نيسان ليفينا المميزة بالصوره والتقييم عن تجربة Nissan Livina

**Mzeid** · 15-07-2009 05:43 PM

ربنا يبارك لحضرتك فيها إن شاء و يعطيك خيرها و يكفيك شرها ..
بس من الخلف فيها شبه من المرسيدس ال a-class القديمة شوية

**ahmed4000** · 29-07-2009 11:01 AM

لو الاخوة الافاضل يكلمونا عنها تانى بعد تجربة اطول يبقى شاكرين جدا
علشان عايزين نتطمن من موضوع التقفيل فى الصين ده (انا عارف ان الناس حتقول نيسان والكلام ده كله بس برده عايزين نتطمن من تجربة فعلية) لان المنافسين بتوعها تيدا 100% يابنى والسيتى التايلاندى

**Said Elmasry** · 02-08-2009 11:53 PM

قريب جدا هاستملها ان شاء الله
سيارة رائعة

**shubz** · 06-08-2009 12:41 AM

هى الخامات و التقفيل أخباره إيه يا جماعة و هل الشنطة مساحتها كويسة؟ أصلها داخلة دماغى بس التقفيل الصينى مخوفنى. فى ناس هتقول دى عليها إسم نيسان بس عاوزين تجربة فعلبة. ألف شكر

**Ahmed.TV** · 08-09-2009 03:12 AM

عربية رائعة وسعرها بقا 115 الف وفيها امكانيات وكماليات كتيرة جدا بس الكنبة الخلفية مش فى وسع التيدا سيدان ومهما قالو عليها انها متقفلة فى الصين بس كفاية انها نيسان يا جماعة والصين احيانا بتقفل احسن من مصر , وبعدين ده تحت اشراف الشركة يعنى مش تقفيل كدا وخلاص , وبره فى رقابة على التقفيل احسن من اللى بيتقفل هنا فى مصر , والعربية دى فيها كماليات كتيرة وماتورها ماتور التيدا على فكرة

**علاء فتح الله** · 05-10-2009 01:29 AM

السلام عليكم ورحمة الله وبركاته

ألا يوجد منها موديل 7 راكب؟

وشكراً

**ahmedhee** · 06-10-2009 11:23 PM

اعتقد ان من عيوب هذة السيارة انا التابلوه الخاص بها فقير نوعا ما مقارنة بالموديلات الحديثة

**eehab267** · 16-10-2009 12:48 AM

سعر السيارة وصل الآن 105 بالمنصورة
هل فيه سعر أقل من كده بالقاهرة ؟؟؟ يا ريت اللي يعرف يقولنا لأني عايز أجيب واحدة

**SamehEzz** · 17-10-2009 06:01 PM

حرصا على أعصابى .. أرجو عدم اخبارى بالاسعار الحالية لليفينا حيث اننى تقريبا اول واحد اشتريتها وكانت ب 131 الف بالتمام والكمال.
عموما انا دايما باسمع ان معرض سمير ريان بينزل فى الاسعار اكتر من الاخرين. ممكن تتصل بية للسوال عن اخر اسعارها ولا داعى لاخبارى بالنتيجة :)

ربنا يوفقك باذن اللة.