الموضوع: دعوة لحملة لوقف مهزلة و تخلف مشكلة اللوح المعدنية

لا أعرف إلي أي مدي ممكن يوصل التخلف و الإهمال في بلدنا دي ، يعني يمكن المياه النظيفة و الكهرباء دي حاجة صعبة و محتاجة ميزانيات و نظم ففيها مشكلة (طبعا مش صح) لكن يوصل الوضع في بلدنا إنها مش عارفة توفر لوح معدنية في المرور ، يرضي ربنا ابقي شاري عربية دافع فيها دم قلبي و مش عارف ارخصها عشان مفيش لوح في المرور بقالي اسبوعين ويا عالم ، الناس عربياتها الزيرو اتخبطت و محتاجة صيانة و يمكن بفكروا يغيروها ده كله من غير ما يعلقوا نمر ، و أظرف حاجة انك تكلم تشتكي يقوللك دي مشكلة عامة كأنها حاجة عادية جدا و مفهاش حاجة ، مش عارف حتتين الصاج دول يعني بكام ب 20 جنية ب 40 ب 50 يعني يوم ما يعملوا عشرة الاف لوحة مش هيجيوا بنص مليون ميجيش إيراد يوم واحد بيلمه المرور في التراخيص بكل أنواعها ، حاجة تقرف ، يعني إحنا بنجمع العربيات و بنعمل الكراسي و البودي و الشكمان و غيره بس فشلنا إننا نعمل اللوح ده لو قالوا لأي مصنع عربيات كبير زي غبور هيعملهالهم هدية ،منتهي التخلف و مفيش أي نظام و المطلوب من المواطن الغلبان إنه يروح كل يوم الصبح بدري يقف علي الشباك يمكن يكون في لوح جت و هوا و رزقه يقعد أسبوع يقعد شهر مش مشكلتهم، كأننا صيع و مورناش حاجة ، ولو لجنة وقفتك ملهمش دعوة إن المشكلة مشكلتهم ده بياخدوا رخصة سواقتك ثلاث شهور يعني موت و خراب ديار ،أنا مش عارف هما المسئولين في بلدنا دي معندهمش أي إحساس بالمواطن هما بيخدوا مرتباتهم ليه أساسا ، أنا عارف إن أي حد من المسئولين دول مبيخشش المرور أساسا مش حتي مبيقفش في طابور بس إيه ده مشكلة عبيطة زي دي تقعد ده كله محدش بيفكر محدش بيتحرك ،، عليه العوض ،، لا حول و لا قوة إلا بالله