كبس الموتور

**kh_fawzy** · 02-01-2009 11:03 PM

عملت كبس للموتور وطلع اتنين 150 واتنين 140 دة معناة ايه

**samirayad** · 02-01-2009 11:31 PM

المشاركة الأصلية كتبت بواسطة kh_fawzy

عملت كبس للموتور وطلع اتنين 150 واتنين 140 دة معناة ايه

دا بيعبر عن الضغط المتوسط البيانى لكل اسطوانة من اسطوانات المحرك الأربعة ودة معناة ان اسطوانتين وليكن 1,3 الضغط المتوسط لهما 150 والأسطوانتين2,4 الضغط المتوسط لهما140 ....بس حاليا مش متذكر وحدة القياس.......انما عامة الrange متقارب ومفيش انحراف كبير (أى أن الوضع حاليا يمكن قبولة)...وعليك بعد فترة معاودة الاختبار لمعرفة مدى الانحراف.......لأن العملية دى بتتوقف على كفاءة الشنابر والصبابات والرشاشات وشمعات الاشتعال وكل منظومة الحريق.....بس حاليا فى حدود الأمان{اى الوضع الان كويس......على الرغم انك ماقولتش أى بيانات عن المحرك تفيد فى التحليل..........أشكرك

**kh_fawzy** · 02-01-2009 11:53 PM

المشكله ان عندى نقص زيت فى السفر فقط اى فى السير بمسافات طويله بالسيارة اماداخل البلد فلايوجد مشكله ولذلك قمت بكبس الموتور بس البنزينه قالى ان ممكن يكون عندك بوش فى الكرنك فامش عارف ايه السبب

**magyver** · 03-01-2009 02:45 AM

يعني اية كبس الموتور

**samirayad** · 03-01-2009 08:20 PM

المشاركة الأصلية كتبت بواسطة magyver

يعني اية كبس الموتور

كبس الموتور بيعبر عن كفاءة الاحكام لمنطقة الشنابر وكذلك منطقة الصبابات....وهذة المنظومة هى المسئولة عن عملية احكام الغلق لاسطوانة الحريق وبالذات أثناء شوط القدرة الذى يتم ترجمتة الى شغل ميكانيكى الى عمود الكرنك...وبيعبر عنة هندسيا بالضغط المتوسط البيانى على سطح البستم الناتج عن خليط الهواء والبنزين الذى تم احتراقة داخل اسطوانة ما من الاسطوانات الاربعة لمحرك السيارة

**Adham** · 03-01-2009 02:39 PM

دة معناه ان الموتور حالتة كويسة

يعني حوالي 75% لبستمين و 70% للبستمين التانيين بالتقريب, حسب نوع السيارة, و دة نسبياً كويس لأن مافيش فرق كبير بينهم

الوحش انك تلاقي بستم او اتنين كبسهم قليل قوي عن الباقيين (بستم واقع)

بس مالوش دعوة الموضوع بتاع نقص الزيت دة ببوش كرنك و لا حاجة, دة واحد بيفتي
الكرنك لو مبوش يعمل صوت ترزيع بس مالوش اي علاقة بكبس الموتور و لا بنقص زيت

**michohat** · 03-01-2009 08:27 PM

ازاى اقيس كبس الماتور؟

**samirayad** · 03-01-2009 08:39 PM

المشاركة الأصلية كتبت بواسطة michohat

ازاى اقيس كبس الماتور؟

لقياس كفاء الكبس فىمحركات الديزل مثلا بيكون هناك أماكن مخصصة لتركيب عدادت ضغط تحدد الضغط المتوسط البيانى (الكبس) لكل اسطوانة من اسطوانات الحريق.....المفروض أن يكون نفس التكنيك مستخدم لمحركات البنزين من حيث توافر نقط لتركيب عداد ضغط لقياس الضغط المتوسط البيانى لكل اسطوانة.....بس احتمال يكون فية أجهزة الكترونية معينة بنقاط حس معينة يكون عندها المقدرة على قياس كفاءة الكبس لكل اسطوانة.....وممكن يكون بيتم ذلك من خلال أجهزة التشخيص التى يتم الحاقها بوحدة التحكم الالكترونى فى حالة المحركات الانجكشن..(علىفكرة دا رأى اجتهادى لأننى لم أتعرض لمثل هذة النقطة فى محركات البنزين)

**michohat** · 03-01-2009 09:34 PM

المشاركة الأصلية كتبت بواسطة samirayad

لقياس كفاء الكبس فىمحركات الديزل مثلا بيكون هناك أماكن مخصصة لتركيب عدادت ضغط تحدد الضغط المتوسط البيانى (الكبس) لكل اسطوانة من اسطوانات الحريق.....المفروض أن يكون نفس التكنيك مستخدم لمحركات البنزين من حيث توافر نقط لتركيب عداد ضغط لقياس الضغط المتوسط البيانى لكل اسطوانة.....بس احتمال يكون فية أجهزة الكترونية معينة بنقاط حس معينة يكون عندها المقدرة على قياس كفاءة الكبس لكل اسطوانة.....وممكن يكون بيتم ذلك من خلال أجهزة التشخيص التى يتم الحاقها بوحدة التحكم الالكترونى فى حالة المحركات الانجكشن..(علىفكرة دا رأى اجتهادى لأننى لم أتعرض لمثل هذة النقطة فى محركات البنزين)

افهم من كده انها عدادات زياده بتتركب ف العربيه ولا دى ليها اجهزة قياس مش موجوده الا ف مراكز خدمه وصيانه

**samirayad** · 03-01-2009 10:30 PM

المشاركة الأصلية كتبت بواسطة michohat

افهم من كده انها عدادات زياده بتتركب ف العربيه ولا دى ليها اجهزة قياس مش موجوده الا ف مراكز خدمه وصيانه

بالتأكيد ليها أجهزة قياس مش موجودة الا فى مراكز الخدمة زى ماحضرتك تفضلت وقلت ...بس حقيقى لم أتعامل مع الموضوع دة بالنسبة لسيارتى حتى الان ....بس فى مجال عملى تعاملت مع نظام العدادات فى الديزل