والله يا جماعة انتوا فعلا ناس محترمة وربنا يكرمكم فى الاراضى بتاعتكم
فى حاجة غريبة حصلت معايه
ليه قريبى عنده شركتين مقاولات وشغال فى حاجات تقيله شوية / يعنى الاراضى بتاعتنا ديه عباره عن لعب عيال بالنسبة له
المهم انه الحمد لله وافق انه يساعدنى فى البناء لكن بشرط انا المسئول عن كل حاجة - بمعنى ان كل المون انا اللى هاجيبها - كل العمال انا اللى هاتفق معاهم / زى ما انتوا قلتم هابقى مشرف
واحد صاحبى حكيت له على الموضوع قال لى قريبك ده محترم جدا انه هايعمل معاك كده وياريت يوافق انه يعمل معايه كده
رجعت لقريبى وقلت لنفسى برضو هاتبقى خبره ليه / الراجل شبه كان هايدينى بالجزمة ورفض رفض بشع -وأكد لى ان النصب هناك فوق الوصف وكفايه انه هايدينى العده والعمال بتوعه وأكد عليه ان العده اللى هاتروح فى ارضى هاتبقى فى مشئوليتى ولو حاجة اتسرقت منها انا المسئول والراجل اكد انه مفيش قرابة فى الموضوع ده - الاغرب انه اكد عليه انى سواء كنت مطابق او غير مطابق للمواصفات هايتخرب بيت اهلى رشاوى
رشاوى وسرقة ونصب / ايه الموضوع يا رجاله
حاسس يا شباب انى هايطلع عينى وعين اهلى فى الموضوع ده ربنا يستر
يا جماعة يا ريت اللى عنده رسومات لفيلا يبعتها لى بعد اذنكم