ساعدونى لوسمحتو اشترى تيدا ام ليفينا ؟

**karaktar** · 30-12-2008 12:10 PM

المشاركة الأصلية كتبت بواسطة dodi2

احنا مستنين اهو , اصل كل واحد يقول حشترى و بعد ميشترى مبيعرفناش ( بهزر)
على العموم ربنا يبارك لك . بس حددت اللون ولا لسه.

بالنسبه للون انا عاجبنى اللون الفيرانى والاسود
اصل احنا حجزين اللون الفيرانى بس مشفتهوش على الطبيعة , هوا مكتوب فى الموقع بتاع نيسان مصر ارجوانى رمادى بالصراحة مش عارفة يعنى هوا مين فيهم , فلو شفته و النبى قلى علشان اطمن اصل كل الاختيار كان عبر النت ومشفتش غير الذهبى و الاسود .
مستنين الرد يا كراكتر

بس مش اما اشتريها الاول إن شاء الله ربنا يسهل.
طبعاً هاعمل موضوع ومصور إن شاء الله

انصحك نصيحه هامه جداً أوعى تشترى اى لون من غير اما تشوفيه على الطبيعه
لأن الصوره حاجه وعالطبيعه حاجه تانيه ده من رأيي
ده حتى كاتبين فى كتالوج العربيه نفسها وبالنص
( إن الوان السيارات يحتمل أن تختلف قليلاً عن الالوان الموضحه فى هذا الكتالوج )

وانا عن نفسى شوفت اللون الفيرانى والاسود والذهبى والابيض والفضى
شفتهم على الطبيعه
اول لما شوفت اللون الفيرانى عجبنى جداً لأنه لون جديد بس هوه مش فيرانى بظبط
مايل على اللون البتنجانى بس لون جديد وجميل

وطبعاً اللون الاسود رائع واللون الدهبى انا مستغلسو شويه والابيض اللؤلؤى مميز

وبالنسبالى إن شاء الله هاختار اللون الاسود مع الفرش الغامق

وإن شاء الله هاتجيبى السياره من انهى موزع؟

**karaktar** · 30-12-2008 12:19 PM

المشاركة الأصلية كتبت بواسطة Mohamed_Elsaadani

مش حتخسر حاجة لو استنيت فترة اقصاها شهر مثلا لحد ما حيبان وضع الاسعار عامل ايه

لو الانتاج حيقلله لمواجهة انخفاض الطلب والعملة ارتفعت السعر حيزيد وفيه خبراء بياكدوا كده
ولو العكس حصل يعنى لم يقللوا الانتاج والعملة حتنزل زى الاسترلينى دلوقتى يبقى السعر لازم ينزل

استنى شوية ومش حتخسر حاجة

وده اللى هايحصل إن شاء الله

أنا قررت مع نفسى إنى أنتظر لغاية شهر يناير واشوف الدنيا هايحصل فيها ايه
أدينى مأضيها مواصلات مجاتش على الشهر ده

أشكرك أخى محمد على هذا التنبيه

**dodi2** · 30-12-2008 05:06 PM

فعلا هو الاسود فيها ملك الالوان , و الابيض جميل و الذهبى يمكن تقيل شويه بس فيه دلوقتى البيج شغال ارحم من الذهبى.
بس هوا الناس شغالة تقولى بلاش الاسود فى الحر و التراب ( انا فى اسوان ) قلت اجيب الرمادى (بستهبل يعنى الرمادى هوا اللى فاتح)
و طبعا هنا الناس بتشترى الالوان الفاتحة زى الفضى علشان منتحمص
شوف احنا زورنا اوتو ايجيبت وسمعته كويسه (فيه اقبال عليه) و بعدين قلنا لمعرض عندنا فى اسوان يجبهالنا علشان ينقلهالنا بمعرفته .
و بعدين انت قلقان من ايه بالنسبة للموزعين كله زى بعضه بس تجيب احسن سعر بالفصال و لو حتدفع كاش جمد قلبك و فاصل تمام

**karaktar** · 30-12-2008 10:14 PM

المشاركة الأصلية كتبت بواسطة dodi2

فعلا هو الاسود فيها ملك الالوان , و الابيض جميل و الذهبى يمكن تقيل شويه بس فيه دلوقتى البيج شغال ارحم من الذهبى.
بس هوا الناس شغالة تقولى بلاش الاسود فى الحر و التراب ( انا فى اسوان ) قلت اجيب الرمادى (بستهبل يعنى الرمادى هوا اللى فاتح)
و طبعا هنا الناس بتشترى الالوان الفاتحة زى الفضى علشان منتحمص
شوف احنا زورنا اوتو ايجيبت وسمعته كويسه (فيه اقبال عليه) و بعدين قلنا لمعرض عندنا فى اسوان يجبهالنا علشان ينقلهالنا بمعرفته .
و بعدين انت قلقان من ايه بالنسبة للموزعين كله زى بعضه بس تجيب احسن سعر بالفصال و لو حتدفع كاش جمد قلبك و فاصل تمام

صراحه أنا لو فى اسوان هاختار اللون الابيض

والفرش الفاتح
بإذن الله هاجيبها كاش وهاهريهم فصال لحد مايتخنقو منى
يسلام الواحد بيتخيل بأه اول يوم هايركب العربيه إن شاء الله هايبقى شعوره ايه

**dodi2** · 30-12-2008 11:41 PM

الفرش الفاتح قيم بس يتبهدل بسرعة,و انا و الله حاسة يمكن اتجنن لما اركبها (بقالى كتير ببحث و اقارن و بعدين اقنع اللى حوليا بالعربية لغاية مع عينى طلعت ) اهو لو انت اللى جبت الاول ابقى عيشنا كده احسن من بلاش :10D5C8~1107:

**karaktar** · 31-12-2008 11:50 AM

الود ودى أجيبها دلوأتى حالاً بس موضوع عدم استقرار الاسعار هوه اللى مخوفنى ومحتار اشتريها امتى
وقالولى استنى لغاية شهر يناير واشوف السوق هايحصل فيه ايه
بس انتى كده شكلك هاتجيبيها قبلى وابقى عايشينا بالعربيه باردو خلينا نحلم شويه
واللى مش مقتنع بالعربيه هوه حر وانتى اول اما تجيبيها والناس تشوف امكانيتها هايغيرو رأيهم تماماً لإن أعتبر العربيه دى من احسن العربيات فى السوق من فئة الكرولا والانسر وغيرهم كلامى ده جه بعد فحص وتدقيق ومعاينه على مايقرب من شهرين فاتو

**karaktar** · 04-01-2009 12:01 PM

الحمد لله ربنا يسهل شكلى كده ممكن احجزها اليوم بإذن الله
تيدا بلس سيدان

**dodi2** · 04-01-2009 01:15 PM

ها رسيت على اى موزع و اداك سعر حلو ؟؟؟

**karaktar** · 04-01-2009 02:48 PM

المشاركة الأصلية كتبت بواسطة dodi2

ها رسيت على اى موزع و اداك سعر حلو ؟؟؟

الحمد لله ( رسيت على مودرن موتورز ) لإن فى مسؤل مبيعات هناك صاحب زوج اختى وعملى حتى الان 2000 ج خصم

**dodi2** · 04-01-2009 04:50 PM

تمام حلو يعنى على 125 كويس هوا نفس اللى الكلام بتعنا بس انت خلاص نويت بجد و لا حتستنى نزول الاسعار زى الحملات اللى شغالة, و معلش و لو فيها رزالة انت كنت شوفت الفابيا المينى اصل نزول الاسعار بتعها كتير اوى