مدخل سوق الجملة ومدخل مشاريع ساويرس
مدخل سوق الجملة ومدخل مشاريع ساويرس
الف شكر ياكيمو
وربنا يوافقق فى البناء
طيب ياجماعة حد عرف هو هيبنى ازاى ؟؟؟
يعنى هتجيب مقاول ولا شركة ولا اية بالظبط ؟واية الاسعار؟
ثانيا هى المواد الخام اللى هنحتاجها من حديد تسليح واسمنت وزلط قد اية؟
السؤال الاهم :انا لو عندى تساؤل او استفسار عن اى حاجة فى المبانى فى المواصفات اسأل مين؟
عشان مجيش ابنى والجهاز ميعترفش باللى عملتة؟ودة شوفتة فى قطعتين جنبى!!
ملاحظاتى لعلها تفيد اى احد
1-المقاولين اللى بيبنو معظمهم معندهوش ضمير وبيغش فى المون وبيطلب فلوس الضعفين واكتر
2-لازم تبنى حسب المواصفات والكفتجة المصرى مش هتمشى عشان بعد ماتبنى الجهاز ممكن ميستلمش منك بسبب فتاكة المقاول اللى حب يقصر على نفسة وانتا تكون خلاص اتكلفت مون ومصنعيات على الفاضى
لازم تباشر كل حاجة عشان النصب على ودنة وكلة بياكل بقلاوة
تحياتى
حاجة من إثنين
* تجيب مقاول أو شركة يشيل كله مصنعية ومونة وإنت تدفع
وغالباً هيكونوا غشاشين وهتدفع كثير جداً عن سعر التكلفة إلا لو فيه مقاول تعرفه ثقة أو شركة إنت تعرفها
* تشتغل مصنعيات والمون إنت تشتريها
بمعنى إنك إنت المشرف
لكن لازم تكون فاهم أو معاك حد قريبك فاهم أو تجيب مهندس يشرف بمقابل
ليها نسب معروفة محفوظة حسب المساحة يعرفها المهندسين والمقاولين الفاهمين
وفيه ورق في غرفة تصوير الأوراق بالجهاز إسمه طلب حديد وطلب أسمنت
بتختمه
وتشتري بيه الحديد والأسمنت بسعر الجملة
منين ؟ معرفش
المفروض معاك الرسومات موضح بها كل حاجة
ولو فيه تساؤل تروح إدارة المشروعات في الدور الثالث في جهاز مدينة 6 أكتوبر
وتسأل المهندس هشام
أنا بإذن الله هبدأ الأسبوع القادم بعد جامعة القاهرة ما تيجي تحدد لي حدود الأرض مرة تانية
وإن شاء الله أكتب كل الخطوات
لو تسمحلى أقولك أن اخويا واختى وعدد من اصحابى اخدو ارض ابنى بيتك وكانو فى نفس الحيره الى ان ربنا وقعهم فى مهندس شاب مشاء الله عليه عنده ضمير ويأتمن ومن سكان اكتوبر قام بكل حاجه ابتداء من تحديد اماكن القطع من بتوع المساحه الى عمل الجسات للارض مرورا بأجراءات الرخص وشراء الخامات والحفر الى اخره وحقيقى ربنا يكرمه ويوسع عليه لان ال7اللى اتعملو معاه من معارفى محدش قال فيه الا كل خير لو اى حد يحب يتواصل بيه يقول وانا اسعى انى اجيب رقم موبايله وربنا يوفقكم جميعا ومبروك يا رجاله عقبال اراضى الفيلات
ياجماعة انا هحكى اللى بواجهة يوميااااا عشان الكل يستفيد
انا اتفقت مع مقاول يبنى بنظام المصنعية .المهم واحنا بنشوف الرسومات قعد يقولى لية كل دة كانات وشدادت وحديد 16مم .هو احنا داخلين حرب المهم لما رحنا شوفنا الموقع على الطبيعة بص لقى ان كل المقاولين بيبنو الاساسات بحديد12مم مش16مم زى المواصفات مبتقول المهم سألنا مهندس تبع شركة مقاولات بيبنى جنبنا (كان مربى دقنة ونغمة الموبايل قران وعامل فيها الشيخ كشك ) قالنا انها مبتفرقش وهو بانى اربع قطع بالشكل دة والجهاز مبيعترضش هو بس بيراجع على المساحات.
المهم شاء الله العلى القدير انى اشوف عربية فى الموقع .اول ماشفتها عرفت انها بتاعت ابو واحد صاحبى وكان قايلى زمان ان والده شغال مهندس فى الجهاز .اتصلت بية وكلمت والده اللى نفى نفى قاطع انهم مبيراجعوش على المواصفات وقالى ان فية قطع كتير موقوفة بسبب حديد التسليح وقالى ان المقاولين بيستعملو اسمنت اسمة الواحة دة ممنوع يتعمل بية صبات الخرسانة عشان نسبة الجير فية كتيربس هما بيسترخصو .وحذرنى انى لو تساهلت فى المواصفات من عمدان وتسليح وشدادات وكانات (طبعااا وهو بيكلمنى انا نصف الكلام مش فاهمة )هيبقى فية مشكلة فى المبنى وممكن يميل .ربنا يستر
انا عاوز اعرف لو عايز اغير التصميم واعملهاا زى فيلااا دورين اعمل اية بالتفصيل ؟؟؟؟؟؟ ياريت تردو علياااا بسرعة