الموضوع: اسباب نتشه فتيس نيسان صنى n16 الشكل القديم

حساس tps نيسان صنى الشكل القديم هذا الحساس الملعون طلع عينى ثلاث سنوات كامله
العربيه عندى موديل 2011 اتوماتيك بتنتش فى الغيارات نتشه مزعجه تشغل التكيف ال rpm مبيعلاش المفروض انه يزيد فى تشغيل التكيف ويزيد فى الاحمال زى الاناره ولف الدركسيون
وديتها لاكثر من عشرين صنايعى فى الحرفيين والمعادى ومدينه نصر اللى يقولى بوجيهات واللى يقولى تنظيف حساس الماس واللى يقولى غير زيت الفتيس مرتين ثلاثه ورا بعض لان فى رواسب فى الفتيس واللى يقولى غير الفتيس الاتوماتيك واللى يقول نفك كارتيره زيت الفتيس ونظفه ونغير الفلتر واللى يقول سلونيد الفتيس واللى يقول ننظف مخ الفتيس واللى يقول حساس ال تى بي اس بايز واللى يقول نظبطه بالكمبيوتر واكثر من كده بكثير
طبعا ده ليه لان مع الاسف مفيش علم ودراسه عند الصنايعيه انما واخدنها فهلوه
حسبي الله ونعم الوكيل فى اللى بيخرب عربيات الناس
منه لله
المهم الخلاصه نتشهالفتيس فى العربيات نيسان صنى مواصفات عربيتى الحل بتاعها بسيط جدا جدا بفضل الله
وهو ضبط الحساس tps على الرقم 48 وهذا هو السر اى رقم تانى بيبوز العربيه وغيار عنيف فى الغيارات الاتوماتيك وده اللى حدده صانع العربيه والضبط ده بيكون على جهاز كونسول مع اى صنايعى
المعم الرقم ده اعرفوه كويس قوى 48
لان الصنايعى مبيبقاش عارف الرقم
يارب اكون افادتكم من حل مشكلتى وربنا يتقبلها منى صدقه جاريه على يارب

اضافه لكلام حضرتك حساس البوابه ده المفترض محدش يحركه او يعيره او يتفك من على جسم البوابه الا وبعده يجب معايرته وعمل رجلاش له بجهاز كشف اعطال او كونسلت ويضبط فى السيارات الاتوماتيك على 48 والسيارات المانيوال 46 ولاكن الخطا ان بعض الصنايعيه تفك البوابه لتنظفها ويتم فك الحساس من على جسم البوابه ولاكن هنا يحدث الخطا . وقدر الله وما شاء فعل