ملاك الـ Mini Fabia....ما هو تقيمك للسيارة؟

**Busquets** · 31-12-2008 08:23 PM

كلام الاستاذ احمد على الفابيا 1600

انا شايف انو استهلاك بنزين على الفاضى

اى نعم اوتوماتك و مريحه اكتر

بس استهلاك بنزين على الفاضى

ال 1400 تفى بالغرض و سريعه يعنى مش وحشة! فى اخ هنا قال انه جاب بيها 165 مش بسهوله اوى بس و قال انها بتجيب اكتر بس هو خاف عليها

انا مش عايز اكتر من 120 130!

و دا كفاية اوى بالنسبة لى

الياريس 1300 و بتجيب 200 و موتورها صغير اصغر من الفابيا فى السى سى و اعلى 5 حصان مش فارق رهيب يعنى

بس فرق الاستابيلتى للفابيا اكيد

**sarhan_game** · 01-01-2009 12:33 AM

المشاركة الأصلية كتبت بواسطة Ahmed15

* الفابيا
* يوجد معلومة أخرة أن فابيا 16v بينما أوكتافيا 8v فقط
.

أنا أول مره أسمع أن Octavia A5 8v

**volcano12** · 01-01-2009 09:35 PM

المشاركة الأصلية كتبت بواسطة sarhan_game

أنا أول مره أسمع أن Octavia A5 8v

أظن زى الجيتا و الجولف و الليون ...... أظن الكلام ده صح... كلهم نفس الموتور

**karimone** · 01-01-2009 09:53 PM

انا حاسس ان العربيه صغيره و الكنبه هتكون ضيقة يا ريت حد يكلمنا عن المساحه الداخليه و التابلوه بتعها

**Busquets** · 01-01-2009 10:09 PM

karimone
عضو جديد

الاحسن انك تتفرج عليها

كل واحد حسب طوله

انا لسه ماتفرجتش عليها بس فى اخ كان كاتب ان طوله 191 سم و كان مرتاح فى الكنبة اللى ورى

**volcano12** · 01-01-2009 10:57 PM

المشاركة الأصلية كتبت بواسطة Busquets

karimone

عضو جديد

الاحسن انك تتفرج عليها

كل واحد حسب طوله

انا لسه ماتفرجتش عليها بس فى اخ كان كاتب ان طوله 191 سم و كان مرتاح فى الكنبة اللى ورى

هى مسأله تقديريه.....
أنا من النوع اللى بيرجع الكرسى و ضهره ورا.. و طولى 185
جربت أركب ورا ... كنت مزنوق بس دخلت.... هى بصراحه تشيل 4 + 1 صغير الكرسى التانى و هو عادى واسعه أوى....

العربيه واسعه جدا من وجهة نظرى عن ما تبان.....

**crazylambada** · 02-01-2009 04:01 AM

المشاركة الأصلية كتبت بواسطة volcano12

هى مسأله تقديريه.....
أنا من النوع اللى بيرجع الكرسى و ضهره ورا.. و طولى 185
جربت أركب ورا ... كنت مزنوق بس دخلت.... هى بصراحه تشيل 4 + 1 صغير الكرسى التانى و هو عادى واسعه أوى....

العربيه واسعه جدا من وجهة نظرى عن ما تبان.....

100000000000000000000

**shabmuslim** · 13-01-2009 04:27 PM

انا رحت عملت تست درايف للميني فابيا في توكيل أرتوك في المقطم - العربية على فكرة جامدة جداااااااااااا. وانا شايف إن سبب عدم انتشارها في مصر هو مثل مصري عقيم ( اللي نعرفه أحسن من اللى منعرفوش) مش أكتر ولا أقل ، لكن في رأيي العربية دي أجمد من الصني دا بما إن سعرهم قريب من بعض بعد مال الميني فابيا رخصت حوالي 11 ألف جنيه - ... غالباً أنا هجيب العربية دي إن شاء الله وسأطرح بمستقبل بيعها عرض الحائط. العربية فعلاً تستحق أن تقتنى. العربية دي فيها إمكانيات مشفتهاش إلا في الفورد الفوكس زي تابلوه تبريد العصير والمياة الأوبشن دة مشفتوش غير في الفورد الفوكس ومش أي فوكس كمان .
shabmuslim@yahoo.com

**Mustafa_Farouk** · 13-01-2009 05:51 PM

المشاركة الأصلية كتبت بواسطة shabmuslim

انا رحت عملت تست درايف للميني فابيا في توكيل أرتوك في المقطم - العربية على فكرة جامدة جداااااااااااا. وانا شايف إن سبب عدم انتشارها في مصر هو مثل مصري عقيم ( اللي نعرفه أحسن من اللى منعرفوش) مش أكتر ولا أقل ، لكن في رأيي العربية دي أجمد من الصني دا بما إن سعرهم قريب من بعض بعد مال الميني فابيا رخصت حوالي 11 ألف جنيه - ... غالباً أنا هجيب العربية دي إن شاء الله وسأطرح بمستقبل بيعها عرض الحائط. العربية فعلاً تستحق أن تقتنى. العربية دي فيها إمكانيات مشفتهاش إلا في الفورد الفوكس زي تابلوه تبريد العصير والمياة الأوبشن دة مشفتوش غير في الفورد الفوكس ومش أي فوكس كمان .
shabmuslim@yahoo.com

السلام عليكم،

طب مبروك مقدماً، بس ممكن تحكي أكتر على التست دريف، كان أوتوماتيك ولا مانيول ؟؟
كل حاجة ، إنطباعك عنها من أول مادخلت لغاية ما ركنتها.

شكراً.

**shabmuslim** · 14-01-2009 12:55 AM

وعليكم السلام
أولاً : انطباعي عن الميني فابيا أول ما ركبتها انها عربية فخمة جدا والتقفيل بتاعها أحسن من الياريس والصني دا عن تجربة .
الحاجة التانية ودة اللى انا لاحظته أول ما ركبت العربية ان الباور بتاعها أخف من أي باور تاني - بصراحة انا لم ألقى لهذا بالاً قلت يمكن عشان العربية لسة جديدة - بس بعد كدة عرفت ان الباور بتاعها مش زيت زي باقي العربيات ولكن باور كهربائي.
بصراحة انا فحت العربية علشان أجرب نظام الثبات الالكتروني اللى فيها ، حتى الراجل اللى كان راكب معايا من المعرض قال لي : بالراحة شوية . ولكن أنا لم ألقى له بالاً ، وأنصح أي واحد يروح يجرب العربية دي ميسمعش كلام اللى هيركب جنبه من المعرض علشان يعرف يجربها .
بصراحة العربية دي دخلت دماغي جدااااااااااااااااااااااا اااااااااااا.
على فكرة ممكن أي حد عاوز يعمل التست ردايف يروح لأرتوك في المقطم في شارع حسن الأكبر - مجرد ما هتروح شارع 9 في المقطم هتلاقي يفط ترشدك إلى أرتوك جروب.
التست درايف بيكون يوم الأحد والأربعاء من الساعة 12 إلى الساعة 3 ظهراً.
أسامة