playboy علامة على سيارة بدون اخلاق

**Ahmed Samy** · 22-12-2008 11:40 PM

لفت انتباهي من مدة

انتشار لوجو بلاي بوي على السيارات

المصيبة ان الموضوع بيزيد لدرجة انها بقت منتشرة قوي

اللي محيرني ..
هو اللي بيحط العلامة دي على عربيته غرضه ايه ؟

جذب الساقطات عن طريق ايضاح انه ساقط مثلهن ؟؟؟
ولا التفاخر بغريزته و ميوله المتدنية
ولا مش فاهم و بيقلد وخلاص على انها حاجو كوول و لذيذة

و في كل من الحالات الثلاث اجد ان الشباب تحول من مرحلة قلة الأدب الى مرحلة التفاخر بقلة الأدب

يعنى لو انت صايع و سافل ماشي ....بس اتدارى مش يبقى علني كده

بلاي بوي لمن لا يعلم هي مؤسسة تعمل في انشاء و بيع الأفلام و الصور الجنسية على هيئة مجلات و نسخ اليكترونية ..

انا بجد منزعج من المجاهرة و البجاحة دي

**vet mitcho** · 23-12-2008 12:00 AM

اظن ان نسبة حوالي 50% فقط هم من يضعون اللوجو ده وعارفين معناه وقصدينه
اما النصف الاخر فهو يقلد وخلاص كعادة شعبنا تجاه كل ما هو غربي

الشركة دي فلوسها كتيييييير جدا وبتحشر نفسها في معارض دولية كتير جدا
وانا عن نفسي ليا تجربة معاهم (كرؤية فقط طبعا)في اكبر معرض نظارات شمسية و طبية على مستوى العالم في ميلان الايطالية كل سنة تحجز الشركة لنفسها مكان في المعرض ويعملولهم دعاية على كام نظارة
الطريف ان الشركة كانت بتسيب ييجي 20 او 30 بنت في ارجاء المعرض كله ومعاهم ستيكرات يلزقوها على رواد المعرض و مفيش مانع لو اي حد يطلب منهم اي حاجة على الماشي
ده غير بقى لو رحت مقرهم في المعرض نفسه هتلاقي كباريه بمعنى الكلمة بكل مشتملاته من خمور ثقيلة وبنات....الخخ

ربنا يكملها بالستر وشكرا ليك يا احمد على التنبيه الهام

**mrghost** · 23-12-2008 12:03 AM

المشاركة الأصلية كتبت بواسطة vet mitcho

اظن ان نسبة حوالي 50% فقط هم من يضعون اللوجو ده وعارفين معناه وقصدينه
اما النصف الاخر فهو يقلد وخلاص كعادة شعبنا تجاه كل ما هو غربي

الشركة دي فلوسها كتيييييير جدا وبتحشر نفسها في معارض دولية كتير جدا
وانا عن نفسي ليا تجربة معاهم (كرؤية فقط طبعا)في اكبر معرض نظارات شمسية و طبية على مستوى العالم في ميلان الايطالية كل سنة تحجز الشركة لنفسها مكان في المعرض ويعملولهم دعاية على كام نظارة
الطريف ان الشركة كانت بتسيب ييجي 20 او 30 بنت في ارجاء المعرض كله ومعاهم ستيكرات يلزقوها على رواد المعرض و مفيش مانع لو اي حد يطلب منهم اي حاجة على الماشي
ده غير بقى لو رحت مقرهم في المعرض نفسه هتلاقي كباريه بمعنى الكلمة بكل مشتملاته من خمور ثقيلة وبنات....الخخ

ربنا يكملها بالستر وشكرا ليك يا احمد على التنبيه الهام

فعلا ناس كتير بتقلد تقليد اعمى بدون فهم اى حاجه

**meza** · 23-12-2008 12:27 AM

ولا مش فاهم و بيقلد وخلاص على انها حاجو كوول و لذيذة

+1
نسبة مش قليلة فعلاً بتبقى بتقلد و خلاص.
بس برضه فيه ناس عارفه و بتستهبل.

أنا عندى سبراى playboy بس الحمد لله مستخبى فى الدولاب ... أعمل إيه ريحته حلوة .

**Hussein_Ramdan** · 23-12-2008 12:35 AM

سبحان الله
والله العظيم لسة شايف دلوقتى بردو عربية ملزوق على عليها العلامة دى وستغربت
قولت اما الواد دة عبيط ومش فاهم معناها
اما بيستهبل وفاهم وكانت عايز اديلو افة
-----------------
المصيبة الكبرى ياشباب
دى بقيت موجودة بردو على التيشرتات
يوم الجمعة الى فاتيت شوفت ولد فى تقريبا فى سن 19 سنة ولبس الفلنة وعليها العلامة وبيتمرن معايا
المهم الواد لفت نظرى لقيت نفسى بقولو انتا عارف معناة العلامة دى ( معا انى مش متطفل )
المهم رد الولد هو الى صدمنى قالى اة طبعا
بقولو يعنى اية
قالى دة ارنب ياباشا وبيضحك
قولت فى سرى والله الى انتا ارنب
قالى لية هى معناة حاجة تانية قولتلو لاء اصل الارنب دة مشى بطال بصلى كدة من فوق لتحت وسبنى ومشى ههههههههه

**دموع الثلج** · 23-12-2008 01:26 AM

فعـــــــلا انا شفت العلامه دى كثير ملزوقه على شنطه عربيات كثير ولسا واخده بالى انها حاجه نيله ما علينا

اذا كانت العلامه دى ترمز للاباحيه فيه ناس متعرفش معناها اكيد وما ترمز اليه

انــــــــــــــــما لو شفت ملزوق على شنطه عربيه صوره امراءه عريانه
مش عارفه ازاى هو استيكرز شفته ملزوق على شنطه متسوبيشى فى المهندسين والمنظر مسسسستفز لابعد الحدود وقمه السفاله والوقاحه واى شى ممكن حد يقوله
الولد كان حاطط صوره الارنب ده فى ناحيه والناحيه الثانيه صوره المراءه العاريه
انا قربت من العربيه لقيت شاب تقريبا 20 سنه

**جمال** · 23-12-2008 01:38 AM

المشاركة الأصلية كتبت بواسطة دموع الثلج

انــــــــــــــــما لو شفت ملزوق على شنطه عربيه صوره امراءه عريانه

الولد كان حاطط صوره الارنب ده فى ناحيه والناحيه الثانيه صوره

المراءه

العاريه

يا دموع !!!!
امرأة
و المرأة

**mahamedaraby** · 23-12-2008 01:49 AM

بجد فعلا انتشرت اوى الظاهره دى ده لدرجه ان فى نت كافيه عندنا فى المنطقه عامل اليفطه بتاعه واسم المحل بلاى بوى تخليوا وصلت لايه مش فاهم طيب مثلا مفيش رقابه من اى جهه عليهم

**MoToRiZeR** · 23-12-2008 01:52 AM

و متنساش علامة الماريجوانا يا دكتور :)
ده جت فترة و بقي أكتر من ستيكر موبيل وان عالعربيات .

من واقع تجربتي معظم اللي بيحط الستيكر بيبقي شاب غلبان و عارف معني الستيكر كويس و واعي له .. بس بيبقي عايز "يعمل" صايع و خلاص و بيبقي بيشرب مخدرات عشان يبان إنه الشاب المتشفر اللي مش هامه حاجة و يحس بنفسه بقي بس هو في الأصل سيس .. إنما البنات اللي بيحطوا الستيكر هما دول اللي بيبقوا كدة فعلا :D انا مرة كنت واقف مع صحابي في on the run الصحراوي إتنين بالليل كدة و دخل لانسر سايقها واحدة لابسة بتاع كدة عليه أرنب البلاي بوي لونه pink و مكتوب جنبه i love boys (الصحراوي و بعد نص الليل و بلاي بوي الحريمي و i love boys كمان يعني اتموسفير عالي ) و الباقي أقولهولك اما أشوفك في أقرب فرصة يا دكتور :D و البنت دي طلعت معايا في الجامعة يعني بنت عادية !

دموع : ستيكر البنت ده زمان من بتاع 3 أو أربع سنين كان شاب في العجوزة و المهندسين (حفيد فريد شوقي) عامله لوجو ال gang بتاعته و هو و صحابه حاطين الستيكر عشان يتميزوا بيه و كانت أشهرهم عربية نوبيرا بيضة .. لحد ما محل MOK اللي في أخر جامعة الدول طبع الستيكر و بقي يبيعه فا باقي الشعب لزقه .

-

الموضوع: playboy علامة على سيارة بدون اخلاق

LinkBack

أدوات الموضوع

عرض

playboy علامة على سيارة بدون اخلاق - انشر الموضوع فى :

-

-

-

-

-

المواضيع المتشابهه

تغيير علامة سيارة لاسيتي الي كروز ؟

أول سيارة تساق بدون سائق فى مصر

سيارة بدون لوحات مرور!!!

حكومة playboy الإباحية ....!!!! ( صورة تعبر عن الشارع المصري )

الكلمات الدلالية لهذا الموضوع

المفضلات

المفضلات

ضوابط المشاركة