هل ممكن تركيب فتيس اوتوماتيك مستعمل للشاهين 2003

**samey** · 25-12-2008 07:40 PM

انا عندى شاهين 2003 1400 تكييف وباور من الشركة وهى عربية غير سيئة قوى وانا عامل بيها 100000 كم حتى الان ولكن اللى مضايقنى قوى دلوقتى صوت الفتيس عالى ويسمع بوضوح عند قفل الزجاج وايضا الغيارات مبقتش ناعمة ... والحاجات دى مظهرتش غير بعد 90000 كم ولما رحت للميكانيكى قاللى ان كل العربيات الشاهين صوت الفتيس بيبقى عالى وبيعلى اكثر بمرور الوقت وعدد الكيلومترات وقاللى احط زيت فتيس تقيل من محطة بنزين مصر (زيت 140) وانه لو فكيت الفتيس وصلحته مش هيجيب نتيجة قوى وقاللى ان اجيب فتيس استيراد ولو انه مش مضمون قوى وحتى لو جيبت فتيس جديد من الشركة هيبقى غالى وبرضة مش هيبقى زى ما انتى عاوز.....
فاننا بفكر مادام هاغير الفتيس هل ممكن اجيب فتيس اوتوماتيك بالمرة يريحنى فى الزحمة علشان انا بمشى حوالى 20000 كم فى الشهر فى وسط البلد ز وايه اللى يركب عليها بدون تعديلات كتير والاقيه فين ؟؟؟؟؟

**casper1500** · 26-12-2008 12:02 AM

اعتقد ان عشان تعملها يبقى هتغير موتور بفتيس

بس انا فعلا ركبت تاكسي شاهين اوتوماتيك

**mrghost** · 26-12-2008 08:08 AM

انا شوفت 131 اوتوماتيك وهى طبعا زيها زى الشاهين
بس لما سألت الميكانيكى قالى بتغير الموتور والفتيس مع بعض
علشان الحسساس اللى بيحس بعدد لفات الموتور ويغير بيبقى فى الموتور على ما اعتقد والله اعلم

**Adham** · 26-12-2008 10:26 AM

مافيش حساس للنقل

الفتيس الاوتوماتيك بينقل نتيجة ارتفاع ضغط الزيت و الندفاعه في البلوف بتاعه الفتيس و الضغط دي بيتولد من دوران قربة الفتيس
و بعض الفتايس بيبقى فعلا ليها كونترول يونيت بس دة في العربيات الحديثة اللي بيبقى فيها كمبيوتر مش الشاهين

المشكلة هنا مش في تغيير الموتور

لأن الموتور واحد

التعديل بيبقى تغييير الردياتير
علشان ردياتير الاوتوماتيك بيبقى فية سربنتينة في علبة الردياتير اللي تحت لتبريد زيت الفتيس الهيدروليك

و تغيير طقم بدالات السيارة بطقم من دواستين بس من غير دبرياج

و تغيير كونسول السيارة بعصاية سليكتور

و العثور على فتيس اوتوماتيك للشاهين مش سهل

حايبقى غالبا فتيس 131 استيراد بورسعيد و تاخد معاة الدواسات و الكونسول و السلك و الردياتير

مانصحكش

وجع دماغ و النتيجه مش مضمونة

اشتري فتيس مانيوال استيراد و ركبة و اابقى اكشف غير زيتة بانتظام و اشتري دماغك

**zizophone** · 07-01-2009 12:35 AM

شاهين اوتماتيك هههههههههههههههه علشان المشاكل مش تزيد لاء تخرب :)

**MEMES** · 16-01-2009 09:23 PM

المشاركة الأصلية كتبت بواسطة zizophone

شاهين اوتماتيك هههههههههههههههه علشان المشاكل مش تزيد لاء تخرب :)

+1111111111111111
اصلا ميزه الشاهين انها عمليه من غير تعقيد
و بصراحه مشفتش شاهين اتوماتيك لكن شفت131 اتوماتيك وهى نازله كده {بس اتوماتك عجيب !لانه قديم جدا}

**shanodaa** · 16-01-2009 09:58 PM

خليها علي طبيعتها افضل

**ahm3d ham>ed** · 16-01-2009 10:31 PM

العربية 1400سي سي وشاهين وعاملة 100الف كيلو
ولو ركبت الفتيس بعد وجع دماغ ومشاكل السحب مش هيعجبك خالص
نظرا لحالة السيارة ومواصفاتها
والعربية دى مش نازلها فتيس اتو ماتك لو نازلها فتيس اتوماتك يبقى يركب عادى من غير ماتغير المتور لكن هتجيب بتاع131 يبقى لازم تغير المتور وتركب ماتور131