مازدا فاميلى 323 معلومات عنها

**وائل عطية** · 11-03-2009 10:35 AM

المشاركة الأصلية كتبت بواسطة mohamed_mohsen

ايه ده يا راجل
اخيرا لقيت حد معاه المازده دي
انا معايا واحده موديل92 والدي كان منزلها من السعوديه من 94 ولسه معانا لحد دلوقتي
بس اعذرني ايه اللي خلاك تجيبها
دي مالهاش قطع غيار خالص او نادره جدا بس هي كعربيه ممتازه و اعتماديه جدا
و اي حد بيفهم في الياباني هيشتغل فيها
بس حضرتك ممكن تقوللي لو جايبها من هنا اشتريتها بكام؟ لاننا بنفكر نبيعها و مش عارفين نظام الاسعار
و اي استفسار انا في الخدمه

طيب اعتمادية ازاي ومفيش حد بيفهم فيها؟ وملهاش قطع غيار ؟ ازاي؟

**mohamed_mohsen** · 11-03-2009 11:59 AM

المشاركة الأصلية كتبت بواسطة وائل عطية

طيب اعتمادية ازاي ومفيش حد بيفهم فيها؟ وملهاش قطع غيار ؟ ازاي؟

انا باجيبلها قطع غيار من السعوديه
و قطع الغيار معمره جدا(اسطوانه الدبرياج ما اتغيرتش الا بعد 16 سنه و 240 الف كم
و المساعدين بعد 14 سنه
و انا قولت لو كنت حضرتك اخدت بالك ان اي ميكانيكي بتاع ياباني بيفهم فيه لانها مش معقده و مافيهاش تكنولوجيا حديثه
و عمرها ما عطلت و قلت باصلها ابدا و تكييفها ممتاز من الاخر عربيه تمام
في ناس بيقولولي ان قطع غيارها في بورسعيد و شفتها كمان كذا مره في بورسعيد (الموديل الهاتش باك منها كمان) بس ماسألتش هناك عن اي قطع غيار

**وائل عطية** · 11-03-2009 12:09 PM

المشاركة الأصلية كتبت بواسطة mohamed_mohsen

انا باجيبلها قطع غيار من السعوديه
و قطع الغيار معمره جدا(اسطوانه الدبرياج ما اتغيرتش الا بعد 16 سنه و 240 الف كم
و المساعدين بعد 14 سنه
و انا قولت لو كنت حضرتك اخدت بالك ان اي ميكانيكي بتاع ياباني بيفهم فيه لانها مش معقده و مافيهاش تكنولوجيا حديثه
و عمرها ما عطلت و قلت باصلها ابدا و تكييفها ممتاز من الاخر عربيه تمام
في ناس بيقولولي ان قطع غيارها في بورسعيد و شفتها كمان كذا مره في بورسعيد (الموديل الهاتش باك منها كمان) بس ماسألتش هناك عن اي قطع غيار

أنا ماكدبتش حضرتك والله وباشكرك على ردك
ولكن مش كل الناس اللي ممكن تقتني العربية هاتقدر تجيب قطع غيارها من السعودية وحتى على فرض إنهم هايقدروا أكيد برده هاتبقى عطلة وتأخير وركن العربية على بال ماتيجي القطع المطلوبة وممكن تكون مش هي وتعوز تتغير !!

**a_aboelseoud** · 12-03-2009 11:31 AM

يا باشوات انا باشكركم جميعا على الرد بس انا الصراحة غيرت رايى وبدل ما كنت ناوى اشترى مازدا فاميلى موديل 97,اشتريت خلاص النترا موديل 96 اوتوماتيك فول اوبشن و الصراحة الالنترا عربيه هايلة و بكده المازدا الفاميلى اصبحت حلم لم يتحقق

**a_aboelseoud** · 12-03-2009 11:37 AM

محمد محسن باشا مفيش لزوم تجيب قطع غيار المازدا الفاميلى من السعودية ,ممكن تنزل بورسعيد هناك العربية قطع غيارها موجوده بوفرة و المازدا الفاميلى اللى ممكن تشوفها فى القاهرة فى سنة هتشوفها فى يوم واحد فى بورسعيد
و ان كنت متاكد انك برده ممكن تلاقى ناس بتبيع قطع غيارها فى القاهرة برده,و لعلمك انا سالت واحد فى بورسعيد كان راكب المازدا الفاميلى فقالى ان بعض قطع غيار الكيا الشوما تنفع تركب فى المازدا الفاميلى زى الكوبلن و ربنا يعينك

**mohamed_mohsen** · 12-03-2009 02:19 PM

المشاركة الأصلية كتبت بواسطة a_aboelseoud

يا باشوات انا باشكركم جميعا على الرد بس انا الصراحة غيرت رايى وبدل ما كنت ناوى اشترى مازدا فاميلى موديل 97,اشتريت خلاص النترا موديل 96 اوتوماتيك فول اوبشن و الصراحة الالنترا عربيه هايلة و بكده المازدا الفاميلى اصبحت حلم لم يتحقق

يا باشا الف مبروك علي الالنترا 96 عربيه ممتازه و الاهم من كده انك تبقي مرتاح للعربيه و تعيش معاك
تحياتي,,,,

**mohamed_mohsen** · 12-03-2009 02:23 PM

المشاركة الأصلية كتبت بواسطة وائل عطية

أنا ماكدبتش حضرتك والله وباشكرك على ردك
ولكن مش كل الناس اللي ممكن تقتني العربية هاتقدر تجيب قطع غيارها من السعودية وحتى على فرض إنهم هايقدروا أكيد برده هاتبقى عطلة وتأخير وركن العربية على بال ماتيجي القطع المطلوبة وممكن تكون مش هي وتعوز تتغير !!

و الله انا كل اللي قلته انها عربيه كويسه و ده من خلال تجربتنا معاها و قولت برضه ان قطع غيارها مش موجوده (ماقولتلوش يعني ينزل يجيبها)
علي العموم اهه الراجل اشتري عربيه تانيه و ربنا يارب يباركله فيها
حبيت افيده مش اكتر
تحياتي,,,,

**mohamed_mohsen** · 12-03-2009 02:26 PM

المشاركة الأصلية كتبت بواسطة a_aboelseoud

محمد محسن باشا مفيش لزوم تجيب قطع غيار المازدا الفاميلى من السعودية ,ممكن تنزل بورسعيد هناك العربية قطع غيارها موجوده بوفرة و المازدا الفاميلى اللى ممكن تشوفها فى القاهرة فى سنة هتشوفها فى يوم واحد فى بورسعيد
و ان كنت متاكد انك برده ممكن تلاقى ناس بتبيع قطع غيارها فى القاهرة برده,و لعلمك انا سالت واحد فى بورسعيد كان راكب المازدا الفاميلى فقالى ان بعض قطع غيار الكيا الشوما تنفع تركب فى المازدا الفاميلى زى الكوبلن و ربنا يعينك

شكرا لرد حضرتك انا عارف ان المازدا فاميلي موجوده كتير في بورسعيد و قطع غيارها مغرقه الدنيا برضه هناك
بس المازدا اللي معايا مازدا 323 موديل 92 مش 97 (الشكل مختلف خاص) و تعتبر عربيه تانيه
و ربنا يباركلك في الالنترا مره تانيه (اختيار موفق)
تحياتي,,,,

**وائل عطية** · 17-03-2009 10:59 AM

في واحد زميلي من بورسعيد وكان هايشتري العربية دي وبيقول إنها فعلاً منتشرة جداً في بورسعيد ولكن لما سأل على قطع الغيار ومدى توافرها عرف إنها مش موجودة هناك بالقدر الكافي وتراجع عن فكرة شراءها

**m_totti** · 17-03-2009 11:02 AM

انا عندي مازدا فاميلي موديل 99 1600 سي سي للبيع اتوماتيك دواخل الفابريكة ( تكييف - سنتر - باور - جنوط اصلي ميمو - 4 زجاج كهرباء - مرايات كهرباء - فوانيس شبورة بطارية جافة - كاوتش جديد ) حالة ممتازة
محمد 0103663662 0115141726