ربنا يخليك يا بيدو دة بس من اصلك ..والله يا بيدو انا حجزت العربية فعلا ومستنى استلمها لانى جايبها من الجيش تبع والدى ومش عارف امتى بالظبط الاستلام بس مش حيكون قبل شهر 2 يعنى انت احتمال كبير اوى تجيبها قبلى وعموما انا مش مستعجل عليها لان فى زيها مع الوالد زى مانت عارف..بالنسبة يا بيدو لموضوع الثبات دة فعاوز اقولك ان ثباتها ماشاء الله رهيب انا عديت بيها 160 وبسم الله ماشاء الله ولا حسيت باى حاجة واخدت بيها غرز كمان فمنتهى الجمال الله اكبر عليها عربية بجد اللى مركبهاش يبقى عمرة مركب عربية باستثناء البى ام طبعا ..وبالنسبة للى قالك ان النوبيرا ثابتة عنها لا طبعا اوعى تصدق الكلام الفاضى دة..دى عربية فاشلة مش ممكن تتقارن باللانسر ابدا والناس بتوع المصرية سورى يعنى فاللفظ مبيفهموش حاجة عشان اللى يقولك كدة فعلا مش فاهم حاجة.. ونصيحة منى اوعى تشترى من المصرية حاجة عشان كدابين فاسعارهم واعلاناتهم كلها كدب.. انا بس عاوز اقولك حاجة يا بيدو بلاش تردد مدام حابب ومقتنع بالعربية يبقى اتوكل على الله وعاوز اقولك كمان ان باذن الله لما تشتريها عمرك محتندم انك اشتريتها لان العربية فيها رفاهية متناهية وشياكة وكل حاجة جميلة بس فى نصيحة من اخ عاوز اقولك عليها بلاش تجرى ابعد خالص عن الجرى انت عارف ان المتعة الحقيقية فالعربية هو المشى المعتدل وبهدوء عشان تستمتع بالسواقة ..وربنا يكفيك شر الطريق يارب ويحفظهالك وربنا معاك فالامتحانات وبالتوفيق يارب ..مستنيك بقى تقولى اخر اخبارك وحنكون على تواصل باذن الله
المفضلات