ما هو قانون التعامل مع الناس في مصر .. مش عارف أعيش في مصر

**د./اليشع ثابت** · 18-12-2008 04:14 AM

اخى الفاضل
انت كدة منفعل جداااا و حكمت على الشعب المصرى كلة
انة سىء و قليل ادب و خلافة
مع انها ليست الحقيقة ابدااااااا
وعلى كل حال و بعيدااااااااا عن العنف و اكل الكلاب
وتنييييم العجل

ممكن سيادتك تعمل له محضر اشغال طريق عام و انت بتعمل المحضر تطلب من الذى قام بتحريرة رقم المحضر
هذا (اولا هو سوف يقلق لطلبك رقم المحضر هذا ولابد ان يهتم) لانه هيفهم انك فاهم حقوقك و ايضا سوف تتابع سير الامور
ثم اذهب برقم المحضر هذا الى النيابة العامة
و تضيف ان هذا الشخص بلطجى و يعمل على ارهاب المقيمين وشوف النتيجة

**bassem.naguib** · 13-01-2009 02:35 PM

الأخوة الأفاضل اللي شاركوني بالرأي أو الذين اكتفوا بالمشاهدة ..

انا طولت في الرد كتير .. ولكن كنت في الفترة دي برتب للموضوع ده .. وأول حاجة عملتها أني رحت الحي وقلت ليهم على المشكلة دي .. فوجئت برد المسئولين هناك وهما بيسألوني .. العربية اللي بيسبها في نص الشارع دي مترخصة .. قلت ليهم اكيد .. قالي يبقى ملناش دعوة بيه خالص .. بس احنا لينا دعوة بالمحل الموجود فيه إذا كان مترخص ولا لاه .. وقالي هو فين بالضبط .. شرحت ليه مكانه .. طلعوا عارفينه .. وواحد منهم قال ايوة المحل ده مش مترخص وهو بالضبط في الحته الفلانية (وصف مكان المحل بدقة أكتر مني!!) معنى كده انهم عارفينه كويس .. وقالولي خلاص روح اكتب شكوى فيه وسلمها لسكرتارية مكتب رئيس الحي .. وقالولي بس المشكلة انه بيفتح متأخر بعد مواعيد الشغل الرسمية بتاعتهم .. فحينزلوا يلاقوه قافل (يعني هما عارفين انه مش مرخص .. وكمان عارفين أنه بيفتح متأخر .. تفتكروا ليه بقى ... ها ها ها) .

المهم عملت الشكوى وسلمتها .. وانا معنديش أي أمل في الموضوع ده خالص .. وفي نفس الوقت بفكر في حل تاني .. وانا ماشي من الحي قابلت واحد صاحبي بالصدفة .. لاقيته بيسألني بتعمل ايه هنا .. قلت ليه علشان كذا وكذا .. وقلت ليه وانت .. قالي انا شغال هنا .. وهنا لاقيت دماغي بتنور وبسأل نفسي ازاي انا مفتكرتوش في المشكلة دي .

المهم قالي سيبك من الشكوى دي .. انا حظبطهولك بشكل تاني .. وبحاجة اجمد بكتير .. وملكش دعوة بالموضوع ده .. وقالي كلمني بعد يومين

ومفتوش اليومين ولاقيته بيتصل بيا وبيقول ليا .. الواد اتعمله محضر مخالفة اشتراطات بيئة ودي غرامتها حوالي 800 جنية ده غير قضية واغلاق للمحل .. واهو قدامي اهو وشوية شوية حيعيط .. وقلت ليه علشان تحرم تقل ادبك على الناس اللي في الحته .. والواد استغرب قوي من الكلمة دي وتعرف ازاي تتعامل بأدب وتقعد في المنطقة من غير بلطجة .. ودي على فكرة قرصة ودن صغيرة منهم وهما ممكن يعملوا معاك اكتر من كده كمان ودي البداية .

المهم صاحبي قالي .. انا مستحرم المحل يتقفل علشان اكل العيش وعمال يعيط ليا ويقول ليا ده انا لسه ربنا رزقني بمولود .. والحكاية والرواية .. وسألني يعمل معاه ايه .. قلت ليه انت شايف ايه .. قالي انا ححفظ المحضر عندي وقت اللزوم .. ولو عمل حاجة تاني ضايقتك أو ضايقت أي حد ابقى كلمني وساعتها حشتغل ليه في الأزرق .. قلت ليه ماشي .. وشكراً جزيلاً

ومن ساعتها الواد لا حس ولا خبر ليه في المنطقة ماشي زي الكلب الجربان لا حد بيسلم عليه من ساعة الخناقة .. ولا عارف يرفع عنية في وش حد .. والنفخة الكدابة اللي كان رسمها اتحولت لواحد ماشي ومضروب على قفاه

بس ليه فيه ناس بالنوعية دي .. لما تكلمها بالأدب تتفرعن ولما تديها فوق دماغها تمشي زي الألف حاجة غريبة والله !!!

وفي النهاية بحب اشكر كل اللي شارك في الموضوع بالرأي .. وكانت أراء مفيدة فعلاً

**mohmd76** · 13-01-2009 03:04 PM

قول الحق حسبنا الله ونعم الوكيل

**goodwave** · 13-01-2009 03:04 PM

والله الأخوة إللي ماشيين ينتقدوا في البلد ياريت تتطلعوا برة البلد وتسافروا مكان تاني او بلد تاني اقل منا زي كتير من جيرانا في أفريقيا..... وساعتها حتعرفوا الفرق وإن مصر نعمة بكل ما فيها من عيوب

"مصري مقيم بالخارج"

**bassem.naguib** · 13-01-2009 03:26 PM

المشاركة الأصلية كتبت بواسطة Terrible_DaRsH

هههههههههههه
طب لما يحصل لى مشكلة هبقي اجى اشتكى عندكم فى الحى بتاعكم ..
الا صحيح هو حى ايه علشان نروح كل يوم نشتى خلق الله كلهم ..

خلق الله .. ياااه كتير قوي .. متهيألي الناس اللي من النوعية دي وبس هي اللي تستاهل الضرب على الدماغ ... وبعدين متنساش الواسطة انا مسعتش ليها علشان مبحبهاش هي اللي جت لغاية عندي .. اقول ليها لآه .. شوف بقى واسطة في المنطقة اللي انت منها .. تحياتي

**bassem.naguib** · 13-01-2009 03:27 PM

المشاركة الأصلية كتبت بواسطة goodwave

والله الأخوة إللي ماشيين ينتقدوا في البلد ياريت تتطلعوا برة البلد وتسافروا مكان تاني او بلد تاني اقل منا زي كتير من جيرانا في أفريقيا..... وساعتها حتعرفوا الفرق وإن مصر نعمة بكل ما فيها من عيوب

"مصري مقيم بالخارج"

شوف يا استاذي الفاضل .. احوال الدول المحيطة بمصر كمان مش أدمية بالمرة .. مش مصر بس .. ولو ان فيه دول عربية افضل حالاً من مصر في الوقت الحالي .

**bassem.naguib** · 14-01-2009 09:04 AM

المشاركة الأصلية كتبت بواسطة ahmadzowail

أحب أسجل إعجابي بتصرفك المحترم عشان رفضت تتعامل مع المشكلة دي بأسلوب غير حضاري و فضلت الأسلوب السليم

يا ريت كل الناس تتصرف زيك كده , و ياريت برضه يلاقوا اللي يقف معاهم و يحللهم مشاكلهم بالذوق و القانون بدلا من شريعة الغاب اللي بقت منتشرة قوي اليومين دول

شكراً جزيلاً لإطراءك .. ولذوقك كمان ..

بصفة عامة اي مخلوق على الأرض هو اللي بيجبر اللي قدامه على أنه يعامله باحترام ويحترمه .. بس فيه ناس أو فئة (زي نوعية الأفندي دي) متعرفش الكلام ده خالص ..لأني اعتقد أن كل تعاملها مع ناس زيهم :k40:.. ومتعاملوش قبل كده مع ناس عادية (لأن الناس دي مش ناس عادية بالمرة)