الموضوع: اخبــــار تخفيـــض اسعار السيارات فى مصـــر

انخفاض الأوروبى .. لن يدوم ..وزى ما نزل بنزول اليورو حيزيد مع أى زيادة فى اليورو.... و الدور على اليابانى يخفض من 5 الى15 مثلا وبعدين يرجع يزيد تانى والله أعلم ..

انا متوقع بإذن الله ان السيارات الجديدة هترخص
و الناس هتشترى
و الأسعار هتبقى كويسة
لكن
أين ستذهب كل هذه السيارات فى شوارعنا اللى أصبحت شبه متوقفة
ده الإسكندرية بقت زحمة فى معظم اوقات اليوم ما بالك بالقاهرة

انا مش عايز أبدو متشائم بس انا شايف إن هى دى المشكلة الأكبر من مشكلة أسعار العربيات لازم يبقى فيه طرق أكبر و أوسع عشان تستوعب

إنما لو العربيات رخصت بنسبة كبيرة و الناس إشترت و الشوارع فضلت زى ما هى...يبقى هنا هيبقى فيه مشكلة حقيقية

وعلى فكرة .. اللى يفتكر اخر عام 2002 و كل عام 2003 و عام 2004 حتى شهر 8 ..كانت الأسعار غالية نار و الكل بطل يشترى
والعربيات بقت فى العالى .. وفجأة جت ضربة الجمارك و تخفيض ال 1600 فى عام 2004 ..
-
من تجربتى و خبرتى المتواضعة أرى ان الايام بتكرر تانى و ان عام 2009 و معظم عام 2010 لن يشهد أى تخفيض بل بالعكس ممكن الأسعار تزيد لحد ما يأتى تخفيض جمركى فى نهاية 2010 ..خاصة ان العربيات كترت فعلا و الشوارع مش مستحملة أى زيادة فى السيارات و تقليل عدد العربيات الجديدة أصبح غاية ناس كتير ... و التوكيلات مكسبها مضمون مضمون سواء من بيع بأسعار أعلى من حجمها أو من الصيانة و قطع الغيار ...
-

-

(كل دى اجتهادات شخصية و محدش يقدر يقول 100% ايه اللى حيحصل )

المشاركة الأصلية كتبت بواسطة mercy

أشتري ياريس 2008 ب 85000 دلوقتي وللا أستنى السنه الجديدة؟ أرجوكم أفيدوني

--
لو محتاج العربية و معندكش عربية تانية ممشياك يبقى اشترى محدش ضامن اليابانى حيغلى ولا حيرخص .. لان الين مش بيرخص و الجمارك مش بترخص ..
-
لو عندك عربية قديمة ممشياك استحملها كام شهر لحد ما تشوف الدنيا ماشية ازاى وتطمن ..
-
وأهم حاجة تدعى ربنا انه يوفقك فى اختيارك وتستشير كل اللى قريبين منك