الموضوع: الكورولا 2008 اسرع سياره 1600 فى فئتها

المشاركة الأصلية كتبت بواسطة أبو عبدالله

احمد علشان توطي العربيه هتفقد الميزة دي
واظن ان كده افضل
انت عاوز توطيها ليه
لو ثبات يبقى جنط جنوط اسبور وخلاص افضل

لا يا ابو عبد الله انا كنت عاوز اوطيها علشان شكلها بيبقى شيك قوى انا شفت واحده فى الشارع كانت متوطيه ومركبلها جنوط 17 وزينون وفوانيس ليدات كان شكلها تحفه بجد واللى يشوفها ما يقولش دى كورولا
تحياتى

المشاركة الأصلية كتبت بواسطة momo10000

احمد باشا ... بالنسبة للتسارع والله مقستوش خالص ...

بس اخر مرة طالع من جيتس اول تاني !!!!!!! ( وانا علي استبترونيك ).. وما ادراك ما الجيتس اول تاني !!!!!!

بالنسبة للتوطية .... حلك الوحيد عفشة Fsd كوني ... بتوطي العربية ... وبتحافظ علي الرفاهية ..بتركب علي السوست الاورجينال ... المساعدين اقصر ... العفشة دي اختراع ... بتظبط نفسها بنفسها بناء علي طبيعة الطريق ... سعرها 4700 ...مساعدين بس .

طيب الجيتز اللى كنت بتسابقها مانيوال ولا اوتوماتيك؟
العفشه دى بيقولوا عليها مش عمليه ابدا فى مصر
تحياتى

المشاركة الأصلية كتبت بواسطة ahmed _abo samra

النهارده حبيت اقول لاحلى منتدى ان الكورولا 2008 124 حصان وعزم 157 نيوتن.متر mmt .... اسرع سياره 1600 فى فئتها مع انى مش بايد السرعه لخطورتها ولكن اعمل ايه احيانا مش بعرف امسك نفسى وبقعد اشد ربنا يسترها معانا ومعاكم

أخى الحبيب أحمد أبو سمرة
ربنا يبارك فيك و فى جميع الشباب و يبارك لكم فى عربياتكم.
هى صحيح المواضيع دى مغرية و شيقة :k4:
لكن
يجب علينا إن إحنا منجربش السرعات العالية دى أبدا إلا فى الأماكن المخصصة لذلك و يكون فيها الإستعدادات التامة لأى ظرف طارق لا قدر الله. و لازم نعطى لكل ذى حقٍٍ حقه و مين أصحاب الحقوق بقى
1- نفسك ... فعمرك و جسمك أمانة يجب الحفاظ عليها
2- أهالينا - حرام نزعلهم علينا أو حتى على الخسارة المادية
3- الناس فى الشارع اللى ممتلكاتهم و أرواحهم يجب الحفظ عليها.. ناهيك عن حرمة ترويعهم.

صدقونى يا شباب المتعة لا تقارن بالثمن

يا زلة كتبت فى غفلة ذهبت ** يا حسرة بقيت فى القلب تحرقنى

و الله أسأل أن يغنمنا السلامة جميعا و أن يحفظنا نحن و أهالينا جميعا.

المشاركة الأصلية كتبت بواسطة ahmed _abo samra

طب كدا الاستاذ ده شكل قال كلام مش مظبوط والاداره مسحت المشاركه بتاعاته وانا ما عرفتش هو قال ايه وما اخدش ولا انذار ولا تحذير ولا اى حاجه ده يبقى ايه مش فاهم
وبعدين انا اشد ما اشدش انتم مالكم مش فاهم هو الاستاذ اللى بيكلمنى ده كان ولى امرى علشان يقول شد ما تشدش مش فاهم

أخي الكريم أحمد
ممكن بعد أذنك أرد على هذه النقطة
أولا أنا لا أعرف ماذا قال الأخ نايل هارت بالظبط و لم أشاهد الموضوع إلا في هذه اللحظة .

و لكن أحب أن أرد على حضرتك لعل الله يهدينا جميعا إلى الطريق القويم .
بالنسبة للشد و الغرز و موضوع ولاية الأمر و الكلام ده .
حضرتكك لما تكون على حلبة سباق و عايز تسابق مع ناس لها نفس الغرض و هو استعراض مهارات السائقين و قوة السيارات فيكون هنا عندك الحق و كل الحق لتفعل ما تريد طالما أنت في المكان المناسب لفعل ذلك و هو حلبة السباق .

و لكن عندما نتحدث عن طريق عام ... يعني كل الناس بتستخدمه ........و أنا و أنت منهم طبعا .
و الحكومة واضعة قوانين ( على الورق أنا عارف ) لحماية الناس .
يعني الموضوع أصبح ........ عام و ليس خاص .
يعني لما أشوف واحد بيشد و بيعمل غرز ( في انجلترا ) من حقي أتصل بالشرطة ليعتقلوه .
و لكن بما أننا في مصر .... فيجب علينا نحن الشعب أن نلتزم بالقوانين حتى نحمي أنفسنا من أنفسنا .

طيب أنا هاحكي حكاية و نشوف هل الموضوع حرية شخصية أم لا .

في طريق اتجاهين بدون رضيف في المنتصف و كل اتجاه مكون من حارة واحدة فقط لا غير .
و أنا ماشي على سرعة 100 كم - س و طالع مطلع .
و إذا بي أفاجئ بشاب صغير السن يتخطاني في المطلع و هو لا يرى أي شئ ... يعني ممكن يكون فيه عربية في الأتجاه القادم و هو مش شايفها .......... و في الحالة دي هو هايروح فيها بالاضافة للسائق الاخر و من في سيارته و ممكن و أحتمال كبير جدا أنا معهم لأني كنت بجواره .

هل هنا الموضوع حرية شخصية ؟؟؟؟ و هل الموضوع يحتاج إلى ولاية أمر لنحاسب هؤلاء الذين يستهترون بحياتنا ؟؟؟؟ بقصد أو بدون قصد ؟؟؟ هذا غير مهم .
و لكن في الدول المحترمة ......
هؤلاء مكانهم السجن .......... لأن هذا يعد جريمة لتعريض حياة الناس للخطر زي ما وضح الأخ نايل هارت في مثاله عن الولايات المتحدة الصهيونية .

اذن الطريق ملكية عامة تماما لي و لك
و السيارة هدفها الوحيد هو توصيلنا من مكان لأخر .
و ليس لأستعراض قوتها أو مهارتنا نحن كسائقين .

يا أخي الكريم .
أنظر على الطرق كل يوم و شاهد كم الحوادث التي تحدث يوميا بسبب الأستهتار و الرعونة و السرعات الزائدة و الغرز .
خذ عبرة
و حياتك و حياة كل شاب و كل مصري غالية على أهله و هناك من ينتظره ليصل في الميعاد المناسب سليم و معافي .

و ربنا يهدينا

المشاركة الأصلية كتبت بواسطة tutankhamoun

أخي الكريم أحمد
ممكن بعد أذنك أرد على هذه النقطة
أولا أنا لا أعرف ماذا قال الأخ نايل هارت بالظبط و لم أشاهد الموضوع إلا في هذه اللحظة .

و لكن أحب أن أرد على حضرتك لعل الله يهدينا جميعا إلى الطريق القويم .
بالنسبة للشد و الغرز و موضوع ولاية الأمر و الكلام ده .
حضرتكك لما تكون على حلبة سباق و عايز تسابق مع ناس لها نفس الغرض و هو استعراض مهارات السائقين و قوة السيارات فيكون هنا عندك الحق و كل الحق لتفعل ما تريد طالما أنت في المكان المناسب لفعل ذلك و هو حلبة السباق .

و لكن عندما نتحدث عن طريق عام ... يعني كل الناس بتستخدمه ........و أنا و أنت منهم طبعا .
و الحكومة واضعة قوانين ( على الورق أنا عارف ) لحماية الناس .
يعني الموضوع أصبح ........ عام و ليس خاص .
يعني لما أشوف واحد بيشد و بيعمل غرز ( في انجلترا ) من حقي أتصل بالشرطة ليعتقلوه .
و لكن بما أننا في مصر .... فيجب علينا نحن الشعب أن نلتزم بالقوانين حتى نحمي أنفسنا من أنفسنا .

طيب أنا هاحكي حكاية و نشوف هل الموضوع حرية شخصية أم لا .

في طريق اتجاهين بدون رضيف في المنتصف و كل اتجاه مكون من حارة واحدة فقط لا غير .
و أنا ماشي على سرعة 100 كم - س و طالع مطلع .
و إذا بي أفاجئ بشاب صغير السن يتخطاني في المطلع و هو لا يرى أي شئ ... يعني ممكن يكون فيه عربية في الأتجاه القادم و هو مش شايفها .......... و في الحالة دي هو هايروح فيها بالاضافة للسائق الاخر و من في سيارته و ممكن و أحتمال كبير جدا أنا معهم لأني كنت بجواره .

هل هنا الموضوع حرية شخصية ؟؟؟؟ و هل الموضوع يحتاج إلى ولاية أمر لنحاسب هؤلاء الذين يستهترون بحياتنا ؟؟؟؟ بقصد أو بدون قصد ؟؟؟ هذا غير مهم .
و لكن في الدول المحترمة ......
هؤلاء مكانهم السجن .......... لأن هذا يعد جريمة لتعريض حياة الناس للخطر زي ما وضح الأخ نايل هارت في مثاله عن الولايات المتحدة الصهيونية .

اذن الطريق ملكية عامة تماما لي و لك
و السيارة هدفها الوحيد هو توصيلنا من مكان لأخر .
و ليس لأستعراض قوتها أو مهارتنا نحن كسائقين .

يا أخي الكريم .
أنظر على الطرق كل يوم و شاهد كم الحوادث التي تحدث يوميا بسبب الأستهتار و الرعونة و السرعات الزائدة و الغرز .
خذ عبرة
و حياتك و حياة كل شاب و كل مصري غالية على أهله و هناك من ينتظره ليصل في الميعاد المناسب سليم و معافي .

و ربنا يهدينا

على فكره ياباشا كلامك مظبوط جدا وانا اكدت عليه كذا مره وقلت انى مش هعمل كدا تانى
وقلت اللى عاوز يشد يشوف وقت وزمان مناسب مش فى وسط الزحمه
ولكن تعقيبى على واحد داخل يشتم ويقول كلام مش لطيف
اظن مش من حقه يقول كدا لانه ملهوش كلام عليا ومش من حقه يقول كلام غلط من غير عقاب
تحياتى