اجيب بطارية نوعها اية؟؟

**abo3bdolrahman** · 12-08-2007 05:01 PM

رد رائع من الأخ أحمد إسماعيل و بالمناسبة هى مصر خالتك إنت بس و لا خالة حد تانى :twisted:
و أرجو تثبيت الموضوع

**PAYOO** · 12-08-2007 06:01 PM

فعلا يا جماعه الموضوع يستحق التثبيت
خصوصا رد الأستاذ ahmed ismail "أحمد أسماعيل" ماشاء الله معلوماته عن تجربه فعلا وبالأسعار وكل حاجه

أنا بشكره بالنيابة عن الزملاء

تم تثبيت الموضوع

**ahmed ismail** · 12-08-2007 06:46 PM

رد رائع من الأخ أحمد إسماعيل و بالمناسبة هى مصر خالتك إنت بس و لا خالة حد تانى
و أرجو تثبيت الموضوع

الله يخليك يا ابو عبد الرحمن ربنا يعزك يا رب
بالنبة لمصر هى خالتى وانا قربت اتبرى منها خلاص :mrgreen:

وعلى راى المثل خالتى وخالتك واتفرقوا الخالات :lol:

فعلا يا جماعه الموضوع يستحق التثبيت
خصوصا رد الأستاذ ahmed ismail "أحمد أسماعيل" ماشاء الله معلوماته عن تجربه فعلا وبالأسعار وكل حاجه

أنا بشكره بالنيابة عن الزملاء

تم تثبيت الموضوع

الله يكرمك يا بايو والله يا جماعة

اخجلتم تواضعنا

**Abdallah** · 13-08-2007 07:07 PM

فى بورسعيد بطاريات مستوردة بتنزل بالذات عند الناس بتوع الدايو بس طبعا زى البطيخة, بس الحقيقة البطارية بتبقا كورى وممتازة فعلا وفيها مؤشر البيان والحاجات دى وبتبدأ من 70 الى فوق ال 100 جنيه واكيد موجود برضة يابانى عند بتوع اليابانى المدبوح وهكذا.

**wlng76** · 15-08-2007 10:55 AM

بالنسبة لموضوع البطارية يتوقف على عدة عوامل:
1. لو العربية من الموديلات الحديثة اللى الشحن فيها إلكترونى بالكامل، يكون عندنا اخيارين:
الإختيار الأول: لو من النوع اللى بتستخدم السيارة قليل جدا يعنى أقل من 20 ألف كم فى السنة ، أو ممكن تركن العربية فترات طويلة بدون استخدام يعنى ممكن تدور العربية كل شهر، الجافة هتكون أحسن اختيار.
الإختيار الثانى: لو بتستخدم السيارة كتير جدا يعنى فوق 30 أو 40 أو كم الجافة مش هتكون عملية، والعادية السائلة هتكون أفضل بس لازم تعرف إن السائلة بتطلع أبخرة بتأثر على قاعدة البطارية واللى حواليها وبتفرقع البوية اللى علي المعدن، وبتخلى المكان دا شكلوا وحش.

2. لو العربية من الأنواع القديمة أو بتستخدم كتأوت دينامو خارجى، يبقى النوع القديم أحسن إختيار.

وعموما دور على البطارية اللى فيها ضمان كويس.

**محمد المصرى** · 15-08-2007 12:19 PM

المشاركة الأصلية كتبت بواسطة wlng76

الإختيار الثانى: لو بتستخدم السيارة كتير جدا يعنى فوق 30 أو 40 أو كم الجافة مش هتكون عملية، والعادية السائلة هتكون أفضل .

.

ممكن اعرف السبب

**tmz9111** · 15-08-2007 03:38 PM

فارتا

**Akram** · 15-09-2007 12:05 AM

عجبني قوي رد أحمد اسماعيل,
ربنا يبارك فيك

**Adham** · 20-09-2007 02:32 PM

انا كمان جايب الفارتا الجافة و هيه فعلا كويسة و بتعيش و مش محتاجة وجع دماغ تزويد مياة و قياس كثافة و قرف, بتركبها و تنساها

وخللي بالكم من حاجة

كل ماتروح تشتري بطارية الواد الصنايعي الكهربائي يقوللك خد بطارية 70 امبير بدل ماتاخد 55 علشان عربيتك فيها تككيف و باور

دايما اسمع الكهربائية بيلبسوا الزباين بطاريات كبيرة بالحجة دي

ودة مش صحيح لأن لا الباور و لا التكييف بيشتغل عالبطارية

الاتنين بيشتغلوا على سيور بتدور مع دوران الموتور

ومافيش في الدنيا تكييف ولا باور يشتغل مع الكونتاكت و الموتور مش داير

وبالتالي مافيش اي علاقة بين قوة البطارية و تشغيل التكييف و الباور

المهم ان العربية الاوتوماتيك هي اللي المارش بتاعها بيبقى قوي و بيسحب كتير عالبطارية لأنة بيدور قربة باور مع الموتور كمان (حمل زيادة) وكمان العربية الاوتوماتيك لو البطارية نامت مش ممكن تدور زق
وبالتالي يبقى الواحد لابد يجيب بطارية قوية للعربية الاتوماتيك

**EHAB TAHER** · 02-10-2007 01:45 AM

شكرا لكم ع التجارب المفيدة
فارتا الجافة وبس

الموضوع: اجيب بطارية نوعها اية؟؟

LinkBack

أدوات الموضوع

عرض

-

-

-

-

المواضيع المتشابهه

بتغير بطارية العربية كل قد اى و اى نوعها

أشترى بطارية نوعها اية

معلش سؤال مكرر اجيب بطارية نوعها اية؟؟؟؟

اجيب بلازما نوعها اااااايه !!

اجيب بطارية نوعها اية؟

الكلمات الدلالية لهذا الموضوع

المفضلات

المفضلات

ضوابط المشاركة