المياه الحمراء (لماذا)؟؟؟؟؟؟

**Ahmed Hassan** · 18-01-2009 10:38 PM

يب الميه الحمراء بتاعت توتال بردو اورجانيك... بس مش مكتوب عليها اي تركيز... يا ترى ممكن تجيبلنا مواصفاتها؟

**rabbat5** · 19-01-2009 12:37 AM

المشاركة الأصلية كتبت بواسطة abdelaziz-waleed

وانا في توكيل مقار اخر مرة
كنت بغير مياه الردياتير
وبعد التغيير وجدت ان المهندس حاطط
مياه تبريد حمراء موبيل
سألته ليه ما حطش مياه خضراء
قاللي ان العربية الاوبل فكترا ما ينفعشي احطلها مياه خضراء
ولازم احط مياه حمراء علشان الردياتير الومينيوم واجزاء الموتور اللي بتدخل فيها المياه من الانتيمونيا
والمياه الخضراء بتضر بالاجزاء ديه وبتضر بالالومونيوم

انا بصراحة بدأت البحث على الانترنت عن الفرق بين المياه الحمراء والخضراء

اولا كل مبردات الردياتير مبنية على اساس الجليكول سواء ايثيلين او بروبلين جليكول
الاختلاف بيكون في الاضافات المانعة للصدأوالتآكل

التآكل بيحصل نتيجة ان مياه الردياتير بتكون حامضية وده اللي بيسبب التأكل
لذلك بتحاول شركات تصنيع مياه التبريد جعل وسط مياه التبريد قاعدي عن طريق الاضافات

المياه الخضراء هي تكنولوجيا قديمة وتحتوي على اضافات الفوسفات والنيترات والامينات

المياه الحمراء هي تكنولوجيا احدث وصديقة للبيئة ولا تحتوي على الفوسفات والنيترات والامينات ولكن انا مش عارف بالضبط ايه نوع الاضافات اللي موجودة فيها واللي بتجعل الوسط قاعدي

لاحظت على النت ان شركات كتير زي فولكس فاجن بتوصي باستخدام المياه الحمراء والزرقاء
لاحظت برده مكتوب على عبوة مياه الردياتير
انه بيستخدم لسبائك الالومينيوم وثمن العبوة 45 جنيه من التوكيل او من اي بنزينة موبيل
ده كل اللي استنتجته من النت
ياريت لو حد عنده اي معلومات او تصحيح لكلامي
او توضيح يتفضل مشكورا لوضعه للمنفعة العامة

___________
تم إضافة لينك الموضوع إلي المواضيع الهامة في قسم اوبل
مشرف القسم

طيب نشتري كم لتر مياه حمرا ؟ يجرى حاجة لو زودناها بلتر أو اتنين مياه عادية مقطرة ؟

**abdelaziz-waleed** · 19-01-2009 02:12 AM

المشاركة الأصلية كتبت بواسطة rabbat5

طيب نشتري كم لتر مياه حمرا ؟ يجرى حاجة لو زودناها بلتر أو اتنين مياه عادية مقطرة ؟

العبوة بتكون 4 او 5 لتر وبتكون كافية
ويستحسن لو هاتزود تزود برده بمياه حمراء من نفس النوع اللي بتستخدمه
علشان تحافظ على تركيز الاضافات الموجودة في مياه الردياتير
بس تكون العربية دايرة او في الصباح والعربية باردة تماما.
التزويد بمياه مقطرة مافيهوش اي مشكلة غير انه بيقلل تركيز الاضافات فقط (موانع الصدأ ومضاضات التآكل والمواد القاعدية)

**therealhatem** · 19-01-2009 05:28 PM

أنا غيرت المايه العاديه زى ما البشمهندس أحمد علاوى قالى بس للأسف ملقتش مايه حمراء فى محطة موبيل وكان فيه مايه زرقاء جركن ب 65 جنيه ومتبرشم كنت شاكك الصراحه بردو بس الميكانيكى طمنى وقالى كويس
ربنا يسهل ويكون كده أحسن

**original** · 22-01-2009 07:25 PM

مفيش مياه حمراء أصلى ومضبوطة غير مياه الفولكس فاجن وهيا مواصفتها G12 أو G12 plus
وهيا عبارة عن عبوة 1.5لتر بعد ما تتفرغ كللها تتخفف بمياه مقطرة
وتتزود كل ما تنقص بمياه مقطرة
تمنها 45جنيه وموجوده عند أى واحد عنده قطع غيار ألمانى أو فولكس بالذات..

**omdaz_5538** · 11-02-2009 12:12 AM

مساء الفل يا عصابة و كل الموجودين
انا كان عندى مياة خضراء فى العربية الاوبل
بس كان فى تسريب فى جنب الردياتير
و الحمد للة غيرت الجنب و كله تمام
بس حطيت مياة عادية من الحنفية كتجربة عشان اشوف لو فى تسريب تانى و بعدين الحمد الله كله تمام
وكنت فاكر انى ممكن اغير المية بسهولة انى افتح الطبة بتاعت الردياتير من تحت و اضيف المية الحمراء
بس لقيت احمد بية علاوى بيقول بلاش و لازم تعمل flush الاول عشان تنضف
فهل ممكن اروح لاى حد بتاع ردياتيرات يعملى نظيف الاول
مع العلم ان العربية هتكون مشيت و موضوع فتح الاربة دة ممكن يكون غلط عشان العربية هتاخد هواء فى دائرة التبريد لانها مغلقة
يا احمد بيه انت قولت ان العربية بتكون ديرة اثناء عملية التغير
افيدونا افادكم الله

**Ahmad Allawy** · 11-02-2009 09:14 AM

ممممم
والله اصل ده اللي بيحصل ف العربية عندي..
لكن واضح ان الموضوع مختلف عندك..
عموما.. لو حد فاهم اوبل.. ميكانيكي يعني.. هيعملها كويس جدا.. و هيبقي عارف هو بيعمل ايه..

**MohamedGafar** · 29-04-2009 02:45 PM

المشاركة الأصلية كتبت بواسطة original

مفيش مياه حمراء أصلى ومضبوطة غير مياه الفولكس فاجن وهيا مواصفتها G12 أو G12 plus
وهيا عبارة عن عبوة 1.5لتر بعد ما تتفرغ كللها تتخفف بمياه مقطرة
وتتزود كل ما تنقص بمياه مقطرة
تمنها 45جنيه وموجوده عند أى واحد عنده قطع غيار ألمانى أو فولكس بالذات..

الشهابي اللى في شارع دمشق عنده وبحوالي 55 جنيه وهي ألماني وبتتخفف فعلا بمياه مقطرة.

تحياتي

**فادى محمد** · 29-04-2009 03:59 PM

السلام عليكم يا حبايب قلبي ... انا نظفت دوره الميه بزجاجه خل تركيزها عالي ونزلت بلاوي وبعدين حطيت ميه مقطره عاديه وبعد ما اخدت هواها حطيت زجاجه ميه حمراء عملاها شركه امريكيه لصالح شركه تويوتا في اليابان والعلبه مكتوب عليها Toyota . لونها من بره اسود وجبتها من توكيل قطع غيار تويوتا عندنا في دمياط ب 50 جند . بس انا عايز اقول انه مفيش فرق الواحد ممكن يلاحظه بين الميه الحمرا وميه الحنفيه في اداء العربيه ولكن الفرق الجوهري طبعا في الحفاظ علي دوره التبريدوالاطمئنان عليها .

-

الموضوع: المياه الحمراء (لماذا)؟؟؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

المياه الخضراء و الحمراء

المياه الحمراء

ما هو الفرق بين المياه الخضراء و الحمراء ؟؟

الكلمات الدلالية لهذا الموضوع

المفضلات

المفضلات

ضوابط المشاركة