البنات و السجاير

**tamohsen** · 21-12-2008 04:43 PM

في اوروبا والدول المتجدمه 50% تقريبا من المدخنين سيدات
في اوروبا والدول المتجدمه برضوا نسبه المدخنين بتقل سنويا

**mohmd76** · 21-12-2008 04:48 PM

بتتكلموا على السيجارة ما خفى كان اعظم
اسالوا اى فرد ساكن بجوار المدينة الجامعيه لاى جامعه فى مصر

**r0xer** · 21-12-2008 05:04 PM

وليه مش واحدة صاحبتها يا أستاذ روميو؟

Terrible_DaRsH: اللي بتعمله دا اسمه شخصنة ودا أسلوب غير مستحب ابدا في النقاش...رغم ان الكلام مش موجه ليا ولكن مهما كان فهو اسلوب منفر.

يعني حكاية قريبتك و بنت عمتك وبنت خالتك والكلام دا يتقال لما يكون صاحبك وقاعدين مع بعض، لكن في حوار محترم فالمفروض الناس دي ملكش الحق تتكلم عنهم ولا تجيب سيرتهم لابحلو ولا بوحش.

ياريت تتقبل النصيحة بصدر رحب.

**Terrible_DaRsH** · 21-12-2008 05:26 PM

المشاركة الأصلية كتبت بواسطة r0xer

Terrible_DaRsH: اللي بتعمله دا اسمه شخصنة ودا أسلوب غير مستحب ابدا في النقاش...رغم ان الكلام مش موجه ليا ولكن مهما كان فهو اسلوب منفر.

يعني حكاية قريبتك و بنت عمتك وبنت خالتك والكلام دا يتقال لما يكون صاحبك وقاعدين مع بعض، لكن في حوار محترم فالمفروض الناس دي ملكش الحق تتكلم عنهم ولا تجيب سيرتهم لابحلو ولا بوحش.

ياريت تتقبل النصيحة بصدر رحب.

اولا ..يا فندم مادام مغلتطش فقول اللى انت عايزه وكلامك صحيح 100 % على راسي من فوق ..
ثانيا : انا قرات قواعد المنتدى وحافظها كلها تماما وعارف انا بقول ايه ..
ولكن خد بالك ان المبادىء مبتتجزئش ..
واللى ميرضاش حاجة على نفسه ميرضهاش على غيره ...
انا مرضاش حاجة على اى بنت اعرفها فمرضهاش على غيرها ..
سواء كانت قريبة او بعيدة
ولاحظ فى كلامى فى الاول انى محددتش اخت او ام او (بنت خالة او بنت عم ) زى مانت بتقول....
عموما ربنا يهدى العاصي ..

**shanodaa** · 21-12-2008 06:10 PM

مش الكل بيقول البنت زي الولد
تقليد اعمي
ممكن تكون البنت اجدع من الولد في حجات كتير محترمه غير السجاير

**SAMER_ENGINES** · 21-12-2008 06:31 PM

انا مش فاهم السجاير فيها ايه مش الولاد بتشرب فيها ايه لما البنت تشرب؟؟؟؟؟!!!!!!!!!!!
هي مجرد ثقافة متخلفة بتقول اني البنت اللي تشرب سجاير تبقي مش كويسة انا مش فاهم ليه ما الولد بيشرب كمان و لا هي حلال ليه و حرام عليها, و بعدين في ايه ما الولد بيقعد و يسهر في القهاوي و يحشش لحد الصبح بس هنا نقول اه هو ولد هو حر و بقي راجل و بيشرب و سيد الرجالة (و امه تنبسط و تقوله اسم الله عليك يا حبيبي) لكن البنت لو بس ولعت عود كبريت الدنيا تقوم و متقعدش و يبقي لازم نرجمها حتي الموت او ندفنها حية ثقافة ذكورية متخلفة لو تحبوا تمنعوا بجد امنعوا الإغتصاب و التحرش و المعاكسات و غيره و غيره و غيره و غيره................

و كمان رأيي بدل ما نقطع في فروة البنات نعمل حملة لمنع التدخين مثلا عن الولاد و البنات مع العلم اني مدخن بس مفيش مانع يمكن في الحملة دي نبطل التدخين.

**hossam_nasr** · 21-12-2008 06:41 PM

لا حول ولا قوة الا بالله
انا عرفت ليه فى بعض البنات بتشرب سجاير
علشان فى ناس ميهمهاش ان البنات يتصلح حالها ولا لا
النخوة راحت خلاص

**ASKAFRAWY** · 21-12-2008 09:03 PM

المشاركة الأصلية كتبت بواسطة hossam_nasr

لا حول ولا قوة الا بالله
انا عرفت ليه فى بعض البنات بتشرب سجاير
علشان فى ناس ميهمهاش ان البنات يتصلح حالها ولا لا
النخوة راحت خلاص

يا باشا ما انت عارف بقى!!ايه النخوة دى؟؟؟دلوأت خلاص انسى النخوة دى!!تقريبا بقت حاجة عيب!!ما احنا بنشوف العجب كل يوم جت على السجاير يعنى!!!!طيب تقول ايه بقى لما تلاقى شاب ملتحى وشابة منقبة وفى وضع بصراحة لا يليق بالاسلام!!!وتلاقيهم كمان صايمين

ماحضرتك كنت معايا وشفت بعينك!!!
تقول ايه بقى!!!ربنا يهدى ولا ربنا يرحمنا برحمته!!ولا حسبى الله ونعم الوكيل!!ولا ايه وولا ايه............

**Terrible_DaRsH** · 21-12-2008 10:56 PM

المشاركة الأصلية كتبت بواسطة meza

هرمى السيجارة اللى فى إيدى و ألطشها قلم على وشها .. و أقولها كده غلط و عيب ... !!!
فإصلاح المجتمع لا يعنى إصلاح نصفه فقط على أمل إن النص التانى يتعدى منه.

والله كويس انك رديت ...
طمنطنى ان الدنيا لسه فيها ناس كويسة ..