الموضوع: مقارنة الأربعة الكبار: كورولا - سيفيك - لانسر شارك - مازدا 3

المشاركة الأصلية كتبت بواسطة mandooo

بصراحه ده واضح جدا مين اللى متعصب والدليل انك بتقول تديها بالجزمه وبتحلف بالله وكلام غريب وبعدين انت عرفت منين ان الفوكاس ثباتها احسن ...الفوكاس مبنيه على نفس شاسيه الماذدا 3 وبما ان الماذدا 3 اقل فى الثبات بكتير عن الكورولا يبقى الفوكاس نفس الحال
وعلى فكره شوف مبيعات السيارات فى 2007 وهتلاقى الكورولا والسيفيك اعلى فى المبيعات من الفوكاس على الرغم ان الفوكاس تبع فورد الامريكيه ودول من اليابان
وما تقارنش نعومة ولا استهلاك البنزين للكورولا باى عربيه تانيه علشان ما تظلمش العربيه اللى هتقارنها بيها
وتقبل تحياتى

انا الحقيقة اول مرة اعرف معلومة ان الفوكس نفس شاسيه المازدا 3 شكرا يا استاذ ماندو انك افدتني بجد .. بس غريبة ان مجلة اوتو كار تدي الفوكس تقدير ثبات عالي كده !! والله شكلهم كمان بيحاولو يبيعو الامريكي.

المشاركة الأصلية كتبت بواسطة M.Mokhtar

طبعا واضح ان الموضوع قديم
بس تسمحولى اشارك معاكم

انا من وجهة نظرى
السيفيك: عربيه ملهاش حل كموتور وكتصميم وثبات وكل حاجة
عيوبها: كماليتها قليله (تم اضافة الكماليات فى 2009 بس السعر خرج بره الشريحه السعريه المتوقعه)
واطيه مش مناسبة لشوارع مصر

الكورولا: عربية عمليه ورقم واحد فى السوق المصرى لسهوله صيانتها وكتير بيفهموا فيها واقتصاديه الى حد ما فى قطع الغيار والاستهلاك
موتور الجديد قوى وتسارع ممتاز وكماليات ممتازه جدا بسعر مناسب
عيوبها:
جنوب افريقى
الفتيس الجديد فى مشاكل (حتى لو فى طرق للتغلب على المشاكل دى بس ماننكرش ان فيه مشاكل) ويمكن المانيوال يحل المشكله بس مش كله غاوى يركب مانيوال
التصميم: اعتبره مش شبابى
المساحه الداخليه: اعتقد انها اصغر من السيفيك


اسمحولى بقى ارد على بعض الكلام اللى اتقال قبل كده
بس ياريت من غير زعل ولا خناق :k40:


اليابانى عملى يا باشا واقتصادى
بس اركب اى حاجة من اللى بتقول عليهم دول هتعرف فرق الفلوس ده ليه
على الاقل انت بتقول ان كان معاك فكترا
ايه رأيك فى متعه القياده بين الفكترا والكورولا؟؟؟؟؟؟
ايه رأيك فى الثبات؟ ايه رأيك فى قوة الاداء؟ ايه رأيك فى قوة التصميم والصاج؟
بس فى ناس مش غاوية تدفع كتير فى قطع غيار وحاجات اصليه وغاليه
فبتجيب قطع غيار اى كلام فتظهر هنا المشاكل اللى انت بتقول عليها
لكن اليابانى اسعاره مرتاحه ومش مكلف فعشان كده الناس بتتجه له عشان اداءه مش وحش
ومش معقد ومفهوش تكنولوجى عاليه زى الالمانى والاوروبى اللى بيراقب كل حاجة فى العربيه عشان يوصل لاعلى مستوى من الاداء والامان


يا باشا مصر اصلا من امتى وهى بتركب حاجات تقيله (فى الشريحه السعريه)
مصر دخلت سوق السيارات قريبا جدا
واللى كان معاه قرشين بيروح يشترى اليابانى عشان كان هو اقرب حاجة فى السعر ونظيف وعملى لكن مش الاحسن

اللى معاه فلوس ماكنش بيتشرى يابانى خالص
امال مرسيدس رقم واحد فى مصر ليه؟

اغلب المصريين بيشتروا اليابانى عشان سعره كان منخفض
شوف انت سعر الكورولا كان كام سنه 2000؟؟ انا مش فاكر الصراحه
بمقارنه بسعر الفكترا موديل 2000 CDX ؟؟؟ دى كانت ب 180 الف وكان فيها كل الكماليات اللى لسه تويوتا مفكره تنزلها سنة 2008
يعنى ممكن تقول اعلى من الكرولا ب 100 الف
يبقى انت تفتكر الشعب المصرى هيركب يابانى ولا اوروبى حتى مع فرق الكماليات؟؟؟؟؟


من امتى الشاسيه هو اللى بيفرق فى الثبات؟
مفيش عوامل تانيه بتأثر؟؟؟؟
ثانيا المبيعات مش مقياس يعنى
يعنى لما نلاقى الانوس مبيعتها اكتر يبقى دى احسن؟؟


كان معاك فكترا 2004؟؟؟؟!!!!!
الفكترا وقف انتاجها فى مصر سنة 2002
وفى عربيات اترخصت اول 2003
جبت 2004 منين؟
ده غير ان الشكل الجديد اللى نازل عندنا فى مصر حاليا كان موجود بره من 2002
يعنى اكيد مش جايبها مستورده؟؟
ممكن تفهمنى ازاى مترخصه 2004؟


يا باشا انا اقولك
الشاسيه مش لوحده الفرق فى الثبات
امال العفشه ونظم التعليق والتحكم بتعمل ايه فى العربيه :)
ده غير فرق الجوده فى الخامات والعمر الافتراضى

بالنسبة للتويوتا عربيه محترمه جدا واسبتت نفسها فى السوق المصرى
وفى تطور جامد فى الاداء والثبات (فى موديلات قبل كده كانت ضايعه فى موضوع الثبات ده)
بس مش لدرجه اننا نقارنها بقوة واداء الاالمانى والاوريى
يمكن بس هى هتتفوق فى المصاريف (مع الفارق فى العمر الافتراضى لصالح الالمانى طبعا)

ياريت كلامى مايكنش زعل حد
وفى الاخر دول كلهم شويه حديد بيجرى على الارض

استاذ محمد مختار اولا رأيك يحترم والموضوع مش قديم ولا حاجة وانا مبسوط اني سمعت رأيك.

ثانياً هو صحيح الفيكترا اثبت من الكورولا لكن مشاكلها اكتر فا دي بتغطي دي .. يعني اجيب مثلا لابتوب توشيبا بيشغل ويندوز وعملي واقدر اصلحو واقدر ابيعو ومش هخسر فيه ورخيص ولا اجيب لابتوب apple لمجرد ان خاماتو احسن لكن مش عملي في التصليح واعادة البيع وخلافو ؟؟

حضرتك حاليا العالم كله اعترف بان الياباني احسن من الاوروبي ماعادا مصر يعني مثلا مبيعات ليكزس وانفينيتي فاقت مبيعات مرسيدس وبي ام في الفئات العالية في امريكا وبريطانيا ودول كتير في العالم واحنا لسه مصممين ان الاوروبي احسن لمجرد انو اقدم وخبرة اكتر .. طب مصر كدولة اقدم وتاريخ اكبر من الخليج مثلا لكن هل معنى كده ان مصر كدولة افضل لا طبعا.

ثانيا الناس في العالم كله مش غبية مثلا واحنا الأذكيا الي هنور عقولهم مبيعات الياباني في العالم تفوق باضعاف واضعاف مبيعات الاوروبي فا هنيجي احنا ونصر برضو ان الاوروبي احسن مع انو للعلم الياباني غلا وبقى بنفس سعر الاوروبي واعلى كمان في موديلات كتير ومع ذلك برضو بيجيبو الياباني .

استاذ محمد مختار انا معنديش علم الحقيقة الفيكترا وقف انتاجها في مصر امتى ولا تترخص ازاي .. لان انا عايش في الامارات من زمان ولسه نازل مصر من فترة قريبة جدا وكانت معايا في الامارات ووالدي كان عندو كورولا.

المشاركة الأصلية كتبت بواسطة delpo

استاذ محمد مختار اولا رأيك يحترم والموضوع مش قديم ولا حاجة وانا مبسوط اني سمعت رأيك.

ثانياً هو صحيح الفيكترا اثبت من الكورولا لكن مشاكلها اكتر فا دي بتغطي دي .. يعني اجيب مثلا لابتوب توشيبا بيشغل ويندوز وعملي واقدر اصلحو واقدر ابيعو ومش هخسر فيه ورخيص ولا اجيب لابتوب apple لمجرد ان خاماتو احسن لكن مش عملي في التصليح واعادة البيع وخلافو ؟؟

حضرتك حاليا العالم كله اعترف بان الياباني احسن من الاوروبي ماعادا مصر يعني مثلا مبيعات ليكزس وانفينيتي فاقت مبيعات مرسيدس وبي ام في الفئات العالية في امريكا وبريطانيا ودول كتير في العالم واحنا لسه مصممين ان الاوروبي احسن لمجرد انو اقدم وخبرة اكتر .. طب مصر كدولة اقدم وتاريخ اكبر من الخليج مثلا لكن هل معنى كده ان مصر كدولة افضل لا طبعا.

ثانيا الناس في العالم كله مش غبية مثلا واحنا الأذكيا الي هنور عقولهم مبيعات الياباني في العالم تفوق باضعاف واضعاف مبيعات الاوروبي فا هنيجي احنا ونصر برضو ان الاوروبي احسن مع انو للعلم الياباني غلا وبقى بنفس سعر الاوروبي واعلى كمان في موديلات كتير ومع ذلك برضو بيجيبو الياباني .

استاذ محمد مختار انا معنديش علم الحقيقة الفيكترا وقف انتاجها في مصر امتى ولا تترخص ازاي .. لان انا عايش في الامارات من زمان ولسه نازل مصر من فترة قريبة جدا وكانت معايا في الامارات ووالدي كان عندو كورولا.

لسا نازل مصر من فترة قريبة . طيب يا باشا عايز اقول ان الاوبل فكتر فمصر احسن من التويوتا كرولا بمراحل ودة لانها المانى
ويوجد شىء اخر ان الالمانى افضل من اليبانى ودة فمصر معرفش بقا فى الامارات مين الاحسن

المشاركة الأصلية كتبت بواسطة Ahmedn76

لسا نازل مصر من فترة قريبة . طيب يا باشا عايز اقول ان الاوبل فكتر فمصر احسن من التويوتا كرولا بمراحل ودة لانها المانى
ويوجد شىء اخر ان الالمانى افضل من اليبانى ودة فمصر معرفش بقا فى الامارات مين الاحسن

انا صحيح لسه نازل مصر من فترة قريبة بس بقضي فمصر كل سنة ما لا يقل عن اربع شهور وعارف سمعة الاوبل فكترا وانا جبت الفيكترا اصلا بناء على نصيحة واحد قريبي فمصر اول ما جابها لكن بعد مرور سنة واحدة فقط بدأ يلعنلي فيها من اسعار قطع الغيار والأعطال المتكررة وخلافه.

وبعدين الالماني الافضل من الياباني في فئته فقط يعني فئة الكورولا وهو شركة واحدة فقط مع احترامي للجميع لكن فولكس فاجن بالجولف بتاعتها حتى لو القديمة .. عربية قليلة الاعطال وقليلة المشاكل وموتور معمر ويأتي من بعدها السيات.

تقدر تقولي الاوبل احسن من الكورولا في ايه بالظبط .. مش هلاقي غير كلمة واحدة بس الثبات .. لكن انت لو سألتني الكورولا احسن من الفيكترا في ايه هقولك كم كلمة ؟؟؟؟

على فكرة في الامارات محدش بيشتري فكترا خالص .. عارفين يعني ايه كلمة خالص دي ! بجد انا كنت حاسس اني الوحيد في الدولة دي الي شاري العربية دي لاني مشفتهاش مع غيري غير مرتين تلاتة بالكتير بد بدون مبالغة.

المشاركة الأصلية كتبت بواسطة ahmed21015

هو حضرتك متعصب كدة لية
انا ركبت كرولا 2009
مش 2008 وركبت الفوكس ال 2008
والله العظيم الفوكس افضل منها بمراحل (اسف للفظ تضربها بالجزمة) من فخامة وثبات وكدة
نيجى بقا لموضوع البنزين اللى حضرتك بتتكلم عنو
اولا حضرتك فاكر انها عربية امريكانى من ام 8 سيلندر والحجات دى والبنزين الرهيب وكدة
العربية دى استهلاكها للبنزين عادى جدا مش زى منت متخيل نيجى لموضوع سعر اعادة البيع دة اة انا معاك انو بيقل بس معتقش انو هيبقى قليل اوى لان العربية انتشرت كتير وابتدت تنتشر والناس يعترفو بيها فمصر (انا على فكرة مبعترفش بنظام السوق المصرى العقيم اللى هو بيفضل الفيرنا والانوس والكلام دة)
وبالنسبة لقطع الغيار
حضرتك ممكن تدخل قسم فورد وتشوف قطع الغيار اللى فاكرها حضرتك انها نار ولعلمك هتلاقيها اقل من السيفيك
(بالله عليك انت بقا قطع غيار السيفيك والكرولا رخيصة ولا غالية)

هيا فعلا الفوكس واخدة تقدير في الثبات على الطريق اعلى من الكورولا والسيفيك والحقيقة انا شوفت العربية في المعرض وقعدت فيها وكده لكن للأمانة مسوقتهاش لكن انا عندي نوع من الثقة في تقدير المجلة .. لكن برضو مش الفرق الرهيب الي حضرتك متخيلو يعني الفوكس خدت 410 نقطة من 680 في الثبات على الطريق والسيفيك خدت 390 والكورولا 370 ..

الحاجة اتلانية انا عارف موتور الفوكس ايه مش بقول انها في البنزين رانج روفر يعني انا عارف انها اقتصادية بس انا بقارنها بالباقي بتاخد اكتر من الكورولا والسيفيك والمازدا 3 والشارك.

بالنسبة لقطع الغيار انا عارف ان قطع غيار الكورولا والشارك مش رخاص لكن على الأقل ارخص من الفوكس لكن السؤال اصلا مين عندو كورولا بيحتاج قطع غيار اصلا الا لسمح الله في حالة الحوادث ؟!!

بخصوص سعر اعادة البيع انا بتكلم في الموجود دلوقتي الله اعلم هيحصل ايه لكن حاليا سعر اعادة بيعها اقل كتير من الالاربعة وعموما عشان تبقى عارف ومن قديم الازل العربيات الامريكي سعر اعادة بيعها قليل جدا وهديك مثل بسيط من 9 شهور بس كنت في الامارات وبلف في سوق الجمعة للسيارات في مصفح في ابوظبي تخيل ان الجيب جراند شيروكي فل اوبشن موديل 2000 ب15 الف درهم يعني 22 الف جنيه بس ؟؟!!!!!!!!!!!!!

هيا عربية كويسة لو ناوي تستعملها اربع سنوات وتبيعها وتجيب جديد اما الي عايز سيارة معمرة عشان امكانياتو انو مش هيقدر يغير العربية غير بعد فترة طويلة فالباقي افضل.

المشاركة الأصلية كتبت بواسطة mandooo

طب ازاى وهى نفس شاسيه الماذدا 3 والماذدا 3 واخده كام
ممكن حضرتك موقع المجله

الارقام الي كتبتها من مجلة سيارات الامارات وهيا نفسها نسبيا في
التقييم من مجلة اوتو كار الشرق الاوسط وهيا مجلة عالمية بتصدرفي امريكا كمان ومناطق مختلفة في العالم ممكن حضرتك تشتري المجلة لاني معرفش موقع المجلة الخاص بالشرق الوسط.

البيانات من اوتو كار اهي عموما لحد ما تشتريها :

الفوكس
الحكم الإحصائي : 226 من 360
على الطريق : 309 من 480
المجموع : 535 من 840

الكورولا
الحكم الإحصائي :214 من 360
على الطريق : 277 من 480
المجموع 491 من 840
عدد مجلة اوتو كار ديسمبر 2008