صوت طقطقة فى نيسان صنى الجديده 2013

**M.helali** · 18-02-2018 09:54 AM

السلام عليكم ورحمة الله وبركاتة
ارجو الأفادة من اصحاب الخبرة فى موضوعى لان الموضوع قلقنى جامد جدا كان عندى صوت طقطقة لما اجيب الدركسيون يمين والعربية واقفة وكان صوت خفيف وبيظهر الصبح ولما امشى بالعربية بيروح الصوت روحت التوكيل قالولى مقصات وغيرت فعلا مقصات وبعدها بيوم الصوت بقى اصعب من الأول ويمين او شمال الصوت طقطقة جامده جدا ولما روحت للتوكيل تانى كان الصوت اختفى لو حد من الأعضاء حصل معاه نفس الموضوع ياريت يقولى او من خبرات الناس اللى موجوده ولكم جزيل الشكر

**salam100100** · 18-02-2018 03:42 PM

تابع مع التوكيل
ممكن يكون عيب من احدى اجزاء العفشه او التعليق الامامى (مساعدين- بطاحات- بارات- علبه دركسيون-مقصات.........)

وممكن تكون حاجه بسيطه زى الكارتيره البلاستيك اللى مغلفه الرفرف من جوه مفكوكه وبتخبط العجل وهو بيحود

كان عندى صوت بيجى من العجل الخلفى بعد مركبت اربع فرد جداد علطول- وكان بيزيد كل مسرعتى تزيد
صوت تكتكه زى كدا لما حته ظلطه بتدخل فالعجل
المهم نزلت وفضلت احسس على كل الفرد مش لاقى حاجه
المهم طلع فى بالى افك الكلبس اللى بيمسك الطاسه فالجنط وطلع فعلا منها- الصبى اللى ركب الافيز سابه طويل وراح مدككه ودخل الزياده جوه الجنط
فكانت بتخبط فالمساعد من جوه مع كل لفه واتحلت المشكله

قصدى المشكله ممكن تكون كبيره وممكن تكون بسيطه

انشاء الله تتحل وطمنا وصلت لايه