السلام عليكم. أنا عندي عربية بيجو 307 2008 اوتوماتيك بتحصل فيها مشكلة النتشة وتنور لمبة الGearbox Faulty. المهم أنا قرأت على المنتدى دة كتير عن الموضوع واللي فهمته من الأفاضل أنها مشكلة معروفة ومتكررة وغابا بتتحل بتغيير زيت الفتيس أو البلوفات. المهم أنا رحت للتوكيل بتاع بيجو كشفه عليها بالكومبيوتر وقالي دي يأما بلوفات ودي تكلفتها 16,000 جنيه يأما الفتيس كله, وهو طبعا أصلا مكنش عايز يستلم العربية. المهم قلتله طب ممكن تغير زيت وخلاص أو حتى اشتري الزيت من عندكو واوديها لحد يغيره, قالي الزيت اللي في القتيس فيه رايش ولو غيرته العربية هتجيب فتيس علطول فالأحسن تفضل ماشي بيها كدة, الكلام دة صح ولا غلط؟ ولو صح اشتري فتيس استيراد ولا ايه وسعره هيكون في حدود كام. (نفطة على جنب, العربية دي مكنش بيتعملها صيانة بانتظام وفي الغالب زيت الفتيس متغيرش من ساعة ما اتجابت وهي دلوقتي عاملة حوالي 116 الف كيلو). وفي حاجة كمان أصحاب العربية بيقولو أن المشكلة دي بتاع الجيربوكس كانت بتحصل معاهم وبتروح أما يغيروا قواعد الموتور وأنا معرفش قواعد الموتور دي علاقتها ايه بالفتيس اساسا, وحتى لو المشكلة في القواعد فكون زيت الفتيس في رايش دة أكيد بردة مشكلة؟ المهم دلوقتي ايه الحلول المتاحة يا ريت حد من الأفاضل عنده خبره في البيجو يفيدنا. وجزاكم الله خيرا.