل فكرة الترومستات
وممكن يطلع غير موشر الحرارة بتاع التالبوه هو اللى بايظ فى الاخر لانك مجتش ناحيته

قبل ما اركب مروحه على الموتورعايزاعرف ده عيب ايه
انا فعلا شاكك فالعداد لأن دوسة البنزين هى اللى بتغير القراءه بتاعة بمعنى انى لما ازود بنزين المؤشر بيعلى ولما اشيل رجلى واهدى بالعربيه واجيب التانى مثلا الحراره بتهدى فدقيقه واحده
لو تعرف بتاع عدادات فالهرم قولى

للاسف يا جماعة المشكله مازالت موجوده لحد دلوقتى وعملت كل حاجه بجد ومافيش ميكانيكى عارف حاجه ولا قادر يشخص العيب منين
الردياتير جديد
طرمبة المية جديده
مروحة جديده كورى
شكمان جديد كااامل
اشتريت وش سلندر جديد وركبته
ظبط تاكيهات وسير كاتيه لعاشر مره
غيرت صباح الحرارة
غيرت ترموستات الحرارة
اسبراتير بالمشط بتاعه جديد
موبينه جديده
بوجيهات وسلوك جداد
صيانة كربراتير كامله
***************
المشكله هقولها تانى
***************
لما ببقا واقف بالعربيه بدون حركة - المروحة بتشتغل فمعادها والعربية تبرد كوايس جدا والمروحه تفصل فمعادها (ولا كأن عندى مشكله)
لما ببقا واقف بالعربيه بدون حركة - المروحة بتشتغل فمعادها واقعد ادوس بنزين عشان المروحة تلف اسرع يفضل مؤشر الحراره ثابت ماينزلش خالص والمروحه شغاله يارب تقعد كده سنه كامله انما لو شلت رجلى المؤشر بينزل والحراره تهدى خالص والمروحه تفصل فمعادها
لما ابقى ماشى بالراحه عالاول والتانى بس بسرعات بسيطه - 30 او 40 مثلا وشوارع جانبية - المروحة بتشتغل فمعادها والعربية تبرد كوايس جدا والمروحه تفصل فمعادها (ولا كأن عندى مشكله)
لما اجرى على 100 او 120 المروحه بتشتغل وتفضل شغاله ( ولا مؤشر الحرارة بينزل ولا المروحه بتبطل ) عايز الحراره تهدى والمروحه تفصل ؟؟؟؟ شيل رجلك من على البنزين شويه
للعلم ماعنديش اى كبس هوا داخل دورة المية ولا الميه بتنقص خالص
ملخص المشكله : دوسة البنزين بتسخن العربية - تشيل رجلك تبقا ديب فريزر
ارجوكو يا جماعه لو حد قابله الموضوع ده قبل كده او عنده اى معلومه يا ريت يقولى عشان الموضوع مأثر على شغلى جامد لأنى مش عارف اسافر