الموضوع: مشروع إبني بيتك (هل معانا زملاء مشتركين فيه مثلي لنتبادل الخبرات)

المشاركة الأصلية كتبت بواسطة bassam nagy

مدخل سوق الجملة ومدخل مشاريع ساويرس

+
1111

بالظبط كده

المشاركة الأصلية كتبت بواسطة bassam nagy

الف شكر ياكيمو
وربنا يوافقق فى البناء

عفوا يا بسام تحت امرك في اي وقت ومتشكر اووي على دعوتك الجميله ديه

المشاركة الأصلية كتبت بواسطة rockana9112007

طيب ياجماعة حد عرف هو هيبنى ازاى ؟؟؟
يعنى هتجيب مقاول ولا شركة ولا اية بالظبط ؟واية الاسعار؟

حاجة من إثنين
* تجيب مقاول أو شركة يشيل كله مصنعية ومونة وإنت تدفع
وغالباً هيكونوا غشاشين وهتدفع كثير جداً عن سعر التكلفة إلا لو فيه مقاول تعرفه ثقة أو شركة إنت تعرفها

* تشتغل مصنعيات والمون إنت تشتريها
بمعنى إنك إنت المشرف
لكن لازم تكون فاهم أو معاك حد قريبك فاهم أو تجيب مهندس يشرف بمقابل

المشاركة الأصلية كتبت بواسطة rockana9112007

ثانيا هى المواد الخام اللى هنحتاجها من حديد تسليح واسمنت وزلط قد اية؟تحياتى

ليها نسب معروفة محفوظة حسب المساحة يعرفها المهندسين والمقاولين الفاهمين
وفيه ورق في غرفة تصوير الأوراق بالجهاز إسمه طلب حديد وطلب أسمنت
بتختمه
وتشتري بيه الحديد والأسمنت بسعر الجملة
منين ؟ معرفش

المشاركة الأصلية كتبت بواسطة rockana9112007

السؤال الاهم :انا لو عندى تساؤل او استفسار عن اى حاجة فى المبانى فى المواصفات اسأل مين؟
عشان مجيش ابنى والجهاز ميعترفش باللى عملتة؟ودة شوفتة فى قطعتين جنبى!!

المفروض معاك الرسومات موضح بها كل حاجة
ولو فيه تساؤل تروح إدارة المشروعات في الدور الثالث في جهاز مدينة 6 أكتوبر
وتسأل المهندس هشام

أنا بإذن الله هبدأ الأسبوع القادم بعد جامعة القاهرة ما تيجي تحدد لي حدود الأرض مرة تانية
وإن شاء الله أكتب كل الخطوات

المشاركة الأصلية كتبت بواسطة rockana9112007

طيب ياجماعة حد عرف هو هيبنى ازاى ؟؟؟
يعنى هتجيب مقاول ولا شركة ولا اية بالظبط ؟واية الاسعار؟
ثانيا هى المواد الخام اللى هنحتاجها من حديد تسليح واسمنت وزلط قد اية؟
السؤال الاهم :انا لو عندى تساؤل او استفسار عن اى حاجة فى المبانى فى المواصفات اسأل مين؟
عشان مجيش ابنى والجهاز ميعترفش باللى عملتة؟ودة شوفتة فى قطعتين جنبى!!
ملاحظاتى لعلها تفيد اى احد
1-المقاولين اللى بيبنو معظمهم معندهوش ضمير وبيغش فى المون وبيطلب فلوس الضعفين واكتر
2-لازم تبنى حسب المواصفات والكفتجة المصرى مش هتمشى عشان بعد ماتبنى الجهاز ممكن ميستلمش منك بسبب فتاكة المقاول اللى حب يقصر على نفسة وانتا تكون خلاص اتكلفت مون ومصنعيات على الفاضى
لازم تباشر كل حاجة عشان النصب على ودنة وكلة بياكل بقلاوة
تحياتى

لو تسمحلى أقولك أن اخويا واختى وعدد من اصحابى اخدو ارض ابنى بيتك وكانو فى نفس الحيره الى ان ربنا وقعهم فى مهندس شاب مشاء الله عليه عنده ضمير ويأتمن ومن سكان اكتوبر قام بكل حاجه ابتداء من تحديد اماكن القطع من بتوع المساحه الى عمل الجسات للارض مرورا بأجراءات الرخص وشراء الخامات والحفر الى اخره وحقيقى ربنا يكرمه ويوسع عليه لان ال7اللى اتعملو معاه من معارفى محدش قال فيه الا كل خير لو اى حد يحب يتواصل بيه يقول وانا اسعى انى اجيب رقم موبايله وربنا يوفقكم جميعا ومبروك يا رجاله عقبال اراضى الفيلات