ما هو قانون التعامل مع الناس في مصر .. مش عارف أعيش في مصر

**bassem.naguib** · 14-01-2009 09:06 AM

سيدى اولا النوعية دى بقت واخدة جزء كبير اوى من الشعب علشان كده الواحد مش هيعرف يشتكى مين ولا مين ...
ثانيا انا بهرج فى حكاية الحى دى .. وكمان من توكل على الله فهو حسبه لا واسطة ولا وسط البلد حتى ..

مفهوم يا باشا

**bassem.naguib** · 14-01-2009 02:23 PM

" عامل الناس كما تحب أن تعامل "

تمام يا باشا .. انا بعمل كده

و أبسط مثال ممكن تسأل زلزال 92 هل حدث حادث سرقة واحد فى هذا الوقت ؟

مش مفهوم يا باشا !! وايه العلاقة بالموضوع ؟

**bassem.naguib** · 15-01-2009 08:59 AM

المشاركة الأصلية كتبت بواسطة mohamed_kta

السلام عليكم

أنا بشرحلك موضوع الزلزال علشان أوضحلك أن فيه و الله خير و أنا عارف أن الراجل ده مستفز لكن أسمحلى "أيد لوحدها متسأفش" لازم تجمع عدد من الناس سكان الشارع و تعملوا خطط أزاى تحجموا الراجل ده بدون عنف طبعاً لكن أبسط مثالين محاضر فى القسم أو صور العربيات اللى بتقفل الشارع و أبعتها إلى كام جريده كطلب أستغاثة و عن تجربة " يد الله مع الجماعة".

والله يا استاذي العزيز المفروض تبقى الناس مع بعضها كويسة وتحترم بعض وتخاف على بعض .. ايه المانع .. وإلا إذا كان في حاجة خفية بتخلي الناس مع بعضها بالشكل ده .

وبالنسبة ان الناس تقف مع بعضها .. والله انا اتفق معاهم على كده .. ومحدش اتحرك الا انا .. وكل واحد حر

وشاكر مداخلتك الجميلة واهتمامك .

**bassem.naguib** · 19-01-2009 08:41 AM

المشاركة الأصلية كتبت بواسطة ringoo84

بصراحه الافكار كله جاااامده جدااااا وفكرة اكل الكلب دي تحفه ..........
وانا مع حضرتك ان عندنا بتلاقي في سلبيه غربيه .....
ربنا معاك ..........

ربنا يخليك يا باشا .. بصراحة الأفكار جامدة جداً .. مكنش الواحد بيفكر فيها اطلاقاً

وبالنسبة لموضوع السلبية واللامبالاه .. بكرر برضة فيه حاجة خفية خلت الناس كده .. ايه هي مش عارف !!

**Ossamaaly** · 31-01-2009 08:53 PM

المشاركة الأصلية كتبت بواسطة goodwave

والله الأخوة إللي ماشيين ينتقدوا في البلد ياريت تتطلعوا برة البلد وتسافروا مكان تاني او بلد تاني اقل منا زي كتير من جيرانا في أفريقيا..... وساعتها حتعرفوا الفرق وإن مصر نعمة بكل ما فيها من عيوب

"مصري مقيم بالخارج"

يا عم احمد أنا سافرت نيجيريا لمدة أسبوع، عرفت ساعتها إن مصر دي نعمة. لكن لما كنت في ألمانيا كانت دي الفترة الوحيدة إللي حسيت يعني ايه كلمة Human و يعني إيه التعامل بين البشر. يا راجل ده الناس بتسلم عالواحد في الشارع من غير متعرفك. ومن حقك توقف العربيات اللي معدية في الشوارع الجانبية لو عاوز تعدي في أي وقت. وتخيل إنك ممكن ترجع أي حاجة إنتا اشترتها ومش عاجباك بس لازم تملا إستمارة تكتب فيها إزاي ممكن يخدموك أفضل.