الموضوع: الكورولا 2008 اسرع سياره 1600 فى فئتها

النهارده حبيت اقول لاحلى منتدى ان الكورولا 2008 124 حصان وعزم 157 نيوتن.متر mmt .... اسرع سياره 1600 فى فئتها مع انى مش بايد السرعه لخطورتها ولكن اعمل ايه احيانا مش بعرف امسك نفسى وبقعد اشد ربنا يسترها معانا ومعاكم
المهم.......الكوكو سبقت السيفيك قبل كدا من صفر الى 180
النهارده بقا كنت راجع من الجامعه وكنت بشد انا وااحد صاحبى معاه سيفيك وهو سويق جدا كنت ماشى وراه والطريق كان زحمه شويه وكنا احنا الاتنين بناخد غرز مرعبه على سرعات مش هتتخيلوها وعربيته كمان فيها جنوط 17 انما عربيتى ستوك
المهم فضلت ماشى وراه لحد ما عدينا من الزحمه اول ما عدينا من الزحمه الطريق اصبح فاضى وكنا على سرعة 185 كم ومش بالعافيه كمان لا بقوه وعديته واحنا على السرعه دى واديته كلكس وقولتله باى طبعا هو اسر انه ما يسبنيش جينا تانى لسباق الغرز المرعبه (اللى مش هعملها تانى لان الواحد مش فى غنى عن حياته)اخد غرزه مرعبه بكل المقيايس من الشمال وانا اخدت من اليمين على نفس السرعه وعديتيه تانى لقيته هدى وانا كمان هديت ومش هنشد تانى الا لما الطريق يكون فاضى ويسمح وبصراحه الكورولا النهارده اثبتلى انها عربيه ما شاء الله ثابته جدا

عربيات تانيه سابقتها مش مسابقه عشوائيه لا سباق حقيقى من صفر الى سرعات عاليه هى
بى ام دبليو 116 i اوتو
ماذدا 3 2008 مانيوال
لانسر شارك 1500 اوتو
جيتا 1600 2007 اوتو
الشارك الصراحه هى والجيتا كانوا مستسلمين من البدايه مش عارف ليه
الحته الجايه ان شاء الله اللى هاسابقها قريب ان شاء الله بس على طريق يسمح ان شاء الله هى فيات لييينا 1400 سى سى تربو 120 حصان مانيوال وصاحبها عضو هنا فى المنتدى
وتقبلوا تحياتى

طبعا يا باشا البيبى بيمر ده اهم حاجه فيه الثبات حاجه تحفه فعلا
بس انا مقاس الكاوتش عندى اعرض وبالتالى انا الثبات عندى اعلى ...................بهزر طبعا البى ام فى الثبات مفيش زيها الا المينى الكوبر غير كدا ما فيش اى عربيه فى فئتها تنافسها ولا حتى الجولف
وتقبل تحياتى