الموضوع: لانسر 2007 ولا جراند بونتو بصرف النظر عن الموتور "رد سريع"

السلام عليكم
أنا مش هاتكم عن اللانسر
أنا هاكلمك على الجراند بونتو
العربية ثابتة و متزنة على الأرض
تسارع المواتير الأيطالي حلو خصوصا على السرعات المنخفضة و حتى 120 إلى 130 كم - س
تقفيل رائع و لو أن التابلوه بلاستيك .... مش خطير يعني ....... بس بلاستيك بيعيش و عن تجربة و شكله حلو
التكييف في العربياتت الأيطالي معقول ...... لا يُقارن بالياباني و الكوري
الياباني و الكوري أحسن في التسقيع
مساحة العربية معقولة قوي و الشنطة إلى حد ما معقولة
المواتير الأيطالي مواتير حلوة و مواتير فيات مواتير مُعمرة و الأثباتات كتيرة
أنا ركبت بونتو و العربية فعلا كل حاجة فيها بتعيش كتير
ما عدا بعض الناس أشتكوا من موضوع اسطوانة الدبرياج اللي مش بيعيش كتير و دي معناه بتاع 30 ألف كم ( في البونتو القديمة )

و برضه هاترجع لطريقة سواقتك و بما أني ما أشتريتش الجراند ........ فمعرفش عنها الحاجات الفنية قوي زي اسطوانة البدرياج بتعيش أد أيه ؟؟

طبعا الشكل
اللانسر تقعد على جنب و تتفرج معاك على الجراند بونتو ......... إنما الأداء طبعا مختلف علشان قوة المواتير
و بالنسبة لموضوع الشكل ....ياريت الأخوة اللي معاهم لانسر ما يزعلوش من رأيي علشان الشكل ده أذواق

التوفير في البنزين
برضه اللانسر تقعد على جنب في موضوع التوفير في البنزين
الجراند بونتو و البونتو من أكتر العربيات الموفرة في البنزين نظرا لصغر الموتور و تكنولوجية أخراج العزم و القوة على سرعات قليلة و طبعا ده له أثر سلبي على تجميع السرعات فوق 120 إلى 130 كم - س
متنساش أن المواتير دي صغيرة
البونتو 1245 سي سي و الجراند 1400 سي سي
إنما التسارع و العزم لغاية 120 إلى 130 كم - س ......... ممتاز و زي اللانوس لو قرانها بالجراند مش البونتو الصغيرة
يعني اللانوس تسارعها أحسن من البونتو الكلاسيك
و لكن زي الجراند بونتو في التسارع ....

تكييف الجراند بونتو ............زراير مش باللمس
بالتوفيق إن شاء الله

البونتو انضف وافخم وارقى واجمل
بس طبعا الموتور الانسر تكسب
وعلى فكرة
الايطالى محترم جدااااااااااااااااااااااا ااااااااااا

المشاركة الأصلية كتبت بواسطة Hamada_sheble

ربنا يخليك، بس انا رحت المعرض شرين كار و لقيته بكر عادي في المنيوال و الاتوماتيك

معلش ... أنا قلت فوق زراير
و كان قصدي بكر ... بس أنت كنت بتسأل على اللمس
التكييف بكر عادي

المشاركة الأصلية كتبت بواسطة Hamada_sheble

طيب فيه سؤال تاني معلش سمعت ان الفيات بتسخن جامد اوي ، هل الجراند بونتو 2009 بتسخن برده كده :s:s

دي بقى أشاعة مغرضة على ماركة فيات .... ليه ؟؟
علشان بيتكلموا على 128 و 127 و 125 و العربيات اللي أشتغلت في السوق لمدد تزيد عن 30 و 40 سنة
بالاضافة ان تصميم مواتير العربيات القديمة دي تصميم قديم يعود لفترة الستينيات و السبعينيات
و كمان العربية السينا موديل 2000 تقريبا أو 2001 كان فيها عيب سخونة و تقريبا ده كان راجع لحساس الحرارة في الرادياتير

المهم
عربيات فيات مش بتسخن .... عربيات فيات عربيات محترمة و عن تجربة و كفاية عربياتها القديمة اللي مصنوعة من 40 سنة و لسة شغالة في السوق و لسة بتتباع لحد دلوقتي في سوق المستعل
لو الجراند بونتو عاجباك ........... و حاببها
أتكل على الله و هاتها و العربية حلوة و جميلة
أحنا قولنا بس على حاجتين أقل في المقارنة مع اللانسر
التكييف أضعف
سعر اعادة اللبيع أقل بكتير
قوة الموتور كمان و دي معروفة