المياه الحمراء (لماذا)؟؟؟؟؟؟

**therealhatem** · 10-01-2009 02:58 PM

شكرا ليك يا بشمهندس أحمد
بس سؤال أخير هو أنا ممكن أفرغ المايه العاديه اللى أنا حاططها فى الإربه والا أستنى لحد ماتروح لوحدها
وهلى المايه الحمرا متوفره فى محطات البنزين
وجزاك الله خيرا

**Ahmad Allawy** · 10-01-2009 03:04 PM

المشاركة الأصلية كتبت بواسطة therealhatem

شكرا ليك يا بشمهندس أحمد
بس سؤال أخير هو أنا ممكن أفرغ المايه العاديه اللى أنا حاططها فى الإربه والا أستنى لحد ماتروح لوحدها
وهلى المايه الحمرا متوفره فى محطات البنزين
وجزاك الله خيرا

شوف يا باشا..
انت المفروض هتعمل حاجة اسمها flush
قبل ما تحط المية التانية دي..
هتحط مية عادية كتير.. و تدور و تفك الخرطوم اللي راجع للقربة.. (مش فاكر انهي واحد بالظبط.. بس هو غالبا للي قولتلك عليه ده)
و تفضل تضيف مية.. و تشوف المية اللي نازلة شكلها ايه..
لحد ما تنزل نضيفة خالص..
لونها ابيض تماما..
و بعدين تفضي القربة.. و تحط المية الحمرا..
و تفضل تزود.. لحد ما المية اللي نازلة من دورة التبريد تبقي لونها احمر.. لون المية اللي انت حاططها.. و بكده تبقي كل المية اللي ف دورة التبريد حمرا..

تلاقيها فين بقي.. دي يا سيدي..بتاعت كالتكس.. مش موجوده في كل محطات كالتكس.. بس انا سمعت انها موجوده حاليا في محطة كالتكس جسر السويس..
انا كنت دورت عليها كتير ملقتهاش.. و جيبتها بالصدفة من المنصورة.. لما كنت هناك..
الجركن 5 لتر تمنه حوالي 60 جنيه..

بتاعت موبيل مش عارف بصراحة مكانها فين.. بس اسأل في محطات موبيل و شوف هتلاقيها فين..

نصيحة.. بلاش المية الخضرا..عشان عادة بتكون مغشوشة..يا اما مش مضمونة..

**therealhatem** · 10-01-2009 03:17 PM

شكرا ليك يا بشمهندس حقيقى أفدتنى وأنا هعمل زى ما أنت وصفت وإن شاء الله ربنا يسهل

**Ahmad Allawy** · 10-01-2009 03:22 PM

المشاركة الأصلية كتبت بواسطة therealhatem

شكرا ليك يا بشمهندس حقيقى أفدتنى وأنا هعمل زى ما أنت وصفت وإن شاء الله ربنا يسهل

الشكر لله يا باشا..
معلش انا معرفتش اوصفلك تعمل ايه بالظبط لو انت اللي هتغير المية.. بس عشان مش انا اللي عملتها بايدي..
لكن روح لأي صنايعي بيفهم في اوبل.. و خليه يعملهالك..
في ناس بتعمل حاجة تانية كمان قبل ما تحط المية الجديدة..
تفضي زجاجة خل (ايوة خل طعام) او شوية جاز ف المية.. و تقفل و تسيب العربية دايرة شوية..
و ده بينضف الدورة من جوة من الصدا.. و هتلاحظ ان المية اللي نازلة بعدها فيها كمية صدا مش طبيعيه.. وتعمل ده مرة واحدة.. و تفضي مية بقي زي ما قولتلك,, و تفضل متابع المية لحد ما المية اللي نازلة تبقي نضيفة زي الفل..
و تفضيها و تضيف المية الحمرا.. و تتابعها لحد ما تبقي المية اللي نازلة حمرا تماما..

نصيحة:: اوعي تعمل موضوع الflush ده في محطة البنزين.. عشان بيعملوه بجهاز... و ممكن يضغط و يرجع كل الشوائب و الصدا و البلاوي دي ف الردياتير.. و ممكن تسده او تخرمه حتي..

**Mostafa Hessen** · 10-01-2009 03:22 PM

شكرا على الموضوع

استفدت كتير منه

**tananybasha** · 10-01-2009 11:51 PM

طيب انا المية العادية بحطها من زمان
و عايز اغير للحمراء هاحس بتأثير اية فى التبريد مع العلم انى مغير طلمبة المية من شهر بواحدة فيبى عشان القديمة الجى ام بقت خشنة
الحق انقذ الجديده و لا الوقت فات مع العلم ان المية ما بتنقصش خالص و العربية اخرها 91
فيكترا 1995 - 2000 سىسى

**Ahmad Allawy** · 11-01-2009 11:33 AM

يعني بصراحة..
رد ولا اروع ولا اشمل..
جزاك الله خيرا..

**lancerevolution** · 11-01-2009 02:42 PM

ممكن أخلى الميكانيكى الى جنبنا هو الى يعمل موضوع المية دا و لا مينفعش لأن لو كدا ممكن أديله المفتاح فى السبت و هو يتعامل

-

-

الموضوع: المياه الحمراء (لماذا)؟؟؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

المياه الخضراء و الحمراء

المياه الحمراء

ما هو الفرق بين المياه الخضراء و الحمراء ؟؟

الكلمات الدلالية لهذا الموضوع

المفضلات

المفضلات

ضوابط المشاركة