اقتباس المشاركة الأصلية كتبت بواسطة meza مشاهدة المشاركة
!!!
اخوان اون لاين
عفواً مصدر غير موثوق فيه للأخبار ... خاصة هذا الخبر.

كمان طلعونا إحنا القتلة .... !
موافق علي كلامك 100%
ـــــــــــــــــــــــــ ـــــــــــــــــــــــــ ــــــــــــــــ

اما كلام الناس اللي موافقة علي الموضوع.....
بقولهم طبعا كان من المفروض اني الضابط المصري يتركهم و يقولهم اتفضلوا ادخلوا يا جماعة بيتكم و مطرحكم و سيناء اهي بلد بدل البلد الي اتاخدت منكم و انا مش هقوم بواجبي اللي انا جيت علشانه و هو تقنين و تنظيم الدخول من المعبر اللي سوره اتهدم, انا هتحبس لاني مأدتش واجبي كما هو مفروض اني اقوم بيه عشان خاطركم بس ولا يهمكم ادخلوا.

الظاهر في ناس كتير اتفرجت علي فيلم الفنان الكبير "عادل امام" "السفارة في العمارة" لما كان في المظاهرة بعد ما اياد مات و الظابط اللي كان موجود عنده في العمارة جه بعد ما اخد شومة علي دماغه و قال للجنود اللي معاه اوقف الضرب يا عسكري منك ليه كملوا المظاهرة, فعلا فيلم و حوار فيلم انا طبعا مش بقلل من شأن الفيلم و لا الفنان الكبير عادل امام بس ده اسمه فيلم يعني كلام يحصل في الافلام و بس لكن في الواقع اني الظابط ده رايح هناك و سايب مراته و عياله و اهله اللي الله يكون في عونهم و يصبرهم دلوقتي عشان ينظم و الا كانوا سابوا المعبر مفتوح و الفلسطينيين يدخلوا براحتهم و ياخدوا سيناء وطن ليهم و اللي تايه عنكم اني اسرائيل تتمني اني ده يحصل.
ياريت نفوق شوية و منقلبش الحقايق و الناس اللي بتقول (هما يعني شافوا بطاقة القاتل عشان يقولوا ده فلسطيني ولا لا) بقولهم اني زي ما محدش شاف بطاقة القاتل بس مفتكرش اني سيادة الدكتور الي شهد الشهادة دي كان شايف الظابط و هو واقف و بيموت الولد الغلبان يا عيني و شاف بطاقة الراجل اللي جمبه و عرف انه ابو الولد.
يا جماعة واحد مننا مات من جنودنا واحد من اللي كانوا رايحين يدافعوا عن الفلسطينيين و يمدوهم بالأكل و الميا و العلاج و كل شئ اعتقد بعد اللي حصل ده اللي يحب يروح و يموت بايدين الناس اللي هو رايح يدافع عنهم يتفضل.