شاركونى الاختيار فاجمل واحلى لون للانسر الشارك

**samofox** · 30-12-2008 04:58 PM

والله يا مانابيدو انا كنت شوفت اسود خليجى والفرش بتاعها بيج بس انا من النوع اللى مش بحب الفواتح فالعربية عشان البهدلة لان البيج مش حيتحمل وحيتبهدل بسرعة وخصوصا ان النص اللى تحت من الطابلوة بيج فاانا بفضل الغوامق دايما عشان تتحمل معايا ولو انت حتجيب خليجى يبقى شوف الاسود هو موجود بس قليل اوى وخلى بالك الخليجى كله مش واحد بيختلف من بلد لبلد كل بلد بتطلب اللى سوقها محتاجة فالكماليات

**manabedo** · 30-12-2008 05:05 PM

المشاركة الأصلية كتبت بواسطة samofox

والله يا مانابيدو انا كنت شوفت اسود خليجى والفرش بتاعها بيج بس انا من النوع اللى مش بحب الفواتح فالعربية عشان البهدلة لان البيج مش حيتحمل وحيتبهدل بسرعة وخصوصا ان النص اللى تحت من الطابلوة بيج فاانا بفضل الغوامق دايما عشان تتحمل معايا ولو انت حتجيب خليجى يبقى شوف الاسود هو موجود بس قليل اوى وخلى بالك الخليجى كله مش واحد بيختلف من بلد لبلد كل بلد بتطلب اللى سوقها محتاجة فالكماليات

حلوه مانابيدو

دي بس انت كده معني الكلام ان البيج لو لقيتوا في حاجه غير الدهبي حيكون اسود غير كده لا صح

**samofox** · 30-12-2008 05:55 PM

والله يا بيدو انا شوفتة فالاسود الخليجى والدهبى ومركزت اوى على باقى الالوان لان فدماغى لون معين وهو اللى بتفرج علية معظم الوقت بس خلى بالك انا كنت بتفرج على لانسر الوكيل والوان الفرش بتختلف عن الخليجى لانها بتبقى مواصفات مصرية واللى زى المواصفات المصرية هى الاردنية بس منصحكش بيها خليك فالخليجى لو مش حتاخد الوكيل واى حاجة تحتاجها بلغنى وانا تحت امرك

**manabedo** · 30-12-2008 06:16 PM

طيب انت ايه رايك في الدهبي اصلا انا عاجبني النبيتي بس بصراحه طلبا معايا الفرش يكون بيج فا لما ربنا يسهلي و اشتري حجيب الدهبي اتا بس مستني عل نص شهر واحد كده لما الحال يتظبط

**وائل عطية** · 30-12-2008 06:30 PM

هي ألوانها كلها تحفة
وعلى رأسهم الأسود ثم الأسود ثم الأسود (العربية في اللون دا حكاية خصوصاً لو كاملة )
ثم النبيتي
دا رأيي الشخصي

**samofox** · 30-12-2008 06:36 PM

الدهبى جميل بس هى بيليق عليها الغوامق اكتر فكر فالاسود تحفة يا بيدو وارسمة كدة فخيالك حتلاقية تحفة بجد وانا والدى معاة الاسود فمنتهى الروعة ثم انت حتجبيها كاملة ولا عادية عشان دة بيختلف بردو فاللون

**samofox** · 30-12-2008 06:42 PM

فعلا يا وائل الاسود ملك الالوان وهو اخطر لون فيها بس انا ركبت الاسود فعاوز اغير والنبيتى عاجبنى جدا وفى ناس بتقول بناتى وبتاع بس هو مش بناتى هو لون تحس فى انك راكب حاجة رياضية زى عربيات السبق وبصراحة مجرد مببص للون دة بحس انى حابب العربية جدا لدرجة انى مش ببقى عاوز امشى من قدامها

**manabedo** · 31-12-2008 03:11 AM

لا انا ناذن الله اجيبها كامله كل حاجه بس اصل الاسود منتشر اوي انا بحب العربيه متكنش معتاده يعني مش عارف و الله ايه الي اجيبه

**samofox** · 31-12-2008 08:58 AM

خلاص خليك فالدهبى مدام انت حابة ومقتنع بى هو لون جميل بردو وكمان فرشة بيج زى مانت عاوز وبلاش تشتت نفسك عشان لو اتشتت مش حتعرف تقرر وحتبقى متردد ..اتوكل على الله فالدهبى ومبروك مقدما وربنا يبارلك فيها ومتنساش لما تجيبها تقولى عملت اية واية اخبارها معاك..على فكرة عاوز اقولك انك باذن الله حتحب العربية دى بطريقة فزيعة لدرجة انك فكل مرة حتسوقها فيها حتحس باستمتاع رهيب وقوة غير عادية وكويس انك حتجيب الكاملة عشان متصرفش على الكماليات وبالتوفيق يا بيدو

**manabedo** · 31-12-2008 10:41 AM

انا مش عارف اقوللك ايه علي ذوقك ده ربنا معاك انت الاول انت تقريبا كده حتجبها قبلي صح انا باذن الله حشتريها علي نص واحد كده عششان عندي امتحنات ادعيلي بقي و الي يجبها الاول يبلغ التاني انت علي فكره اقنعتني اصلا بالنبيتي و والدتي مقتنعه بيه جدا و لو علي العربيه انا اصلا حتجنن و اجيبها عجباني اوي اصلا بس عايز اسالك انت بتقول معي والدك طيب ايه اخبار الثبات انا بحب الجري اوي و احب العربيه الثابته اصلا واحد خفيف يقولي النوبيرا ثابته عنها و الكبيره بقا في المصريه في اسكندريه يقولي ايوي هي مش ثابته اوي عشان ال(body)كبير علي العربيه فالعربيه تقيله اقولوا طيب كده العربيه ممكن يكون سحبها وحش عشان تقيله انما مش ثابته عشان تقيله ديه جديده بصراحه يقولي لا اصلا كده المتور مشش قوي فششهي مش ثابته و الله مردتش عليه اصلا فانا بس عايز اعرف اخبار الثبات ايه يا سامو