هذه حقيقه لا يرقي اليها الشك
.
عرض للطباعة
انا معايا فيرنا 2008 مانيوال كامله ..
التابلوه فعلا خاماته رديئه جدا .. والصاج والدهان ضعيف ..طبعا عيوب التقفيل كتير
لكن اكتر حاجه محيراني ان الموتور بيسقف كتير .. واحيانا التسقيف يبطل اقول ده خلاص راح ..وبعد كده يرجع تاني ..احترت
بحاول اقنع نفسي ان البنزين هو السبب .. بس غيرت محطات البنزين عده مرات ومفيش فايده
احاول اقنع نفسي اني بستعجل في نقل الغيار .. بس دي ثالث عربيه اركبها ..الإثنين اللي فاتو مكانوش بيسقفوا .. مش عارف .. احترت .. حد عنده نفس المشكله ؟؟
اركبها ..الإثنين اللي فاتو مكانوش بيسقفوا .. مش عارف .. احترت .. حد عنده نفس المشكله ؟؟
الأثنين الللي فاتو ماكانش عاجبهم طريقة سواقتك فـ ماكانوش بيسقفوا
لكن دلوقتي بعد ما بقيت خبير سواقة العربية الجديدة بتسقفلك جامد!!!
:arghh:بهزر أوعي تزعل؟
السلام عليكم ورحمة الله وبركاته
انا عندى عربية النترا 2008 استلمتها شهر نوفمبر 2008 عاملة 26000 فى الحقيقة العربية جميلة جدا وفى الاول كان الثبات بتاعها جميل جدا لدرجة انى جبت بيها 190 كم على طريق الغردقة لانى مقيم هناك بس دلوقت حاسس ان العربية ثباتها من زى الاول انا مش بقول وحس بس مش زى الاول العربية هايلة واسعة من جوه والشنطة بتاعتها ماشاء الله
بس فى عندى مشكلة ان العربية لما بيركب حد فيها من الخلف بحس ان العربية وطيت اوى على الارض ومش عارف ان العيب دا عندى انا بس ولا فى كل الالنترا بس فى النهاية انا راض تماما على الربية بخلاف العيبين المذكورين اما بالنسبة لسحب العربية فهو هايل مقارنة بانها اوتوماتيك.
السلام عليكم اخوانى الاعزاء
انا بدور على اكسنت 1300 سى سى وعايز اعرف من خبراتكم يا ترى السيارة كويسة وقطع غيارها معقولة ومتوفرة
ويا ترى سعرها فى السوق كام من اول موديل 99 مكيفة ويا ترى بتعمل كام كيلومتر فى الصفيحة
واشكر كل من اهتم بالرد وافادنى بالنصيحة
وجزاكم الله خيرا
السلام عليكم
ياجماعة كنت عاوز حد من الناس إللي معاهم نيوأكسنت يقيمهالنا علشان بفكر أجيبها
مساء الخير على الجميع
الحقيقة انا معايا النترا اتوماتيك ولسه مرخصها من اسبوع واحد.. ولسه طبعا ما عملتش صيانة ال 1000 ك ..
طلعت بيها الساحل الشمالي.. والحقيقة ثبات العربية هايل جدا حتى في المنعطفات العربية راكزة.. وموفرة جدا في البنزين.. بس فعلا العربية واطية جدا لما بتكون مركب حد في الكنبة الخلفية فبتحك في المطبات..
بس عموما علشان انا طول عمري بسوق اوتوماتيك وبركب عربيات كتير.. لأن السواقة بالنسبة الي هواية من الصغر فالانترا تعتبر من السيارات المميزة في فئتها وخصوصا سعرها.. فلما تقارنها بسيارة اخرى تلاحظ ان بتقارنها بسيارات يزيد ثمنها عن 150 الف جنيه..
ارجو يا جماعة محدش يقرأ ردودى السابقة عن هيونداى لانها كانت كلها هجوم على هيونداى ناتجة عن قلة خبرة و صغر سن .. اما الان اتحولت بدرجة 180 درجة لاصبح مناصرا قويا لهيونداى خصوصا بعد تقدمها الهائل فى ترتيب الشركات المصنعة للسيارات على مستوى العالم .. و فى الموضوع ده قريت كتير عن تجارب لاعضاء و لقيت مفيش شكاوى او عيوب جوهرية فى العربيات .. يعنى لقيت ردود الاعضاء عن ماتريكس و فيرنا هنا ممتازة رغم ان كتير اوى بيقول ان فيهم مشاكل كتيرة
فعلا اتأكدت ان مش كل واحد بيقول كلمة على هيونداى او حتى على غبور بيبقى صادق فيها لاننا فعلا مانعرفش اللى بيتكلم ده شخصيته عاملة ازاى و لا هو فعلا جرب هيونداى و لا لأ و ممكن يمون قابض عشان يسوأ سمعة هيونداى و اكيد مش هو لوحده اللى قابض .. ديه اكيد رابطة ضد هيونداى..
بس الصراحة انا ما جربتش هيونداى قبل كده لانى لسة صغير (18 سنة) يعنى ماشتريتش عربيات قبل كده و ان شاء الله حجرب هيونداى قريب من خلال النترا و ربنا يجعلها تجربة موفقة ان شاء الله
بالنسبة للموضوع الاصلى انا عمى معاه النترا 2004 الشكل القديم طبعا و مش عارف ماشية كام كم بس انطباعه عنها حلو اوى و ركبتها معاه و حسيت بنعومتها و قوة موتورها .. يا رب تكون النترا الجديدة احسن
يا ريت المزيد من التقييمات عن النترا عشان يزيد اقتناعى بيها
شكرا