هل انت مستعد ان تحارب من اجل فلسطين؟

**sa3dawy** · 06-01-2009 01:58 AM

الحقيقة انا معنديش استعداد انزل من بيتى دلوقتى معايا مسدس واتقتل اول ما افكر اطلعة !!!!

**Abo_Lina** · 06-01-2009 03:34 AM

يا جماعة المجاهد بجد مش هايقعد على النت يقولنا انا مجاهد انا هاجاهد و انه بيدعي ربنا يموت شهيد ..مش اغنية اصلها

اغلبهم عايزين يعيشو الدور و خلاص و كبيرهم البقين دول و الجهاد على الشبكة العنكبوتية و دمتم

**mada121977** · 06-01-2009 04:23 AM

المشاركة الأصلية كتبت بواسطة Tyler_Durden

يا جماعة المجاهد بجد مش هايقعد على النت يقولنا انا مجاهد انا هاجاهد و انه بيدعي ربنا يموت شهيد ..مش اغنية اصلها

اغلبهم عايزين يعيشو الدور و خلاص و كبيرهم البقين دول و الجهاد على الشبكة العنكبوتية و دمتم

مع احترامى ليك ميين اللى بيعيش الدور ؟؟؟
فيه حديث عن الرسول افضل الصلاه والسلام عليه مامعناه (لانى مش فاكر نص الحديث بالضبط)
ان من يطلب الشهاده والجهاد ويتمناهما يرزقه الله اجر المجاهد والشهيد حتى ولو مات على فراشه

**mada121977** · 06-01-2009 04:28 AM

المشاركة الأصلية كتبت بواسطة فادى

معلش سؤال بس هل تعتقد انو شباب الولايات المتحدة اللى قلبوا العراق و أفغانستان رأسا على عقب يختلفون كثيرا عن شبابنا,
أعتقد أنهم أيضا كانوا قبل الحرب يشاهدون بريتنى سبيزر و مادونا على الام تى فى, و يشجعون فريق ولاية ميتشيجان ضد شيكاغو.
و اكاد اجزم انهم امضوا ثلاثة ارباع عمرهم السابق ما بين ديسكوهات و مقاهى نيويورك!

شباب امريكا مين اللى قلبوا العراق وافغانستان؟؟؟
حضرتك دول عندهم دلوقتى اكتر نسبه انتحار وامراض عقليه ونفسيه من اللى حصلهم وشافوه فى العراق وافغانستان ... واللى لسه منهم فى العراق وافغانستان بيلبس حفاضات اطفال وهوا خارج فى الدوريه بتاعته علشان من الخوف اللى هما فيه ممكن يبل بنطلونه

**ibrahimsaad** · 06-01-2009 07:24 AM

المشاركة الأصلية كتبت بواسطة Tyler_Durden

نظرتك واضحة و عميقة للامور و ليست سفسطة و سطحية فارغة

ارجوا ان يكون فيه احترام لاراء الاخرين وبلاش الكلام ده لان اختلاف الاراء لايفسد الود
وبعدين لازم تحترم وجه نظر الاخر
ثم ان كنت تقصد ان الجهاد او حب الشهاده سفسطه وسطحيه فانا بجد اسف جدا انى اسمع الكلام ده من مصرى مسلم
عاش هزيمه 67 واحتلت ارضه وعانى المر حتى فى النهايه حرر ارضه فى 73 واسأل حضرتك هو حررها بايه وازاى؟

المشاركة الأصلية كتبت بواسطة حاتم سليم

إما أنا عاقل أو مجنون

فى حالة العقل لن احارب من هو اقوى منى لأنه سيقتلنى
و فى هذه الحالة لن تتحرر فلسطين !!

فى حالة الجنون سأحارب من هو اقوى منى و سيقتلنى
و لن تتحرر فلسطين !!

كن أقوى

و وقتها ستتحرر فلسطين بحرب أو بدون ...

المشاركة الأصلية كتبت بواسطة sa3dawy

الحقيقة انا معنديش استعداد انزل من بيتى دلوقتى معايا مسدس واتقتل اول ما افكر اطلعة !!!!

للاسف افكر حضرتكم اننا حاربنا فى 73 وانتصرنا وهو هو نفس العدو
بالعكس هو الان اضعف واضعف وافكر حضرتك بهزيمته فى حرب لبنان
ولاننسى هزيمه امريكا فى العراق وافغانستان ومن قبلها هزيمه روسيا من افغانستان
كفانا نشر ثقافه الهزيمه هذه التى وضعتنا فى مؤخره الامم
مش عايز تحارب بلاش مافيش حد اجبرك لكن انك تنشر ثقافه الهزيمه هذه فغير مقبول

المشاركة الأصلية كتبت بواسطة Tyler_Durden

يا جماعة المجاهد بجد مش هايقعد على النت يقولنا انا مجاهد انا هاجاهد و انه بيدعي ربنا يموت شهيد ..مش اغنية اصلها

اغلبهم عايزين يعيشو الدور و خلاص و كبيرهم البقين دول و الجهاد على الشبكة العنكبوتية و دمتم

اخى لاتكن سيئ الظن باخوانك فانت لم تدخل قلوبهم ولم تشقق عليها
من تمنى الشهاده نالها حتى لو لم يجاهد وانت تعلم جيدا ان كثيرين يموتون شهداء وهم على فراش الموت
الا ترى ان من مات مبطونا فهو شهيد
ومن مات غريقا فهو شهيد
ومن مات دون ماله فهو شهيد
ومن مات دون ارضه فهو شهيد
ومن مات محروقا فهو شهيد

الا ترى ان من تمنى ان يحج بيت الله الحرام ولم يستطع بسبب عدم مقدرته فانه يكتب له ثواب الحج

هذا هو ديننا

ان الله فرض علينا الجهاد فرض عين ولكن استثنى منه من لايستطيع او من لديه عذر

ولكن لم يستثنى منا من لايتمنى ان ينال الشهاده او من يكرهه ان يجاهد

هذا هو الفرق

اما ان تحكم على من يتكلم بانه مجرد بقين وخلاص فده مش من حقك ده على ربنا فقط هو اعلم بنا وبضمائرنا وهو من سيحاسبنا وليس انت

فمن صدق الله صدقه الله ومن كذب على الله فحسابه عسير جدا والعمليه مش مجرد بقين وخلاص دى نيه ويجب ان تكون صادقه

**Imhotep** · 06-01-2009 12:10 PM

عندى حكاية بسيطة لكن ذات مغزى... واترك لكم استخلاصه... فى حرب 1973 ومع اشاعة اسرائيل لخبر احتمال لجئوها لاستخدام القنبلة النووية... ومع تعاظم عوائد النفط لدى الدول المنتجة له... قام القذافى بزيارة للصين عرض فيها شراء قنبلة نووية و عرض ثمن هو مليار دولار... لكن الرد الصينى كان ابلغ من اى كلام... ان القنبلة النووية هى سلاح تطوره و تنتجه ايدى وطنية لحماية بلادها، وهو ليس للبيع.
نقطة اخيرة لكل من لا يتابع اخر التطورات فى المجالات العسكرية.... للاسف الحرب لم تعد على الارض..... الحرب الان يمكن اختصارها فى كلمة واحدة هى الfirepower او القوة النيرانية(كمثال الحرب على العراق 2003 بين جيشين نظاميين مع فارق القوة بينهما، وابادة فرق عراقية كاملة من الجو(الفرقة بين15000-20000 جندى).... هذا بالنسبة للجيوش النظامية.... اما بخصوص الحروب الغير نظامية(حرب اسرائيل مع حزب الله 2006)، فهو ما تحاول اسرائيل تطبيق الدروس المستفادة منه الان على نطاق مصغر(غزة) استعدادا للنطاق الاكبر وهو حزب الله.....
للاسف هم دائما يتعلمون من اخطائهم..... اما نحن فلا نمل من تكرارها