المساعدين ف الماتركس مشكلة كبيرة

**COLDMAN** · 31-12-2008 06:30 PM

أرجو من كل مالكي الماتركس في المنتدي ان يفيدونا بتجاربهم في موضوع صوت التخبيط بتاع المساعدين في الماتركس وخصوصا اني لقيت الصوت نفسه في اكتر من ماتركس وحتى لو كانت جديدة ،،، يا ترى حد مر بالمشكلة دي ؟؟؟
وايه العلاج .؟ صوت تخبيط وتطبيل في العربية من العجلتين الاماميتين ؟ واتأكدت اخيرا انه من المساعدين ؟. وقالولي ان المساعدين فيها تنقير وده كتير في الماتركس ؟؟ هل الكلام ده حقيقي ؟ وايه طبيعة الصوت ده ؟؟

مستني ردودكم:k30:

**venus_beuty** · 31-12-2008 07:18 PM

مفهمتش قصد حضرتك اية انا معايا ماتريكس بس مسمعتش الصوت دة فيها ممكن توضح

**COLDMAN** · 01-01-2009 12:24 AM

العربية الماتركس فيها صوت تخبيط في العجلتين الاماميتين بتظهر بعد فترة بسيطه ، والعيب في المساعدين ،، وده مش في كل العربيات الماتركس لكن في كتير منها ،، بيظهر الصوت ده خصوصا في الارض الغير مستوية او المكسرة ،،

يا ريت لو حد كان عنده المشكلة يدخل يتكلم فيها ضرورييييييي ،،،

عشان انا سمعت اراء كتيرة ،، لكن الأرجح ان ده صوت المساعدين

**osman hisham** · 01-01-2009 09:50 AM

أنا أتصور العيب ده مش فى المساعدين العيب ده فى علبة الدريكسيون

**amrtalaat** · 01-01-2009 10:34 AM

انا عندى الصوت دة للأسف ...وبيروح بعد كل صيانة وبيرجع بعد حبة بسيطة!!!!!!!!!

**COLDMAN** · 01-01-2009 04:08 PM

أنا لما بقفل زجاج السيارة وبطفي الكاسيت مثلا وامشي في طريق مش مستوي بسمع اصوات فظيعة في العجلتين اللي قدام كأنوا فرح وطبل قدام

ومش لاقي حل ،،

وانا متأكد انهم المساعدين رغم انها جديدة ،،

حاجه تقرف

**bishoo33** · 01-01-2009 06:10 PM

سيارتى عامله 17500 كيلو موديل 2008 والحمد لله هذا الصوت غير موجود
نصيحه روح التوكيل وأطلب مهندس يخرج معاك وسمعه الصوت وشوف رأيه ايه وبعد كده نتكلم عن المساعدين وحشه ولا لأه
يمكن تكون مشكله بسيطه لا تحتاج كل هذه الضجه وحلها يكون بسيط لا يستغرق وقت ولا فلوس خاصه ان الماتريكس سياره تكاد تكون خاليه من المشاكل على حد قول كل من تعامل معاها

**bassam nagy** · 01-01-2009 06:21 PM

الصوت دة عادى ودى مشكلة فى العفشة فى انها بتحتاج للتربيط كل صيانة

**thegreatnileman** · 02-01-2009 01:53 PM

الحل السحرى

اضبط الهواء بتاع العجل على 28 وجرب

يمكن تسمع صوت صرخه خفيفة للعجل اثناء الملفات

**sh23** · 06-01-2009 11:14 AM

المشاركة الأصلية كتبت بواسطة bishoo33

سيارتى عامله 17500 كيلو موديل 2008 والحمد لله هذا الصوت غير موجود
نصيحه روح التوكيل وأطلب مهندس يخرج معاك وسمعه الصوت وشوف رأيه ايه وبعد كده نتكلم عن المساعدين وحشه ولا لأه
يمكن تكون مشكله بسيطه لا تحتاج كل هذه الضجه وحلها يكون بسيط لا يستغرق وقت ولا فلوس خاصه ان الماتريكس سياره تكاد تكون خاليه من المشاكل على حد قول كل من تعامل معاها

*****
* الأخ الفاضل/ bishoo33 اتفق معاك في هذا الرأي تماماً
*الأخ الفاضل /COLDMAN ممكن يكون الصوت اللي بتتكلم عنة سببة وجود زلط محشور في الكاوتش جرب تنضف الكاوتش كويس يمكن الصوت دة يروح ( دة حصل معايا فعلاًوكان الصوت أشبة بلسعة كرباج متكررة).
أما إذا كان الموضوع عيب في المساعدين فأعتقد أن التوكيل سيقوم بتغييرها إذا كنت في فترة الضمان ومواظب علي الصيانة الدورية .
كمان فية سبب آخر ممكن يكون الصوت دة من جلب الميزان ؛ وبرضة التوكيل ممكن يغيرها لك لو أنت في الضمان