| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 37

  1. #1

    الصورة الرمزية masriano

    رقم العضوية : 22767

    تاريخ التسجيل : 20Oct2008

    المشاركات : 42

    الحالة : masriano غير متواجد حالياً

    افتراضي إحذر الانتشار السريع , والكماين العجيبة ! - Facebook Twitter whatsapp انشر الموضوع فى :

    hasad">

    الانتشار السريع لايه بالظبط؟

    للجان متحركة جديدة من نوعها في القاهرة كموضه جديدة - على حد علمى - اتحفتنا بيها وزارة الداخليه ..

    وهيا ببساطة عبارة عن عربية شرطة - الكحلى - ومعاها 3 موتسكيلات شرطة او 4 !

    ابتدوا ينتشروا اوى اليومين دول ولسه لابس 50 جنيه حزام النهاردة في اول فيصل وانت جى من الرماية كده..

    داخل بسرعه لانه مجاش في بالى ان ممكن يكون في كمين في المكان العجيب دا, واذ فجاتن الاقيلك على الجنب العربيه دى واقفه ووراها موتسيكلات بظباطها قاعدين .. وفجاة يطلعلى امين شرطة من تحت الارض..

    الامين: الرخص .. عشان الحزام.
    انا باستغراب: وهوا دا مكان كمين برضه؟! , اتفضل يا سيدى.
    قالى: هانسحب الرخص !

    انا بكل قرف: مش في تصالح فورى برضه يا بيه ؟
    هو: اه طبعا يا باشا , اتفضل روح للظابط وانت وحظك , 100 , 150 جنيه !!

    انا : نعم؟ دا على اساس انك بتكلم واحد هندى مثلا ومش عارف عقوبة الحزام كام؟! , وبعدين هوا الظابط هايحط ارقام على مزاجه ولا ايه! ,

    المهم ركنت وروحت للظابط - كان شاب قاعد على الموتسيكل - وقعدت اتكلم معاه شوية, بص على العربيه وقالى, حزام وكمان في ملصقات اهو !
    قولتله دا اسمى يعنى على الازاز من فوق ماهياش ملصقات بمعنى ملصقات يعنى, في ناس بتحول العربيه وماشيين بيها عادى.. المهم انه كان لذيذ وشاب محترم , فا قالى خلاص خليها حزام بس.. 50 جنيه.

    قعدت اسئله عن الدورية العجيبة دى , قالى دى حاجة اسمها الانتشار السريع ومتنقله من مكان للتانى ..
    وبعدين قالى حاجة عجيبة جدا: احنا لازم في اليوم نعملنا بتاع 9 الاف جنيه ولا حاجة.. دا بيبقى الزام علينا وتعليمات !
    قولتله معنى كده انك ممكن تلبس الناس بقى ارقام فلكية لمجرد انك تجمع الحصيلة, ضحك وقالى لا, بس شوف لما يبقى في ميكروباص .. رخصته منتهيه وغرامتها في القانون300 جنيه , شوف بقى كام ميكروباص رخصهم منتهيه , وادينا يا سيدى استفتحنا بيك اهو D:

    عموما هما فعلا منتشرين , لسه راجع من ساعتين كده ولقيته واقفين عند باب كلية تجارة - جامعة القاهرة , الساعه 10 بليل ..

    وفي اكتوبر النهاردة كان في برضه كمين على مطب, يعنى يوقفك فوق المطب !, بس كان امين عجيب اوى , بص في الرخص وبعدين: ميرسى يا أحمد بيه , يومك جميل !d:

    قاعد النهاردة طويل اليوم , بضحك على يومك جميل دى !

    المهم كل واحد يخلى باله من حزامه واى مخالفات تانية قد تتراءى لبشوات المرور.


  2. #2

    الصورة الرمزية mody_moka

    رقم العضوية : 13391

    تاريخ التسجيل : 22Jun2008

    المشاركات : 17

    النوع : ذكر

    الاقامة : مصر

    السيارة: NA

    السيارة[2]: NA

    الحالة : mody_moka غير متواجد حالياً

    افتراضي -

    فعلا خدت بالى منهم .. بس انا عن نفسى اول لما بركب العربيه بلبس الحزام انشاله لو رايح اخر الشارع :D

    اتعودت ع انى البس الحزام اول لما اركب العربيه وقبل مامشى ع طول

    عشان مديش حد فرصه انه يستغلنى

    وربنا يسترها علينا وعليكم من الاستغلال بتاعهم


  3. #3

    الصورة الرمزية tata12001

    رقم العضوية : 16920

    تاريخ التسجيل : 22Aug2008

    المشاركات : 467

    النوع : ذكر

    الاقامة : في أرض الله

    السيارة: ..........

    السيارة[2]: .........

    دراجة بخارية: Maba7ebhomsh

    الحالة : tata12001 غير متواجد حالياً

    افتراضي -

    Shokran ya basha wa fe wa7da fe el ba7r el a3zam ba3d el qaria el fer3oneia


  4. #4

    الصورة الرمزية smartman310

    رقم العضوية : 7541

    تاريخ التسجيل : 16Mar2008

    المشاركات : 168

    النوع : ذكر

    الاقامة : فيصل

    السيارة: صنى

    السيارة[2]: نيسان

    الحالة : smartman310 غير متواجد حالياً

    افتراضي -

    فعلا الحكايه دى انتشرت اوى وبعدين بيفتشوا العربيه كنت ماشى فى روكسى اى عربيه مخالفه بيفتشوها


  5. #5

    الصورة الرمزية MohaMed_Refaat

    رقم العضوية : 19431

    تاريخ التسجيل : 18Sep2008

    المشاركات : 3,411

    النوع : ذكر

    الاقامة : TANTA & kuwait

    السيارة: TOYOTA COROLLA 08

    السيارة[2]: HONDA CIVIC LXI 96

    دراجة بخارية: لا يوجد

    الحالة : MohaMed_Refaat غير متواجد حالياً

    افتراضي -

    الحمد الللة موش عندنا الحكاية دية فى طنطا هى اماكن معروفة اللى بيوقفوا فيها بس وطبعا برضوة ولا الذوات متروشين جاامد لا حزام واحزنون ولا انتشاؤ بطئ ولا سريع . الحمد الله مرور طنطا فى التمام اليومين دول هاديين يا رب دووووووومها نعمة .

    استغفر الله عدد خلقة وزنة عرشة ومداد كلماتة ورضاء نفسة


  6. #6

    الصورة الرمزية ahmedsamir79

    رقم العضوية : 511

    تاريخ التسجيل : 07May2007

    المشاركات : 2,481

    النوع : ذكر

    الاقامة : Alexnadria

    السيارة: Verna

    السيارة[2]: Saba Saipa

    دراجة بخارية: No

    الحالة : ahmedsamir79 غير متواجد حالياً

    افتراضي -

    أنا مش شايف غن دي مشكله
    الحكمه بتقول أمشي عدل يحتار عدوك فيك


    مهندس أحمد سمير


  7. #7

    الصورة الرمزية tamohsen

    رقم العضوية : 98

    تاريخ التسجيل : 23Apr2007

    المشاركات : 534

    النوع : ذكر

    الاقامة : cairo

    السيارة: rio

    السيارة[2]: yaris

    دراجة بخارية: No

    الحالة : tamohsen غير متواجد حالياً

    افتراضي -

    ياريت بس يركزوا علي سواقين الميكروباص ولا التاكسي اللي بيمشوا زي البهلوانات وبيقفوا في نص الطريق
    بدل ما يركزوا علي الهيافه


  8. #8

    الصورة الرمزية citadeldeath

    رقم العضوية : 22733

    تاريخ التسجيل : 20Oct2008

    المشاركات : 139

    النوع : ذكر

    الاقامة : Sweden

    السيارة: Hyundai verna

    السيارة[2]: Mitsubishi Lancer

    دراجة بخارية: لا

    الحالة : citadeldeath غير متواجد حالياً

    افتراضي -

    لسه من يومين وقفت المدام لجنة على مدخل شارع التسعين في القاهرة الجديدة، وكانت قاعدة جنبها حماتي وابني الصغير معاها..

    أمين الشرطة: الرخص..
    مراتي: اتفصل
    أمين الشرطة يشاور على حماتي: الحاجة مش لابسة الحزام + الطفل ده مكانه ورا مش قدام..
    مراتي: طب والحل
    أمين الشرطة: هنحرر مخلفتين حزام وطفل قاعد قدام والا إنتِ رأيك إيه؟!
    مراتي وهي بتديله عشرين جنيه: لا مش عايزين مخالفات والا سحب رخصة..
    أمين الشرطة: اتفضلي يا مدام وخلّي بالك المرة إللي جاية


  9. #9

    الصورة الرمزية Amrrr

    رقم العضوية : 17680

    تاريخ التسجيل : 01Sep2008

    المشاركات : 880

    النوع : ذكر

    الاقامة : CAIRO

    السيارة: أفيو AUTO2008

    السيارة[2]: آتوس 2008

    الحالة : Amrrr غير متواجد حالياً

    افتراضي -

    فعلا منتشرين اوي
    في صلاح سالم الصبح يوم الجمعة كان في تلات لجان في طريق الطلوع من العباسية من تحت كوبري العباسية كدة وعند سور المستشفى وقدام معرض الطتاب
    وفي الأتوستراد من شيراتون لمدينة نصر بيقفوا الرادار عند الكوبري واللجنة قبل دخلة شيراتون على طول ومرة تانية عند موبيل Fbi
    وسعات بيقفوا جوة مساكن شيراتون على الشارع بتاع المترو بالليل وبتاع روكسي دا بيبقى مباحث فعلا مع المرور وبيفتشوا العربيات
    الغريب بقى من يومين على الساعة اتنين ونص بالليل في الاتوستراد من شيراتون لمدينة نصر وفجأة ميكروباص جه جنبي وبيحاول يوقفني وكان معايا واحد صاحبي بصراحة انا نفضتله ووجريت وعند سيتي ستارز كدة لقيت لجنة للجاي من الاوتوستراد & واللي طالع من عند سيتي ستار بس كانوا مشغولين وموقفين عربيات كتير لدرجة محدش فاضي يوقف عربيات تانية في الكمين
    ورنا يحمينا من ظلم السلطة وطبعا في ظباط زي العسل بيبقى الواحد بيدفعلوا المخالفة مش هقول مبسوط بس على الأقل مش متكدر اوي


  10. #10

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    hasad">

    انا كتبت قبل كدة هنا يا أحمد عن الأمين بتاع لجنة المطب ده :d الراجل ده مسخرة .. انا كنت بفكر و الله بجد ألف في اليوتيرن و أخش الكمين تاني عشان خاطره :d

    اما التاني ده بقي اللي بيقولك إنت و حظك 100 ولا 150 فعلاَ بيجسد الإتاوة في أحسن صورها و اما السلطة تبقي في إيد واحد جاهل .

    الظاهرة اللي انا ملاحظها بقي إن ضباط الشرطة و المرور حالياَ قرفانين زينا بالضبط !! يعني أقف مع ضابط موقفني في كمين ولا اما يحصل مشكلة و أروح القسم و أقعد أدردش معاهم شوية ألاقي الضابط بيقولي الله يخرب بيت التعليمات و والله حرام اللي إحنا فيه ده و يرضي مين و انا لو عليا أشيل الناس فوق دماغي ما الناس دي أهلنا و حبايبنا و يخرب بيت اللي بيحبه و هو من جواه بيحبه و واقف جنبيه واحد بيكرهه و كدة، و ده بيأكدلي كل يوم إن التغيير لازم يبقي من فوق لأن فيه ناس تحت زي الفل و تقف مع الضابط تلاقيه راجل زي العسل .

    و أكتر ضباط محترمين بيبقوا في منطقة اكتوبر خاصة زايد ، انا من كام يوم كدة حصلي مشكلة في شقة زايد قمت مكلم البوليس و انا كلي يأس يعني، مفيش 10 دقائق لقيت مأمور القسم جه ! يا نهار إسود .. و بيقولي خير يا فندم فيه حاجة ؟ قلتله حضرتك حصل كذا كذا كذا .. فا فهم الموضوع و قاللي إنت محتاج تعمل محضر في مقر القسم ، إعمله و انا هتابع كل حاجة -كل ده بدون واسطة أو أي حاجة- قلتله حضرتك بصراحة انا معرفش القسم فين .. قام مطلع اللاسلكي .. خمس دقائق لقيت عربية أوكتافيا من بتوع الدورية مشيت قدامي لحد القسم .. دخلت لقيت الناس شايلاني من عالأرض شيل !! بقيت مش مصدق نفسي .. و إحنا بنكتب المحضر رئيس التحقيقات يسألني حاجة فا أقعد أفكر يقولي فكر براحتك بس عشان نعمل المحضر مضبوط و حقك يجيلك .. عملنا كل حاجة و انا ماشي كان المأمور رجع من مشوار تاني .. سلم عليا بحرارة و قاللي ها كله تمام ؟ قلتله تمام التمام و الله حضرتك مش عارف أقولكم إيه !! قاللي لأ إزاي أمال إحنا قاعدين في القسم ليه .. ألف سلامة يا فندم نورتنا (مأمور القسم! و انا يعني شاب عندي 21 سنة) .. و انا خارج داخل راجل شكله بسيط كدة ممكن يكون بواب أو حارس أحد العمارات في زايد بيقول "إنجدوني يا بيه!!" لقيت المأمور إستقبله نفس الإستقبال "خير يا فندم خير إن شاء الله إتفضل"

    القسم بتاع زايد الحقيقة يستحق تحية جامدة لأن انا من فترة قريبة برضه كنت في قسم تاني و كانت المعاملة النقيض من دي تماماَ و كان هيحصل مشكلة عشان انا خنقي ضيق .

    برضه من فترة وقفني لجنة رادار في أخر طريق العلمين و الضابط كان رتبة و كان راجل زي العسل (رغم إنه دفعني الرادار برضه) و قعدت معاه شوية قعد يقولي ريح من السفر بقي إنت زي إبني و دفعت الغرامة و انا مبسوط تخيل ! شوية و جه راجل سايق مرسيدس متصور رادار علي 150 قعد معانا برده و عملنا حفلة شاي بلبن ( يا جماعة ده مش فيلم كوميدي بجد و الله ) و قعدنا نتكلم شوية في المرور و أحوال البلد .. و إزاي انا هقضي اليوم بعد ما الفلوس نقصت 150 جنيه .. و مشيت و انا مبسوط يعني و مستعد للأجازة اللي انا واخدها و كلي أمل في الحياة ! رغم إني ملسوع غرامة جامدة

    اللي عايز أوضحه إن طلع فيه رجال شرطة محترمين فعلاَ بس زي ما إنت قلت يا أحمد ده واحد صحي الصبح راح شغله إدوله بوكس و أربع موتوسيكلات و قالوله ترجعلنا مش بأقل من 9 الاف جنيه .. فا لازم يرخم علي سعادتك .. العيب في النظام اللي حول الجميع إلي دمية يحرك خيوطها بمزاجه .. خاصة و إحنا في الموسم بتاعهم و الإنتشار هيفضل سريع لحد 25 يناير كل سنة و إنت طيب .


    Leadership is based on inspiration, not domination



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. إحذر ثم إحذر عند تزويد سيارتك بالوقود...
    بواسطة Abo-Islam في المنتدى المنتــــــدى العـــــــــــام للسيــارات
    مشاركات: 32
    آخر مشاركة: 15-09-2011, 12:18 AM
  2. ممكن نقول أن الشرطه بدأت الانتشار من جديد
    بواسطة zkralla في المنتدى المنتــــــدى الاجتمــاعى
    مشاركات: 30
    آخر مشاركة: 10-03-2011, 06:45 PM
  3. مستحيل الانتشار الرهيب للسيراطو ده
    بواسطة aminibrahim في المنتدى كـــــيا
    مشاركات: 8
    آخر مشاركة: 09-06-2010, 11:13 PM
  4. ظاهره تفيم الزجاج الامامى بدأت فى الانتشار
    بواسطة michohat في المنتدى المنتــــــدى العـــــــــــام للسيــارات
    مشاركات: 20
    آخر مشاركة: 26-04-2010, 10:44 AM
  5. الانتشار الشديد
    بواسطة hussein20777 في المنتدى كـــــيا
    مشاركات: 11
    آخر مشاركة: 14-04-2010, 04:28 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2