الموضوع: اخبــــار تخفيـــض اسعار السيارات فى مصـــر

سؤال مهم الى اعضاء المنتدى وخاصة من يتابع الاسواق العالميه بدقه هل ستنخفض اسعار السيارات فى مصر الى ان تصل الى 50% مع بداية 2009 خاصة مع ملاحظة ان الوكلاء يسارعون فى تصريف المخزون من السيارات باى طريقه وبالسعر المعلن والحالى اضافه الى ان اسعار السيارات العالميه وصلت الى نصف سعرها يعنى بالبلدى ايه مصير الغلابه اللى اشتروا السيارات خلال شهر نوفمبر وديسمبر فى حالة انخفاض السعر الى قرابة النصف ده يبقى خراب بيوت.
وانا لاحظت بعض الملاحظات على بيع السيارات -اولا تمسك الوكلاء بان موديلات 2009 لم تنزل حتى الان ولم يحدد سعرها .بخلاف السابق (يعنى كان ممكن تشترى عربيه فى شهر 12 وهى موديل العام التالى.
وبصراحه لاحظت استماته من اصحاب المعارض والوكلاء على البيع قبل انتهاء العام.
وكمان فيه كلام عن ارتفاع التامين الاجبارى على السيارات والاسوء ان فيه تاكيد ان التامين الشامل على السيارات سيصبح 6% بحلول العام الجديد .يا جماعه لازم نعرف الموضوع ماشى ازاى قبل الفاس ما تقع فى الراس. وعفوا على الاطاله بس الموضوع مهم واحنا مش ناقصين خراب

حذرت كبرى شركات صناعة السيارات الاوروبية من أداء قاتم في 2009 مع تزايد المؤشرات على أن الازمة العميقة التي تواجه القطاع تتجاوز بمراحل صراع الحياة أو الموت الذي تخوضه الصناعة في الولايات المتحدة.

وقال رئيسا رينو - نيسان وفيات ان سوق السيارات ستتراجع بدرجة أكبر العام المقبل بعدما دفعت انخفاض حادة للمبيعات "الثلاثة الكبار" في الولايات المتحدة الى طلب تدخل الدولة لانقاذهم وهو ما رفضه الكونجرس.

وأفادت وسائل اعلام يابانية امس أن تويوتا موتور أكبر شركات صناعة السيارات في العالم بصدد الاعلان عن خسائر بنحو 100 مليار ين (11ر1 مليار دولار) للفترة من تشرين الاول الى اذار ومن المتوقع أن تخفض توقعات أرباحها ثانية.

يعنى هو احنا فى وادى والدنيا كلها فى وادى

عايز أصرخ زي هاني رمزي في مسرحية وجهة نظر:
مافيش فايدة :b4_611:

هى فين التخفيضات علشان نصدقها
إدينى أسامى ماركات أسعارها قلت بمبالغ لا تقل عن 10 الاف جم
على فكرة أنا مش تاجر و نفسى أشوف موضوع التخفيضات على أرض الواقع علشان أصدقه

مين قال أن مفيش عربيات نزلت ؟؟ دقيقتين وأعملك موضوع بقائمة السيارات اللي سعرها أنخفض وأماكن المعارض اللي خفضت ولا تزعل نفسك ولسه في أنخفاضات أكتر وأكتر وأكتر بالثلاثة أهو .. تحب أقولك أيه كمان ؟؟