الموضوع: انتشار التاكسى الزيرو

والله انا شايف انها حاجه ايجابيه جدا,
خلوها تنضف بقه,
على الاقل السواقين هيبقوا خايفين على عربياتهم الجديده و هيهدوا شويه و كمان مش هنلاقي التاكسيات القرده والداتشيا الرينو موقفين كوبري اكتوبر كل يوم بالسبع والتمن عربيات,
و التكييف اكيد هيحل ازمه في الصيف,
و سهولة قيادة السيارات الجديده اكيد هتقلل من حدّة الطباع بتاعة السواقين و هتخليهم هاديين نوعا ما و هيقل الحقد الاجتماعي انه يبص على العربيات الحلوه و يكون نفسه يركب زيها,
و ربنا يحفظهم من حقد السواقين الي معاهم عربيات قديمه لاني كنت راكب مره تاكسي عادي كان 504 و كان تاكسي العاصمه اول ما طلع فضل يزنق عليه على انه عدوّه و واخد رزقه و في الاخر قال : ( اصل ده عربيته جديده ورق هيخاف عليها خليهم يحلّوا عن سمانا بقه)!!!!

و انا عن نفسي مش شايف ان العربيه تكون تاكسي قيمتها بتقل بالعكس ده بيثبت ان ظروف تشغيل العربيه عاليه و انها لما هتستحمل تبقى عربيه تمام,