بتركن ركنات غبية و اللا محترمة ؟؟؟

**mr.president** · 29-12-2008 03:11 PM

يا جماعة بجد انا زهقت من حال السواقة فى مصر مثال بسيط كنت محتاج اصور ورق وكان بالليل و الدنيا رايقة فركنت على جنب بسهولة جدا ونزلت اصور الورق والرصيف اللى انا راكن جنبه كان فاضى تماما قدامى وورايا مفيش عربيات راكنة الا على مسافات بعيدة يعنى ببساطة اى حد عايز يركن يركن الاماكن كتير و الحمد لله وفجأة لقيت واحد بعربية فيات 125 جاى يركن ورايا فضل يقرب يقرب لحد ما غمضت عينى ومستنى اسمع الخبطة لكنه الحمد لله وقف على بعد 2 مللى طب ليه يا بن الناس والرصيف كله فاضى طبعا لو كان خبطها كان هيسمع حاجات تانية كتير غير يابن الناس ! و للاسف معرفتش اكلمه عشان طبعا هيقول انا ملمستش عربيتك بس بجد متغاظ
ودي صورة الركنة:

**smsmsmsm1983** · 29-12-2008 03:29 PM

الغباء ليه ناسه تعمل اية لو واحد قفل السكة على عربيتك لمدة يوم كامل

**mr.president** · 30-12-2008 01:36 PM

المشاركة الأصلية كتبت بواسطة smsmsmsm1983

الغباء ليه ناسه تعمل اية لو واحد قفل السكة على عربيتك لمدة يوم كامل

ساعات بقول اسيبله ذكرى فى عربيته يفتكر بيها انه قفل عليا وساعات اقول انه ممكن يكون عنده ظرف طارئ خلاه يعمل كدة ففى الآخر بستحرم حكاية الذكرى دي لأني دايما قبل ما بعمل الحاجة بحب احط نفسى مكان الطرف الاخر وطبعا مش حرضى حد يعمل فى عربيتى كده!

**Bassel** · 29-12-2008 03:43 PM

الغباء ده موجود في كل حتي
احمد ربنا انو مخبطش
ده جاري الي ساكن في نفس العمارة عنده عربية X5 بدل ميتعب نفسه ويطلع من الركنة علي كذا مرة رجع بضهره وخد عربيتي رجعها نص متر للوراء رغم اني شادد فرملة اليد وكل ده عشان سعادته مكسل يوسع لنفسه

**mr.president** · 30-12-2008 01:52 PM

المشاركة الأصلية كتبت بواسطة thunder_eagle

الغباء ده موجود في كل حتي
احمد ربنا انو مخبطش

ويخبطنى ليه اصلا؟ مالرصيف كله فاضى! ويكفى اتوبيس يركن قدامى وااحد تانى ورايا وبراحة تامة واكتر من اتوبيسين كمان!

المشاركة الأصلية كتبت بواسطة thunder_eagle

ده جاري الي ساكن في نفس العمارة عنده عربية X5 بدل ميتعب نفسه ويطلع من الركنة علي كذا مرة رجع بضهره وخد عربيتي رجعها نص متر للوراء رغم اني شادد فرملة اليد وكل ده عشان سعادته مكسل يوسع لنفسه

يا نهار ابيض! فعلا اللى يشوف بلاوى الناس تهون عليه بلوته وعلى رأى عادل امام ولاد الحرام مخلوش لولاد الحلال حاجة!

**zeyad1810** · 29-12-2008 03:46 PM

ياخى والله فى ناس كتير كدة مستفزة اومال بقى تعمل اية لما واحد يقف قدامك بالعرض وانتا ماتعرفش تخرج بالعربية بسببة والشارع كلة فاضى بالذمة مش حاجة تحرق الدم

**mr.president** · 30-12-2008 01:58 PM

المشاركة الأصلية كتبت بواسطة zeyad1810

ياخى والله فى ناس كتير كدة مستفزة اومال بقى تعمل اية لما واحد يقف قدامك بالعرض وانتا ماتعرفش تخرج بالعربية بسببة والشارع كلة فاضى بالذمة مش حاجة تحرق الدم

فعلا هى حاجة تحرق الدم بس للاسف بطبق نفس الرد اللى رديته على أستاذ smsmsmsm1983

**شاهين - بنز** · 29-12-2008 03:55 PM

أه وإللي بيغظني تلاقي واحد راكن عليك صف تاني وسايب الهاند بريك وكل حاجة بس كاسر الدريكسون بحيث إنت لو زقتها ورا شوية من غير مترجعها مكانها تاني بعد أما تطلع عربيتك حتلاقي العربية طلعت لنص الشارع وساعتها فعلا بسيبها مش برجعها عشان يبقى يتعلم يعدل الدركسوين أما يركنها صف تاني

**mr.president** · 30-12-2008 02:06 PM

المشاركة الأصلية كتبت بواسطة شاهين - بنز

أه وإللي بيغظني تلاقي واحد راكن عليك صف تاني وسايب الهاند بريك وكل حاجة بس كاسر الدريكسون بحيث إنت لو زقتها ورا شوية من غير مترجعها مكانها تاني بعد أما تطلع عربيتك حتلاقي العربية طلعت لنص الشارع وساعتها فعلا بسيبها مش برجعها عشان يبقى يتعلم يعدل الدركسوين أما يركنها صف تاني

عقاب مؤلم

لانسان يستحق!

**Busquets** · 29-12-2008 04:11 PM

انا استحاله اركن صف تانى الا لو بجيب حاجة من كشك مثلا و العربية اودامى

لان فى ناس مؤذية ممكن تكسر الازاز مثلا وينزل الهاند ولا يفضى الكاوتش طبعا ساعتها هو معاه حق

لانى انا الغلطان فبوفر المشاكل على نفسى و اركن لو حتى هتمشى شارع بحاله المهم ان العربية تكون فى السليم و بعيد عن اى لبش

الموضوع: بتركن ركنات غبية و اللا محترمة ؟؟؟

LinkBack

أدوات الموضوع

عرض

العرض المتطور

بتركن ركنات غبية و اللا محترمة ؟؟؟ - انشر الموضوع فى :

-

-

-

-

المواضيع المتشابهه

حركة غبية قوي

شحاتة ... غبية جداااااااا

مشكلة غبية قوي .. الفوارق من الجناب

ربنا نجانى من حادثة غبية :( خدو بالكم يا جماعة

عملت حاجة غبية

الكلمات الدلالية لهذا الموضوع

المفضلات

المفضلات

ضوابط المشاركة