جماهير الإسماعيلي .. ليه كدة !؟

**khaledazizeg** · 04-01-2009 08:45 AM

المشاركة الأصلية كتبت بواسطة essam_virus

شعب ***** *****خالص كلهم همجيه

يا ريت يا جماعة ما نجمعش انا اسماعلاوى وبحب الاسماعيلى لكن ما بحبش التعصب فى الكورة انا بحب اتفرج عليها للمتعة فقط وبصراحة ما عجبنيش الناس الى كاتبين رابطة محبى باتشوكا

يا جماعة احنا مصريين يعنى المفروض نشجع بعض ونبقى مع بعض وانا والله كنت بشجع الاهلى لما كان فى اليابان لانه فريق مصرى وانا مصراوى
فى الاخر احب اوضحلكوا ان ديه قلة مططرفة

**khaledazizeg** · 04-01-2009 08:48 AM

المشاركة الأصلية كتبت بواسطة human12

ده بسبب الاعلام اللى فيه ناس زى شوبير
هما اللى بيولعوها
والاعلام السازج اللى بيشحن الكلام ده بيعمل احتقان و كره
لما يكون عندك 2 اطفال ولادك واحد بطبطب عليه وتديله اللى عايزه عشان يجيب مجموع حلو ولما يشوف حاجه فى ايد اخوه الغلبان ياخدها منه كمان
والتانى بتديله فتات الاهتمام و تتعامل معاه اكنه عدو اكيد فى يوم هيقلب عللى اخوه ويكرهه

ده رد فعل طبيعى جدا جدا و متوقع

كلام سليم 100%

**khaledazizeg** · 04-01-2009 08:49 AM

المشاركة الأصلية كتبت بواسطة Boody8882

إتفرج يا باشا جمهور الإسماعيلى عمل إيه النهاردة
جهمور الإسماعيلى اللى دايمآ سباق فى كل حاجه

هل أبوتريكة يستحق كده من شعب فى الأول والأخر هو شعب مصرى

بصراحة وحشة جدا الحركة دية وبرضوا بكرر من قلة مططرفة
وانا من الناس الى بحب ابو تريكة لانه محترم وخلوق وكمان بيستخدم عقلة قبل رجلة مع الكورة
واحب اقول

لابو تريكة

**Sharky** · 04-01-2009 11:14 AM

طارق باشا

واضح إنك مقتنع بوحهة نظرك و أنا فى نفس الوقت مقتنع بوجهة نظرى تماما و شرحت فيها سبب الإحتقان جاى منين

بالنسبة لإعلام الزمالك يوجد العديد من الإعلامين زملكاوية و على رأسهم
خالد الغندور - محمد سيف - خالد جبر - على بركه و غيرهم فى الجرايد القوميه و المعارضه

و على فكرة معظم قيادت النظام زملكاوية
فى الأخر الإختلاف فى وجهات النظر لا يفسد للود قضية

**human** · 04-01-2009 11:25 AM

طبعا يا شاركى مافيش فساد للود
:)

خالد الغندور - محمد سيف - خالد جبر - على بركه و غيرهم فى الجرايد القوميه و المعارضه

طيب هات اسم واحد عدل!! ده كلهم عاهات يا شاركى

و يارب الاحترام يسود الملاعب و الناس تهدى شويه

**محمد فريد** · 04-01-2009 02:10 PM

بصوا يا جماعه من الاخر انا ارفض ان اى حد يشتم الاسماعيلى او يشتم اهل محافظتى
لكن احب اوضحلكم حاجه انا ساكن قدام الاستاد و90 % من الجمهور طلبه مدارس صنايع وشباب صغير السن جاهل وكثرة فاسده يعنى من الاخر كلهم عيال ومقولكمش بعد الماتش ايه اللى حصل امن مركزى على الشوارع كلها عشان يمنعوا تكسير العربيات بعد لما خرج المتفرجين من الاستاد ثائيرين جدا وعربيتنا كانت هتتكسر امبارح

على قد مانا متضايق من اللى حصل من الجمهور الاسماعيلى كمان انا متضايق من جمهور الاهلى اللى ولع الصواريخ من اول ربع ساعه وبقم يرموها على الامن عيب والله كده

وفى الاخر احنا كلنا اخوه وعيب لما بعض الاعضاء يخرجوا عن شعورهم ويردوا بشتايم

**نور القمر** · 04-01-2009 02:14 PM

مش عارفه ليه كل ما يكون في ماتش بين فريقين في مصر وادخل موضوع هنا بالذات في نايل موتورز احس كأن الفريقين دول واحد مصري والتاني اسرائيلي مثلا
او هندي وباكستاني او عراقي وامريكي

بجد بنتعامل مع بعض كأننا اعداء
يعني ايه اسمعلاوي ولا اهلاوي مش في الاخر كلنا مصريين ودي في الاخر مش قضية امن قومي نخسر بعض علشانها او نزعل من بعض علشانها
طيب لو في الماتش في ناس كانوا مشاكسين بغض النظر عن كونهم اسمعيالاوية ولا غيره ده مش معناها ان كل مشجعين الفريق الاسمعلاوي بنفس الاخلاق ومش معناه ان كل اهل اسماعيليه بنفس الاخلاق
كل مكان فيه الكويس والوحش
يعني انا شوفت موضوع تاني في المنتدى ده على نفس الموضوع الناس داخلة تشتم في بعض
طب ليه ..... بجد في حاجات كتير اولى اننا نهتم بيها وننفعل علشانها وناخد موقف تجاهها من مواضيع الكرة