الموضوع: بابا ولا ماما وموقف ادعو الله الا نقع فيه

المشاركة الأصلية كتبت بواسطة Mohammed_Adel_Amin

ربنا يكون في عونك يا نايل ستورم على المواقف المشابهة وأتمنى ان قلبك لا يتحجر مع الوقت زي ما حصل مع دكاترة كثير من اللي بيشتغلو في الطوارئ ...
ويا رب يحفظ آباءنا وأمهاتنا في الدنيا والآخرة .. ويكون في عون الطفلة وفي عون كل الأيتام .
وجزاك الله خير على الموضوع .

هو فعلا إبتدى يتحجر من دلوقتى فى الكلية ... و مش فى الطوارىء بس لأ فى كل التخصصات.

كنا قاعدين نتغدى من كام شهر كده فجأه البواب خبط علينا و قالنا جاركم الأستاذ فلان إتوفى من شوية .... الراجل كنت بحبه و بقعد أحكى معاه و نتكلم مع بعض فى الأسانسير ... المهم بابا رجع و حاول يحط لقمة فى بقة مقدرش .. و قالنا اللقمة مررت فى بقى و قام.... و أنا زى اللامؤاخذة كملت أكل عادى جداً للأخر و قمت بالليل عزيت أولادة و خلاص على كده.
و نفس الحكاية حصلت فى وفاة جدتى قبليها ... مش عارف إيه اللى حصل؟

بس أنا متأكد إنى مبقتش صنم .. لأنى بشوف العيانين اللى ميئوس من حالتهم و بيصعبوا عليا ... جايز مش بيظهر عليا ده لكن من جوايا حاسس بيهم.

تقريباً كل الدكاترة كده ... و ده جزء من شخصيتهم بعد كده .. إنهم ميتأثروش بسهولة


شكراً على الموقف المؤثر يا ستورم ... المشكلة إن الواحد بينسى ...