الموضوع: تقييم شامل لسيارات هيونداى ... من تجارب الأعضاء

المشاركة الأصلية كتبت بواسطة Ibrahim Reda

تمام أنت مبرمجها بميكرو ؟؟
طب ممكن تعمل أة تانى
أصل الفكرة عجبانى أوى أصل انا معنديش ساعة أو Rpm
فى الفيرنا

ايوه بإستخدام PIC16F628A وممكن تعمل اي حاجه لو عندك السينسور المناسب للحاجه دي
يعني مثلاً درجة الحرارة فيه ليها ترانزيستور بيعطيك الحرارة بـ الملي فولت والـ pic بيقرأها ويكتبها علي الشاشة
و ممكن تجيب الباركنج سينسور وتخلي الـ pic يقرأ الخرج بتاعه و يطلعه علي الشاشة او سماعه ونفس الفكره مطبقة في السنتر و الإنذار وهكذا.

موضوع اكثر من رائع ... انا عندي سيارة فيرنا 1600 موديل 2007 والصراحة العربية ممتازة يعني تكيف هايل و ثبات وسحب ممتاز و شكلها جميل و في لاسرعات والطرق الصحراوية بتسحب حلو اوي اوي لكن ظهر فيها مشكله انا مش فاهم سببها لحد الان وهي اثناء الوقوف في اشارة مثلا الاقي مؤشر ال rpm علي ووصل لحد 4 وصوت العربية عليت جدا برغم انها واقفة ودا انا مش فاهم ايه سببه لكن بمجرد التحرك المؤشر ينزل وصوت الموتور يهدا .. رحت بيها التوكيل المقرف بتاع غبور اكتر من 4 مرات .. مرتين غيروا ال sensor الخاص ب injection و مرة غيروا الديسك والدبرياج لكن مفيش فايدة انا مش فاهم ايه الحل بصراحة وعاوز اعرف ان كان حد من الاخوة الموجودين تعرض لنفس المشكلة او عنده اي اقتراح يقولي لكن الصراحة لو مكانش العيب دا موجود كانت تبقى عربية ممتازة بمعنى الكلمة

المشاركة الأصلية كتبت بواسطة bahereldeeb

موضوع اكثر من رائع ... انا عندي سيارة فيرنا 1600 موديل 2007 والصراحة العربية ممتازة يعني تكيف هايل و ثبات وسحب ممتاز و شكلها جميل و في لاسرعات والطرق الصحراوية بتسحب حلو اوي اوي لكن ظهر فيها مشكله انا مش فاهم سببها لحد الان وهي اثناء الوقوف في اشارة مثلا الاقي مؤشر ال rpm علي ووصل لحد 4 وصوت العربية عليت جدا برغم انها واقفة ودا انا مش فاهم ايه سببه لكن بمجرد التحرك المؤشر ينزل وصوت الموتور يهدا .. رحت بيها التوكيل المقرف بتاع غبور اكتر من 4 مرات .. مرتين غيروا ال sensor الخاص ب injection و مرة غيروا الديسك والدبرياج لكن مفيش فايدة انا مش فاهم ايه الحل بصراحة وعاوز اعرف ان كان حد من الاخوة الموجودين تعرض لنفس المشكلة او عنده اي اقتراح يقولي لكن الصراحة لو مكانش العيب دا موجود كانت تبقى عربية ممتازة بمعنى الكلمة

هو طبيعي انه يهدا اول ما تتحرك ولكن مش طبيعي انه وانت واقف يعلا ل 4 ..ولا في الفيرنا ولا في اي عربية تانيه واعتقد ان ده شغل سينسورز

شكرا على ردك يا اخى لكنى سبق وغيرت السينسور مرتين!! والغريبة اني اخر مرة العربية كانت كويسة جدا في التوكيل والمشكلة دي مظهرتش وهما مصرين ان العربية سليمة!! مش عارف طيب اعمل ايه او اقولهم يكشوفوا على ايه تاني يمكن يكون دا سبب المشكلة!

الحقيقة مش عارف ...حاجه غريبه جداً ...العربيه حاسه ان الموتور بارد وده معناه ان سينسور الحرارة فيه مشكله ..طيب ايه اخبار عداد الحرارة ..؟؟؟ بيطلع معاك ولا مصفر علي طول ؟؟

لا عداد الحرارة كويس جدا ومش بيعدى النص ابدا

طيب هو مش المفروض ان في الصيانة بيظبطوا الموتور الكترونياً ؟؟؟
مكنش فيه حاجه وهما بيكشفوا علي الكومبيوتر بتاع العربية ؟؟؟

لو عربية موديل قديم كنت قلتلك شوف كبل البنزين (اكسلاتير) يمكن يكون محشور او بعض في حاجه) بس ده إحتمال بعيد قوي في عربية حديثه

الاقي مؤشر ال rpm علي ووصل لحد 4 وصوت العربية عليت جدا برغم انها واقفة ودا انا مش فاهم ايه

ياى البنزين
اتأكد أنها مش معلقه, عندنا فى الاكسيل سعات كانت يتعلق... و حتلاقى ال rpm يوطى أول ما تحت دبرياج.. ممكن يتعدل لوحده و ممكن لأ

الحل WD40 عليه
الفكره ان ده كان حبة صدى عندنا, عوامل الزمن... معرفش 2007 يبقى فيها كده ازاى بس مين عارف جرب! و ربنا معاك