ساعدونى لوسمحتو اشترى تيدا ام ليفينا ؟

**sab3aawy** · 27-12-2008 09:38 AM

رأييى تصبر لحد ما الاسعار تتظبط، وفى نفس الوقت نكون عرفنات موقع الليفينا من الاعراب، اذا نجحت وظهرت فى الشارع اشتريها، لأن بصراحة انا شايف الليفينا ممتازة ، لكن مفيش عليها دعاية خالص ومعظم الناس متعرفهاش

**karaktar** · 27-12-2008 10:38 AM

والله انا مشعارف اشكركم ازاى على اجاباتكم القيمة وطبعاً هاحطها فى الاعتبار بلا شك وانا حاسس ان قلبى ميال اكتر للتيدا مع احترامى للعربيه ليفينا فالتيدا من الداخل اوسع من حيث الصالون لكن شنطة ليفينا كبيييييييييييره والتيدا بلس فيها اوبشن اكثر ما ليفينا
بس فى تساؤل حالياً ( الين اليبانى مرتفع فابالتالى سعر العربيه صعب انه ينزل ولا ايه رأيكم )

**SamehEzz** · 27-12-2008 01:21 PM

السلام عليكم
سيدى الفاضل انا معايا نيسان ليفينا وأنا عامل تقرير مصور عن العربيه وهتلاقى رايي بالتفصيل فى الموضوع عن ال ليفينا
بكل بساطه نصيحتى ليك هى انك تفكر في التيدا أو ال ليفينا على حسب استخدامك انت يعنى محتاجها عائليه ولا لاستخدامك انت فقط
شوف انا اقتنعت بالنيسان عموما بسبب سياره تيدا يمتلكها احد اصدقائى ولما لقيت ان مافيش فرق بين التيدا والليفينا غير ان ال ليفينا عائلية اكتر قررت اشتريها
يعنى شوف ظروف حياتك محتاجة اى نوع واختار على اساسه وما تحطش فى بالك موضوع صينى ويابانى لانى حتى الان مش حاسس ان فى فرق بما انهم الاثنين من نيسان
وبالتوفيق ان شاء الله

**karaktar** · 27-12-2008 09:21 PM

اشكرك اخى سامح ومبارك عليك الليفينا فهى فعلاً عربيه تحفه وجميله
فعلاً انا احتياجاتى حتى الان تتناسب مع التيدا سيدان لأنها ايضاً تجمع بين العائليه والشبابيه
من حيث الحجم من الداخل وايضاً حجم الشنطه كبير ويكفينى لإحتياجاتى

واخيراً بعد ارائكم القيمه بإذن الله قررت شراء تيدا سيدان
ولكن بعد صلاة الاستخاره إن شاء الله وادعولى ربنا يوفقنى فى شرائها

**dodi2** · 29-12-2008 01:27 AM

نفس الكلام أكرره زى الاخوة , هذا يعتمد على استخدامك و ارتياحك لاى ستيل
أنا كان نفسى الاقى عربية هاتش باك( نفسى أحس أنى صغيرة يعنى) و تكون واسعة من جوه فوجدت التيدا الهاتش باك, اختيار امن من نواحى كثيرة و حاسة ان سوقها بيوسع يوم عن يوم .
بالنسبة لليفينا شكلها احلى بالنسبة لناس كتيرو بتحس انك كبير و عاقل ِكده (دا تهريج مش راى )
و نفسى أسال الاخ كركتر استلم العربية و لا لسه زى حلاتى ؟
و ممكن حد يفرحنا و يقلنا كده تجربته لاول مرة فى سواقة التيدا الجديدة .

**mahamedaraby** · 29-12-2008 03:54 AM

المشاركة الأصلية كتبت بواسطة karaktar

اشكرك اخى سامح ومبارك عليك الليفينا فهى فعلاً عربيه تحفه وجميله
فعلاً انا احتياجاتى حتى الان تتناسب مع التيدا سيدان لأنها ايضاً تجمع بين العائليه والشبابيه
من حيث الحجم من الداخل وايضاً حجم الشنطه كبير ويكفينى لإحتياجاتى

واخيراً بعد ارائكم القيمه بإذن الله قررت شراء تيدا سيدان
ولكن بعد صلاة الاستخاره إن شاء الله وادعولى ربنا يوفقنى فى شرائها

ربنا يوفقك فى شرائها ان شاء الله

وان شاء الله هتبقى صفقه ناجحه بالنسبه ليك

وتوكل على الله بعد صلاه الاستخاره واشتريها وابقى قولنا رايك

**karaktar** · 29-12-2008 03:15 PM

المشاركة الأصلية كتبت بواسطة dodi2

نفس الكلام أكرره زى الاخوة , هذا يعتمد على استخدامك و ارتياحك لاى ستيل
أنا كان نفسى الاقى عربية هاتش باك( نفسى أحس أنى صغيرة يعنى) و تكون واسعة من جوه فوجدت التيدا الهاتش باك, اختيار امن من نواحى كثيرة و حاسة ان سوقها بيوسع يوم عن يوم .
بالنسبة لليفينا شكلها احلى بالنسبة لناس كتيرو بتحس انك كبير و عاقل ِكده (دا تهريج مش راى )
و نفسى أسال الاخ كركتر استلم العربية و لا لسه زى حلاتى ؟
و ممكن حد يفرحنا و يقلنا كده تجربته لاول مرة فى سواقة التيدا الجديدة .

أشكرك على التعليق الجميل ده بصراحه العربيتين جمال جداً
وبالنسبه لسؤالك إن شاء الله فلوس العربيه هاتكون جاهزه كمان كام يوم كده وان شاء الله هاروح اشتريها علطول

بس موضوع الاسعار مخوفنى هاينزل ولا لأ

**karaktar** · 29-12-2008 03:20 PM

المشاركة الأصلية كتبت بواسطة mahamedaraby

ربنا يوفقك فى شرائها ان شاء الله

وان شاء الله هتبقى صفقه ناجحه بالنسبه ليك

وتوكل على الله بعد صلاه الاستخاره واشتريها وابقى قولنا رايك

جزاك الله خيراً على دعائك الجميل ده ويارب فعلاً تكون صقه ناجحه

وانا فى اعتقادى ان شاء الله تكون عربيه ممتازه

وأول ماستلمها واجربها هاعمل موضوع تفصيلى وبالصور ان شاء الله

**dodi2** · 30-12-2008 12:50 AM

احنا مستنين اهو , اصل كل واحد يقول حشترى و بعد ميشترى مبيعرفناش ( بهزر)
على العموم ربنا يبارك لك . بس حددت اللون ولا لسه.
اصل احنا حجزين اللون الفيرانى بس مشفتهوش على الطبيعة , هوا مكتوب فى الموقع بتاع نيسان مصر ارجوانى رمادى بالصراحة مش عارفة يعنى هوا مين فيهم , فلو شفته و النبى قلى علشان اطمن اصل كل الاختيار كان عبر النت ومشفتش غير الذهبى و الاسود .
مستنين الرد يا كراكتر

**Dr. Elsaadani** · 30-12-2008 08:38 AM

مش حتخسر حاجة لو استنيت فترة اقصاها شهر مثلا لحد ما حيبان وضع الاسعار عامل ايه

لو الانتاج حيقلله لمواجهة انخفاض الطلب والعملة ارتفعت السعر حيزيد وفيه خبراء بياكدوا كده
ولو العكس حصل يعنى لم يقللوا الانتاج والعملة حتنزل زى الاسترلينى دلوقتى يبقى السعر لازم ينزل

استنى شوية ومش حتخسر حاجة

الموضوع: ساعدونى لوسمحتو اشترى تيدا ام ليفينا ؟

LinkBack

أدوات الموضوع

عرض

-

-

-

-

المواضيع المتشابهه

احنا كام واحد من ملاك نيسان(تيدا -ليفينا -بلوبيرد -اكس تريل)

مطلوب جنوط سبور اصليه لنيسان تيدا او نيسان ليفينا

تيدا او ليفينا او كارنز

أهم موضوعات نيسان (تيدا + ليفينا + بلوبيرد + قاشـقاى ) من تجارب الاعضاء

للنيسانية فقط: تيدا و لا ليفينا

الكلمات الدلالية لهذا الموضوع

المفضلات

المفضلات

ضوابط المشاركة