الموضوع: اجيب بطارية نوعها اية؟؟

بعد اذن حضراتكم كنت عايز اعرف معلومات عن البطاريه ال66 و هل هى افضل من 70 و ممكن تركب فى اى سيارة

البطارية اللي عندي كلوريد سائلة 70 امبير البلاستيك بغطاء احمر ؛ وضبطت المياة عند الكهربائي من حوالي شهرونصف وغيرت الكتاوت من كتاوت روسي خارجي الي كتاوت تركي خارجي علماالكتاوت الاصلي بتاعها كان الماني نظام فيشة علي الدينامو ؛ وجدت امبارح المياة في البطارية تقريبا ناشفة علي الاخر فزودتها مياة نار تركيز 30 فوجئت ان المياة بتتسرب من الجانب ؛ علما بان لمبة الكونتاك بطفي لما ازود سرعه الماتور بس وكنت قيست شحن الدينامو عند كذا واحد قالوا لي ان الشحن كويس حوالي 13.5 ؛فهل المياة اللي بتسرب من الجانب طبيعي وهل هذة البطارية ممكن تتصلح ؟
السؤال الثاني العربية عندي ماتورها 2000 سي سي ولا استخدم الكاسيت او النور الا قليل لان مشاوريري اغلبها بالنهار ودائما اسمع ان الماتور 2000 سي سي يحتاج بطارية 90 امبير علي الاقل ؟ افهم لية 90 طب ماهو الشاهين او اي عربية تانية بلاقيها محملة انوار كتير وزيزون والبطارية عنده 55 امبير ؟ فممكن حد يفهمني ؟

المشاركة الأصلية كتبت بواسطة MMamdouh

الدينامو فعلا متوصل على طول بس بيبقى فيه فرق فى الحمل... حد حس قبل كدة برعشة بسيطة فى الRPM لما بيولع النور الكبير خاصة فى العربيات الحديثة؟؟ دا لان النور بيحمل على الدينامو زيادة فا بياثر لحظيا على الموتور

فيه كمان نقطة مهمة و هى ان المكونات الكهربائية بتسحب من الدينامو مش البطارية... يعنى انت ممكن بعد ما تدور الموتور تفك البطارية و العربية حتمشى عادى جدا... البطارية وظيفتها ادارة المارش عند بدء الدوارة

افتكر كدة يوم زمان لما لقيت البطارية ناية و العربية مش عايزة تدور و اخدت وصلة من حد... اول ما العربية بتدور بتفك الوصلة و عربيتك بتفضل دايرة... هل معنى كدة ان بطاريتك شحنت و بقت عال العال؟؟

بردة ايه الحكمة انك تمشى مشوار عشان تشحن البطارية؟ ما الدينامو شغال على طول و ممكن تشحن و انت واقف؟ دة لان الدينامو بيغذى باقى المكونات الكهربائية و مش كل الشحن رايح للبطارية و بالتالى محتاج مشوار عشان تشحن مش 5 دقايق فى السريع

MMamdouh

ممكن توضيح اكتر لان كلامك دة يقارب فكرة كانت في دماغي من زمان وليقتك بتقولها