ابه الفيلم اللى فيه مشاهد معلقة معاك .

**OlaOsman** · 08-12-2008 11:27 PM

1- مشهد من فيلم امبراطورية الشمس لستيفن سبليبرج عن الحرب العالمية التانية و كان اليأس تمكن من الطفل بطل الفيلم انه يلاقي أهله، ساعتها كان هو في الصين، و كان مترحل هو و عدد من الأسرى و واحدة منهم ماتت، لحظة ما ماتت شاف في الأفق على بعد وهج مضيئ بشدة، ففكر انها روحها بتطلع السما، انما بعد شوية اكتشف ان دي كانت القنبلة الذرية لما ألقت على هيروشيما.. مشهد عبقري الصراحة.

2- مشهد من فيلم شئ من الخوف لما عتريس غرق أرض يحيى شاهين و رجالة عتريس حوالين اللي أرضه غرقانة عشان يحذروه انه يقول تاني ان جوازة عتريس من فؤادة باطلة.. انما هو بمنتهى الثبات بيقول لهم تغريق الأرض مش هايخلي الجوازة مش باطلة.. مهما تعملوا الجوازة باطلة.. الأرض تغرق الأرض تنحرق الجوازة باطلة.

3- مشهد من فيلم عرق البلح و شريهان ركبت نجاتي على الحصان و أول ما مشي بتقول بعزم ما فيها - و هي متأكدة انه مش هايسمعها - وووووووووه يا احمااااااااااد.. عدت راجل يا احماااااااااااااااد. بصراحة أداء شريهان في المشهد ده عبقري.. تعبيرات وشها و رجفة صوتها و هي بتهتف بالطريقة دي بتقول البنت دي بتحب اوي بجد.

**mohmd76** · 09-12-2008 12:02 AM

ليلة سقوط بغداد مشهد انهم يسبقونا بمليون سنة ضوئية
امير الانتقام مشهد الربابا كانوا 3 اندال اقوى جملة
وافلام احنا بتوع الاوتوبيس الكرنك البرىء ثلاثية قوية جدا

**iunknown** · 09-12-2008 12:08 AM

فيلم I Am Legend
لما الكلبة سام اتعضت وهي بتدافع عنه

وأخدها المعمل واكتشف انها اضيبت وانه فقد آخر كائن حي على الكوكب

بجد ويل سميث في الفيلم ده وفي المشهد ده مقدرش انساه

**Ramy_Tantawi** · 09-12-2008 12:31 AM

مشهد في فيلم ظرف طارق لاحمد حلمي .........لما بيطلع لنور من الشباك وبيخبط على الزجاج........طبعاً مع الموسيقى .......وتألق لتامر حسني .......وكلام الاغنيه هاوصلك حتى لو عارف اني ممكن امووووووت.....هاوصلك ولازم تحسي اني حابك مووووووووت.....ولو اديكي مالمستش ايديا.....كفايه عليا اموت وانا شايف.......لهفتك علياااااااااااااااا. ويقع احمد حلمي ...........بجد المشهد غايه في الروعه من تصوير لموسيقى تصويريه لاداء بجد فوق الممتاز من احمد حلمي .

مشهد رائع بجد وعالق معايا جداً .

**Ahmed Samy** · 09-12-2008 01:35 AM

المشاركة الأصلية كتبت بواسطة iunknown

فيلم I Am Legend
لما الكلبة سام اتعضت وهي بتدافع عنه

وأخدها المعمل واكتشف انها اضيبت وانه فقد آخر كائن حي على الكوكب

بجد ويل سميث في الفيلم ده وفي المشهد ده مقدرش انساه

لما موتها !!!

فعلا كان مشهد جامد

**احمد عز** · 09-12-2008 02:18 AM

مشهد احمد حلمى فى فيلم اسف على الازعاج لمى دلال عبد العزيز قالتله ان ابوك مات يا حسن

**mokhtar** · 09-12-2008 03:17 AM

ياااااااااه مشاهد كتير بتأثر فى الواحد وتعلق معاه بس اكترها فى افلام اجنبيه
طبعا معظم او كل مشاهد الراءع جدا والمتميز جدا جدا جدا توم هانكس بجد يخليك تتشد معاه من اول الفيلم لاخره وله مشاهد فى فيلم فورست جامب اصعبها لما مات صديقه الزنجى فى حرب فيتنام بعد علاقتهم الوثيقه جدا وازاى كانوا بيحلموا سوا بالحياه الهادءه بعد الحرب ... ومشهد لما كان بيجرى هربا من زملاءه بالمدرسه وهما بيضايقوه وهو اصلا مريض بشلل الاطفال والبنت زميلته بتقوله اجرى يا فورست .. برضه فيلم Terminal لتوم هانكس من الرواءع وفيه مشاهد كتير جدا مؤثره ابرزها لما المطار كله وكل العاملين فيه وقفوا معاه ضد مدير المطار عشان يخرج لنيويورك ومشهد لحظه خروجه لنيويورك والهواء البارد والتلج ف وشه ....
فيلم Rocky palboa 4 لسيلفستر ستالونى فيه مشاهد دراما جامده اوى زى المشهد لما صديقه الملاكم ابوللو مات على حلبه الملاكمه على ايد الوحش الروسى ايفان دراجو بجد مشهد جامد جدا والموسيقى التصويريه للفيلم روعه ومشهد وهو فى الاتحاد السوفيتى وبيدرب فى وسط الثلوج فى سيبريا وفى خياله صورتين صاحبه اللى مات والملاكم الروسى اللى هيلاكمه ويثأر لصديقه ومشهد اخر الفيلم لما هزم دراجو بعد معاناه
فيلم تيتو فيه مشهد لما كان فى حفله بيتصور ومش عايز يتصور وفلاش الكاميرا على وشه مع مشاهد الفلاش باك جامده جدا

..mokhtar..

**bemocarlo** · 09-12-2008 03:56 AM

فيلم a few good men لجاك نيكلسون وتوم كروز والمشهد لما جاك بيقول لتوم انتم حالمين واخر النهار بتاموا تحت البطاطين في الاسره الدافئه في حين انه بيسهر علي امن الوطن كان حوار طريل وفي اخره قاله do you understand son?ورد توم وقاله do 'nt call me son .you son of *****
جاك نيكلسون كان اداؤه عبقري في الفيلم ده.