| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية Hatem Zaki

    رقم العضوية : 205595

    تاريخ التسجيل : 14Aug2018

    المشاركات : 1

    النوع : ذكر

    الاقامة : Cairo

    السيارة: Mercedes

    السيارة[2]: Volks Wagen Beetle

    الحالة : Hatem Zaki غير متواجد حالياً

    افتراضي عطل بتكييف النيسان الصني الشكل القديم n16 موديل 2010 - Facebook Twitter whatsapp انشر الموضوع فى :

    hasad">

    أعرض على حضراتكم مشكلة تكييف سيارتي النيسان الصني الشكل القديم n16 موديل 2010 قراءة عداد الكيلومتر 80000

    التكييف اداءه كان ممتاز اول 5 سنوات ثم بدء يضعف من حيث ارتفاع درجة حرارة الهواء الصادر منه ثم بعد ذلك بسنة بدء في موضوع الفصل. يعني يشتغل 5 دقايق و يفصل 5 دقايق تقريبا. ثم بعد سنة مدة الفصل بدأت تزيد تدريجيا.
    وديتها للسبع فرع القطامية من سنتين (منتصف عام 2016) قالولي التكييف زي الفل و اوعى حد يشوف اداء التكييف بتاعك عشان ماتتحسدش!!! تمام.

    طبعا مشيت من عندهم ولا حاجة. رجع تاني زي ما هو بعد اسبوعين و طبعا انا مكنتش فاضي ارجعلهم نظرا لظروف عملي و خصوصا ان عندي عربية تانية و موش بركب دي كتير.

    رحت تاني اخر مرة بقى من اسبوع (يعني في الاسبوع الاول من أغسطس 2018) قالولي محتاج فريون. زودوا فريون ب 450 جنيه و اكدولي ان المشلكة اتحلت.
    من اول طلعه بالعربية التكييف زي ماهو بيفصل.

    طبعا من خبرتي مع السبع واضح انهم موش فاهمين اي حاجة.

    ممكن لو سمحتوا اللي عندوا خبرة في الموضوع ده يفيدني؟ جزاكم الله خيرا.


  2. #2

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,841

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    hasad">


    حضرتك قلت إن التكييف كان ممتاز في أول 5 سنوات وبعدين بدأ يضعف...

    دي أعراض نقص الفريون .. وغالبا السبب هو التسريب

    لما التكييف بيفصل ده بيكون بسبب إن الفريون ناقص جدا للدرجة اللي نظام التكييف بيفصل الشغل علشان الكمبريسور ما يبوظش..

    الموضوع ده معمول لسلامة النظام والحفاظ عليه لإن مسألة الضغوط فيه حساسة جدا..

    الوضع حاليا (حسب تصوري) هو كالتالي:

    الأورنجات والأويلسيلات (موانع التسريب) بتاعت الوصلات والكمبريسور نشفت وما بقت تمنع التسريب.. ومهما تحط فريون هيسرب تاني..

    المشكلة التانية كمان إن الدايرة حاليا فيها هواء بالإضافة إلى الفريون.. وده في حد ذاته مشكلة لإن الفريون له ضغط معين علشان يبرد (الضغط اللي المفروض الكمبريسور يضغطه علشان الفريون يتحول من الحالة الغازية إلى الحالة السائلة) في حين إن الهوا ضغطه مختلف تماما..

    علشان كده لازم اللي يشتغل على التكييف عندك يسحب كل الغازات الموجودة في الدايرة (عندهم طلمبة شفط للموضوع ده) وبعدين يضخ الفريون.. وده كله لازم يتعمل بعد تغيير موانع التسريب.

    ممكن حضرتك تراجع بنفسك على مواسير التكييف... ببساطة هتلاقي المكان اللي بيسرب فريون عليه طين أو تراب مزيت.. ولو ما لقيتش حاجة فتقدر تستخدم محلول صابون بحيث تكتشف التسريب لما تظهرلك فقاعات..

    الصورة دي لشكل صامولة أحد مواسير التكييف:


    ممكن برده المواسير دي تكون بتسرب نتيجة شرخ أو خرم صغير... ودي مالهاش حل غير تغيير الماسورة أو اللحام.. بس اللحام ده عايز لحام ألومنيوم ودول قليلين جدا في مصر..

    عموما.. ادخل على الموضوع ده علشان تعرف أكتر عن تسريب الفريون في العربيات..

    Automotive Air Conditioner Problems, Part III

    مشكلة صنايعية التكييف في مصر إنهم متعودين على شغل التلاجات ومكيفات المنازل.. ودي أنظمة مقفولة تماما مفيهاش أي توصيلات مربوطة.. كله لحام.. وبالتالي فاحتمال تسريب الفريون يكاد يكون معدوم.

    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية



 

المواضيع المتشابهه

  1. مشكلة فى النيسان صنى الشكل القديم
    بواسطة zoomziady في المنتدى ورشـــة نــايل مــــوتـــورز
    مشاركات: 0
    آخر مشاركة: 20-08-2014, 08:10 AM
  2. ايه الالوان اللي بتيقى حلوه في النيسان الصني 2014 الشكل القديم
    بواسطة Eng.Mohammed في المنتدى نيـــــــــسان
    مشاركات: 18
    آخر مشاركة: 02-10-2013, 05:38 PM
  3. مشكلة في فتيس النيسان الصني الشكل الجديد
    بواسطة hisham_hamza في المنتدى نيـــــــــسان
    مشاركات: 6
    آخر مشاركة: 05-09-2013, 10:05 PM
  4. النيسان صنى الشكل القديم 2013 ولا الشكل الجديد
    بواسطة migo_1 في المنتدى نيـــــــــسان
    مشاركات: 20
    آخر مشاركة: 17-02-2013, 04:22 PM
  5. قطع غيار النيسان صنى الشكل القديم
    بواسطة zekuso في المنتدى نيـــــــــسان
    مشاركات: 4
    آخر مشاركة: 25-11-2012, 09:30 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2