يارس 2009 وفرق الاسعار الغريـــــــــــب جدا.. بجد حاجة تقلق

**hossameid** · 09-12-2008 09:24 PM

السلام عليكم ياقوم وكل عام وانتم بخير.

والله انا احترت ومش عارف فيــــن الحقيقة واليكم الوضوع:-

نويت شراء يارس 2009 فول اوتو,بس اول مانزلت كانت ب115 طبعا كتير جدا عليها برغم انى بعشق حاجة اسمها يارس, ومن كام يوم كنت بسئل فموزع تويوتا عليها (مجرد حجة عشان اشوف حبيبتى تانى) لئيتو بيئولى 111 طبعا انا فرحت انها رخصت شويه.

والاسبوع اللى فات وجدت موضوع عن موزع فمدينة نصر بيبيع على 110!! والاخ مشكور ادانى نمرة وكلمتة وبالفعل اللى السعر 110!!

يوم السبت اللى فات اولت اعدى علية بنفسى واتأكد يمكن ميكونش موزع معتمد او تكون العربية خليجى ولا مضروبة (انتو عارفيين الصراصير اللى بتبئى فدماغ الواحد فالحالات دة),والراجل طلع موزع معتمد من تويوتا ايجبت واسمه موجد عالموقع بتاعهم وكله تمام وكمان أللى السعر 109!!!!

مافضلش غير صرصار واحد بس, ان العربية تكون هاف وهو مركبلها سنتر والازاز الكهرباء ودة بئة مش عارف اتأكد منها ازاى, هل بيكون مكتوب فى الافراج الجمركى الكماليات اللى فالعربية؟ وازاى اعرف لو العربية فيها Immobilizer ولا لأ؟ هل فية لمبة ليه فالتبلوة؟؟
وفيه حاجة تانية كمان بيئولى عشان اديك جواب سعر لازم تحجز بألف جنية وانا اول مرة اسمع الموضوع دة ,أبل كدة عملت كذا جواب سعر من غير ماحد يئولى احجز الاول!!!

أية رأيكوم فالكلام دة؟؟

**hossameid** · 09-12-2008 11:52 PM

اية يا جماعة فيــن خبراء اليارس بتوعنا؟!؟!؟!

**sa3dawy** · 10-12-2008 01:10 AM

ياباشاا السعر دا ممكن يبقى طبيعى علشان يبيعوا
بص على الاسبويلر والازاز الكهربا والسنتر ولو لقيت كل الكماليات يبقى توكل على الله
وبعدين حتى لو متركبين وبسعر اققل 6 الاف يبقى خير وبركة واعتقد موزع معتمد عمرة ما هيكذب فى الموضوع دا

**hossameid** · 10-12-2008 01:32 AM

المشاركة الأصلية كتبت بواسطة sa3dawy

ياباشاا السعر دا ممكن يبقى طبيعى علشان يبيعوا
بص على الاسبويلر والازاز الكهربا والسنتر ولو لقيت كل الكماليات يبقى توكل على الله
وبعدين حتى لو متركبين وبسعر اققل 6 الاف يبقى خير وبركة واعتقد موزع معتمد عمرة ما هيكذب فى الموضوع دا

شكرا على ردك,وموضوع الimmobilizer اتأكد منه أزاى؟؟

**funnylolo** · 10-12-2008 01:41 AM

لو مركب الكلام دة بالنضافه دي و بالسعر ده اشتريها و انت الكسبان برضه :)

**body** · 10-12-2008 01:55 AM

هقولك حاجة ياباشا لو الراجل الموزع دة اللى حضرتك بتتكلم عنة فى مدينة نصر وتحت مستشفى التوفيقية واسمة الاستاذ خالد الراجل دة اشترى العربية منة وانت مغمض راجل محترم محترم محترم عمرى ماشفت حد بالاحترام والادب والاخلاق والدين والايمان كدة الراجل دة استحالة يغش لانة راجل بيتقى الله اتوكل على الله واشتريها من عندة وربنا يباركلك فيها وانا شارى عربيتى من عندة ياريس 2008 فل اوبشن

**hossameid** · 10-12-2008 02:18 AM

المشاركة الأصلية كتبت بواسطة body

هقولك حاجة ياباشا لو الراجل الموزع دة اللى حضرتك بتتكلم عنة فى مدينة نصر وتحت مستشفى التوفيقية واسمة الاستاذ خالد الراجل دة اشترى العربية منة وانت مغمض راجل محترم محترم محترم عمرى ماشفت حد بالاحترام والادب والاخلاق والدين والايمان كدة الراجل دة استحالة يغش لانة راجل بيتقى الله اتوكل على الله واشتريها من عندة وربنا يباركلك فيها وانا شارى عربيتى من عندة ياريس 2008 فل اوبشن

بص هو بالفعل فى مدينة نصر بس انا من اسكندرية ومش عارف بصراحة المنطقة كويس,المعرض اسمة النصر ورا بنزينة موبيل اللى أدام نادى الشمس اللى فشارع فريد سميكة,هو دخ اللى أصدك عليه؟

**Dr Ahmed** · 10-12-2008 03:04 AM

العربية اللى فيها إيموبيليزير بيكون فيه دايرة نحاسية حول مفتاح الكونتكت

**tamohsen** · 10-12-2008 12:11 PM

عادي جدا انه يبيع بالسعر ده
لأن الوكيل اساسا رفع السعر ده كنوع من انواع الخداع الاستراتيجي علشان يخلص من موديلات 2008 بسرعه
وبعد كده ينزل 2009 بسعر أقل شويه

لأنه لو أصر علي سعر 115 مبيعاته هاتنزل جدا

**hossameid** · 10-12-2008 02:26 PM

مهو اللى مجننى ان الوكيل مش عايز ينزل مليــــم عن 114 انا مش عارف هو بيفكر ازاى بصراحة!!, أهى العربية بئالها بتاع شهر أو شهر ونص فالسوق ومشوفتش واحدة فالشارع!!

الموضوع: يارس 2009 وفرق الاسعار الغريـــــــــــب جدا.. بجد حاجة تقلق

LinkBack

أدوات الموضوع

عرض

يارس 2009 وفرق الاسعار الغريـــــــــــب جدا.. بجد حاجة تقلق - انشر الموضوع فى :

-

-

-

-

-

-

المواضيع المتشابهه

كدة حاجة تقلق ؟

يارس 2009

75000 أجيب بيهم يارس أستعمال و لا حاجة زيرو؟

نيسان صنى 2009 ولا تويوتا يارس 2009

يارس 2009

الكلمات الدلالية لهذا الموضوع

المفضلات

المفضلات

ضوابط المشاركة